Yahuza ǝhwo Yesu Kristi bǝ nənyyug Yakubu ngwo lyurug ǝnied ǝbyo ǝ́ kə ngyoroŋ ni, byo ǝ khay bɨ ced bumi Əgwaza ǝ́cyo, əsɨ khab ba ə́ sag danian Yesu Kristi ni. Yog fəg kunag, kay nda bɨ cad nâ byyo usarag bǝ nyin. ³ +Nanyyug ǝbyo n cad ni, nkwan ndyurug nyin tuza sàn sɨced zɨ ku sǝlləy, î yed tɨlɨd nhwwad nyin tsutsswo bǝd bɨ gag ǝkwo nyi na kwan bǝd bumi ŋwwag tsswo əkwo ǝ́ nyyeb nnwan Əgwaza na ni bu unyyuŋ. Əyyaŋ ənied ə̀sɨ hwwam ə̀ ŋwwo bə ə baŋ. Ənied ǝ bay ba byo ǝku lyurug ǝna fyyed ǝlyyad tuza ba. Ba yed ənied nkag byo, byo shay shog Əgwaza ji ə́ cyyo shɨshɨg ki nyyo, basɨ tsswo gu bǝ ənyin gu əkwog uswon əcyo zɨd u Yesu Kristi. ⁵ Nini əkay, ncad n jyuŋ nyin naŋ Əgwaza u ǝ̀ nsan ǝnied gu ba bɨ hwo ku bə ǝbin Masar, məta ǝkyo ə̀sɨ bwo hyay ǝnied ǝbyo lag san gu ku ni. Əwod +ǝtəm ntswa əbyo lag kay ndwag Əgwaza na ni, ba lag kukwon tyog ǝ kwo Əgwaza u joŋ ba ni, ba sɨ ŋwwo nkag, Əgwaza ǝ̀sɨ ləb ba bǝ +nyanyaŋ saŋ sɨsag, ǝ̀sɨ tá ba bumi dyundyuŋ ə ntsswoŋ nwam fyyed ǝlyyad Əgwaza ku. Bə naŋ saduma bə Gwamrata mbyyaŋ əkum +ukaraŋ ǝkyo u karaŋ ba ni, ǝnied ǝbyo ə ŋwwag əpyo ba bâ nyyo shɨshɨg nyyo ni ba hwi nkyaŋ ə nio da ni yed ǝtan ni dag; ǝ́sɨ bwwag ba ǝ́ cyyo naŋ ənied əbyo ə sswo zwod bǝ ndoŋ saŋ sɨsag ni. Bə ənyǒ ǝnied ǝ lyyad əbay ni ǝ bwwag ndwam bana ə ncyyo shɨshɨg nkyaŋ. Ba sɨ lag tyog ku, ba sɨ lyyad kətug nkyaŋ tuza ǝnied əbyo ə̀ dyeb ni. Bǝ naŋ əgwag ətam ntswa Mika'ilu ə̀ kun nkwan mbyyaŋ ya kanan ku bə əgwam utənyɨraŋ u tuza nkwom Musa ku ni, ǝ̀sɨ mag ə̀ tyab gu dag. Də kunuŋ əkyo ə̀sɨ nyo, "Yog Ətyə uli ə nyyeb a." 0 Əwod taŋkəy ənied ənay, bà byo ə tyàm nkyaŋ ənio də ba fɨg ni. Nkyaŋ ənio basɨ fɨg ni, əkwa ba ka, ka kyo di naŋ nyam uyid ni, na nio nɨ bwwug bə mba. 1 Shyishyi nɨ ya ba, taŋkəy ənied ənay ni kay lwag Kayinu ku, basɨ təlyib bumi tyyeb kwa, bumi əkwa Bal'amu danian ba cad səhwod. Basɨ bwwug bumi taŋkəy wug zwaŋ Kora ku. 2 Taŋkəy ənied ənay ni ba yed kətug ənied byo gbaŋ bumi utuŋ nyi na shin ya bɨ sswo. Ba byyo nsum dag bə wuwog də njen ya bɨ sswo, ba tsswoŋ nyinyaŋ ba bə ənyin ba. Ba yed ninian ə byo byoŋ səhwod ni dag, wun kwo lwoŋ ba. Bə di naŋ ənied əba kə nkwi cyyan ufyyaŋ ni, basɨ bwo di naŋ nɨnan ukwon əba ə́ kə nduŋ ə tɨn ni. 3 Ba di naŋ kɨkad ngwun səhwod bə əywi da bə nsum. Ba di naŋ +təŋgwad ənio u tyoŋ u kad ni, byo dyundyuŋ ndyin ə̀ khab ə̀ sag ba dyo tɨnad jen saŋ sɨsag. 4 Anuhu, wo ə yed ətyə natad nyyo bə Adamu ni, ǝ ku lyyad kyaŋ əwod tuza baka nyo, "Di! Ətyə Uli u ə təbay dunduŋ bə zɨzarag ənied gu ba byo ntad dɨdɨd ənied cyi kwob, bə cyi kwob ni. 5 Ə̀ tə bay gwô fyyed əlyyad byyo əbun bə əpyo gu tuza konyan. Ə̀ tə bay gwo ba fyyed alyyad əhwu tuza kəkəb kətug nnyyo əna ba nyyo bə kətug ndwag wu ni. Bə kəkəb bɨbyyo əlyyad əna kətug ənied əbun ba kɨ lyyad tuza guka ni." 6 Ba yed ənied ḱwob ədyin byo, ba hwi kətug nkyaŋ əna ntsswo ba na cad ni bəd. Ba tswod nfɨrɨŋ bana dɨ cad nkaŋ ənio bana nshyyo fəg nyinyaŋ əpyo ba ku, ba lyyen əkum ənied ka ni. 7 Əwod, nyin ənied əba n cad ni, nyi jyuŋ əlyyad ǝnio ə kən dyyad ni du lwo Əgwag nnwan ntəm Yesu Ətyo Uli zɨ wu Yesu Kristi ba sɨ tag zɨd nyyo gbamgbaŋ. 8 Ba nyo bə nyin "Bə əŋhan jen wu ə ba shyyo ənied əba na may nyin byyo hwi nkyaŋ fəg nyinyaŋ ba lag hwi Əgwaza u ni." 9 Ənied əbay ə yed ənied fwo ulwo. Ba byyo ǝkwa nnwan swanta nio, ba sɨ byyo tswa ji dag. 0 Əwod nyin, ənied ǝ byo n cad ni, nog əpyo nyin bumi zɨzarag ŋwwag cucug nyin ku bɨ shyi nyi nay bumi zɨzarag ntswa. ²¹ Nyi cog əpyo nyin bumi nced Əgwaza, nyî ntsswoŋ fǝg kunag ətyo uli zɨd u Yesu Kristi wo na bay bɨ sswon saŋ sɨsag ní. 2 Nyi fəg kunag ənied əbyo tsswo lyen Əgwaza ku ni. 3 San əkum ənied dɨ ŋwwo uli ndoŋ ka. Əkum ka ə fəg kunag ba bɨ tsswoŋ uwun. Nyi fəg shɨshɨg +ətərəg ndwam ba ba. 4 Nɨni ətyo əwo byyo ced ə lwwoŋ a tug tag, wo nə cyyo á yoŋ bə zəzarag du uyyi gu ka ni, də bɨ kyaŋ twoy mbyyaŋ ə say ntsswo bəd. ²⁵ Nad bə Əgwaza wo san zɨd ni bumi Yesu Kristi ətyo uli zɨ wu, tyog, shi, gbamgbaŋ əzaw, bə nɨni mbyyaŋ jen saŋ sɨsag. Zǝm.