¹ Bulus, pursunaaza kweebaaz Yeesorǝz naa ungwanz Timtaawus rekarǝ Filimon ungwanza e iinu pa tomsǝz, ² naa doowiya kiizaz Afiya, naa ungwanza arrǝ ar ya'amrǝz Afiikus naa mariya i esǝ timr i dakǝn mo̱o̱rǝ gwa'ai. ³ Go'num naa gapta wessa Bil daa à aaz naa Kweebaaz Yeesorǝk na gau naa ii. ⁴ Koo bonnaya n pu iisǝk Bil useekorə n pu toskəndə we̱e̱rəka Billa miilə. ⁵ N gee paka gbaaka naa eska timra illə daa Yeesorək naa iya i esə timrairə yasak. ⁶ N We̱e̱rə Bil dakska zura iilə eska timləl na ree mu' nok me̱e̱ka kala ina wessa pu iirə te'endə kweebaazə. ⁷ N pu naa yaksa zok haa sə timr tabse nok gbaakaa mo̱o̱k. Nok timteya iya esə timrairəi i kissəpu. ⁸ Noka riik, koo de n punaa le'səma n eskəna dokaa kweebaazə sə a bo̱'rə ina n doon. ⁹ Naa riik, nok gbaaka, n ii ooruka - mii Bulus, do̱o̱nz, gə ri'ak pursunaaz nok Kweebaaz Yeeso. ¹⁰ N pu oorukarə no̱k Onisiimus, waza miiz, ura n gau daazəz ullə sargaiya miirəirə. ¹¹ Nok do̱o̱ gə pu naa bote uza moorə pa, ama ri'ak pu naa bote áarə. ¹² N getnupu moorə, ura pu miirə timlə koo bonnayaz. ¹³ N ii n ka kamsu mində ang səka bo̱'se toms nok moo de n pu sargaire nok dooka paka tingka Billək. ¹⁴ No̱k n ii bo̱'ka una naa iikaa mo̱o̱k pa. N ii ara to̱mteya mo̱o̱rə wessai i gakkpən naa gbamak pa, ama na gau naa iikaa mo̱o̱k. ¹⁵ Ləəgə noka enini sə i markən naa ur ru' to̰pak, no̰k səna gətə mo̱o̱rə naa gapt haa tinŋtinŋ. ¹⁶ Diga ri'ak gakp se̱nzəz pa, ama ark se̱nz, gakp urgwanza a iikunupazəz. Ura gbaanzəz miirəzzi, mo̱o̱rə gə maa ark an zokrə roo naa Daa Billə. ¹⁷ No̱k riik, na mii ungwanza mo̱o̱rə to̱msəzzi, kweemu ni a kweene miik. ¹⁸ Na bo̱'sapu unaa go̱'pan, koo a duwudun una, doosme mii. ¹⁹ Mii Bulus n biisa ina an naa na'a mii: n toka. sei mina doosapu mo̱o̱ a miizi pa. ²⁰ Ò̱o̱, ungwanz, bo̱'səme go̱'num no̱k Daa Bil; esəm zəngsa miis əngəska kweebaazə. ²¹ N biisəna ak no̱k n me̱e̱me̱n a duudun paka n doosak. N me̱e̱me̱n a bo̱'o̱kbon ark ina n oorən. ²² Gəbən laasne ar tiina, no̱k n pu okrə we̱e̱rəka Billa iilə, lo'ok pa gətkəne iirə. ²³ Efaaras, ungwanza miirə gaptə pursunarə no̱k miiz Yeeso Kweebaazə pu də'əskarə. ²⁴ Ri'eri gə Markus, Aristaakus naa Dimas naa Lukka ungwaniya miire tomsəi. ²⁵ Go'numa daa aaz Yeeso kweebaazəm na gau naa rumsa moos. Na gau rii.