Kyaŋ ǝkwo zɨ fǝg nyyo bu utsa ka, əyyi zɨ ba əsɨ di, mbwwag zɨ na sɨ byərəm ni i kwo yed tuza ǝlyyad sɨced. Əwod ǝ́sɨ twarag sɨced ku zɨ sɨ di ku, zɨ shim ku. Zɨ shey nyin ǝlyyad sɨced saŋ sɨsag, kwo ku shyyo bǝ ǝcyo u ǝ̀sɨ twarag zɨd ni. Kyaŋ ǝkwo zɨ fǝg zɨ sɨ di ni ikwo zɨ shey nyin nyî ga shyyo mwun ǝpyo ku bǝ nzɨd. Mwun ǝpyo zɨ ku shyyo bə Əcyyo mbyyaŋ Ŋgwon gu ka Yesu Kristi. Zɨ bɨ lyurug nyin nkyaŋ ǝnay ni, say tsswo zɨ ku i ga nhyad. Təm ǝji izə zɨ fəg bǝ ngu izə zɨ shey nyin: Əgwaza u ǝ yed say, bumi gu ka lyin nshyyo dag kwo bǝ cuncwad. Kǝ zɨ nyo zɨ byyo mwun ǝpyo bǝ ngu ǝwod zɨ sɨ coŋ bǝ ndyin, zɨ bwoy ǝlyem kyo, ǝwod cucug ǝ shyyo bǝ nzɨd dag. Əwod kǝ zɨ coŋ bumi say naŋ gwo nshyyo bumi say ni, zɨ byyo mwun ǝpyo bǝ ǝyyaŋ ǝswog Yesu Ŋgwon gu ka nâ kwi zɨd kozan taŋkəy kǝtug nyyo. kǝ zɨ nyo də zɨ byyo ǝbun dag, zɨ lyyen ǝpyo zɨd, ǝwod cucug wu ǝ shyyo bǝ nzɨd dag. Əwod kə zɨ nay ǝ yurub zɨd kətug nyyo zɨwu, ə̀ yed cucug ǝti saŋ ǝbun, əna yurub kətug nyyo zɨ wu, ǝ̀ kwi zɨd ǝbun zɨwu sǝlləy. 0 Kǝ zɨ nyo dǝ zɨ nyyo kǝtug dag, zɨ cyyo Əgwaza u ǝ̀ yed ǝtyǝ əlyem ǝwod ǝlyyad guna əsɨ shyyo bumi zɨ ka dag.