¹ Akhirnya, sanak-sanak, bedoalah untok kami, mangke Firman Tuhan dapat tersebar dangan gincang dan dimuliekan lok yang tejadi diantera ngan. ² dan mangke kami melepaskan dihi ndai jeme-jeme yang kejam dan jahat karne dekde segale jeme punye iman. ³ namun Tuhan itu setie, Die nak nguatkan dan ngelindungi ngan ndai yang jahat. ⁴ Kami mempunyai keyakinan dalam Tuhan mengenai ngan bahwe ngan sedang melakukan dan akan tehus melakukan ape yang kami perintahkan. ⁵ kirenye Tuhan mengarahkan ati ngan kepade kaseh Allah dan kepade ketabahan Kristus. ⁶ . Sanak-sanak, mak ini kami perintahkan kepade ngan dalam nama Tuhan kite, Yesus Kristus, mangke ngan menjaohkan diri ndai sanak-sanak yang idup bemalas-malasan dan dek de sesuai dengan ajaran yang kamu terima ndai kami. ⁷ Ngan diwek tau bakmane ngan harus meneladani kami karne kami dekde bemalas-malasan waktu kami rembak-rembak ngan. ⁸ Kami jugo dekde makan makanan jeme laen tanpe membayahnye. Sebaliknye kami berusahe dan begawi siang malam make kami dekde jadi beban untok siape kian diantare ngan. ⁹ Bukan karne kami dekde mempunyai hak untok itu melaenkan untok ngunjokkan diri kami diwek sebagai contoh untok ngan milui. ¹⁰ Wektu kami maseh besame ngan kamipun ngejok ngan perintah ini, amun jeme dekde galak begawi, hala die makan. ¹¹ Sebab kami nganeng ade beberape diantere ngan yang idup bemalas-malasan, dekde galak begawi, tapi sibuk awan hal yang dekde begune. ¹² Jeme lok itu kami ajungkan dan kami nasehati dalam nama Tuhan Yesus Kristus untok begawi dengan tenang dan makan rutinye diwek. ¹³ Sedangkan ngan, sanak-sanakku, ndalah lesu bebuat baek. ¹⁴ amun ade jeme yang dekde menaati ape yang kami katekan dalam surat ini, tandeilah jeme itu dan hala begaol gok die mangke die kemaluan. ¹⁵ Tapi, hala perlakukan die sebagai musoh, tapi tegohlah lok suhang ngesanak. Kate-Kate Terakhir ¹⁶ Tuhan damai sejahtera kirenye ngenjoki ngan kedamaiam setiap waktu dan dalam segale keadaan Tuhan menyertai ngan galenye. ¹⁷ Aku Paulus nulis salam ini gok tanganku diwek sebagai tande keasian suratku, mak itulah aku nulisnye. ¹⁸ Anugerah ndai Tuhan kite, Yesus Kristus menyertai ngan galenye.