¹ Ijudu, ushala ọwi Ijẹsu krisiti ọhwuẹ Ijẹmisi, ni ibọ na agwuẹ ẹnẹ yanẹ uguda mu ọyhọkọsẹ ọwi Iya, ẹna ha wẹtẹ zọ wi Ijẹsu krisiti. ² Uliria, ki ọkọnọdọ kẹlẹki uvia kẹlẹki uguda ubiahi lẹsọwaọ. ³ Ibọmẹduguja, iyi mẹ si la da kumẹ chiuube zhọwaọ zi ikama uyẹyhọ nima yanẹ kugbe, ẹnẹhi iyẹmi ku mẹ chiuubẹ zhọwaọ, mẹha họlẹ wa iyi wa laẹ zhumazegbẹ yana ufuẹya una hana ibọ ọyhọkọse nẹ fuẹma ẹzakpọ kaẹshẹgiọ. ⁴ Ibọọjọ ẹvẹtẹ họlẹ ẹhawa ibọ na nẹsẹ kiliẹ riọfuwa kẹnẹ. Ibọ nikẹ nẹzẹ ọyhọkọsẹ nẹ vuẹ azọọfẹ ẹwẹ ọyhọkọsẹ zọ ẹhena, ikili chẹzẹ ọgazhẹ kẹlẹ ki ọyanẹ, Ijesu krisiti, ọgu ni ma yanẹ. ⁵ Anana mẹda ku mẹ zhamazẹwa, ama nọ na nẹzẹ vhọ, ẹshe jọhọ, iyi ọyanẹ ọla yhana ibọọjọn gbẹ ẹkẹ igibiti shẹẹ, amanọ ẹshẹ ẹrivọ, ọhi ibo ki yẹyhọ iafua. ⁶ kẹlẹkẹ ẹwa Angeli niki riyhemi sẹẹta ẹkpukpa na hẹja zọ, nẹriki igbiaja nẹ riusu uhẹna nẹja. shẹhẹ ọyhọkọsẹ ọsọẹja ẹsẹkẹ ẹwu ugbọ pẹrẹ, zọwẹgua ubi nẹ rimi, ka bada nagẹdẹ ma iyhọmugaliẹ. ⁷ Iyọ kẹlẹ Isọdọmu ki Gọmọra ẹla hẹgbẹja nẹ ẹhẹna kẹkẹlẹ umuzhẹ mu wa azia. Ehakazẹ iyi agbẹhẹri ibọ nẹ arẹuzu uyhẹhẹ wẹ ẹrima ẹya nukuvọ. ⁸ Iyiguẹnẹ ẹmusuna musana, ẹnọ ela mazọ ẹgbe jaa. Ichẹzẹuma, ẹkẹlẹwọ, ẹguẹ ni kecha zọ ọnọyanẹ ẹlakpayẹ ọ. ⁹ ukẹnẹ Imakẹli agẹli ọnọgẹdẹ, ẹba nọ ruẹ ẹshu le yananunu ubọhẹ ẹgbẹ Imọsẹ, ọshimi wẹ guẹ nẹbẹ ishọmugaliẹ zọ niọ. Eyaọnọ, ọwẹki "ọyhọkọsẹ ọmauzhaunu" ¹⁰ Amanọ, ibọ nọ ẹfiamazẹ ẹguẹ ni kẹ ẹhọlẹja, kẹ guẹ nẹ ẹhọlẹja iyiọgbọ, iyi ẹluna ni kẹ kọsẹgua, ẹkwẹnẹzẹ hẹja riọfua kẹnẹ. ¹¹ Owhua ibọkẹ ẹcha zọ ọkpọkpọ wi Ikeni ẹkẹlẹ họlẹ zọ ahẹ ẹguariagu awi Ikọra. ¹² Ibọnọ ufia ni ri zọwaọ, aja wẹgbẹ huugudarẹ wawhọ, ẹhuuka zọzẹwaria, ẹgagazẹ nẹ riẹzẹ ẹgbe jakpa.ọdudu nọ ẹvẹlẹvẹlẹ aza cha nikẹ kwọshọ niwẹri, isha ẹwẹ ọyọsẹ, ẹniki mitọ niguiyava, ẹshitakuwa. ¹³ Uvẹnamuamẹ niri, ẹhu ukpa futuna, itikpiasẹsẹ ni kwẹmina, ibọ nẹ riki ubikpiti ukẹhẹja pẹrẹ. ¹⁴ Enọki, ugbamu wi iyọwha, Adamu nọ ọwuguẹ ja zaaru, ọwẹkẹ "Gbẹhẹ! Oyanẹ ọh zi ẹni ibọ ni ugbẹyẹ kẹkẹlẹ ku ugbeyẹ ẹnẹ fuẹ ma. ¹⁵ Ozi nọagaliyhọ na kọnyọkọnyọ ọzi nọya rue ibọ bẹ ẹnẹzẹ nẹ ewhọnyọọ ni ibọ azia azia ẹwẹ kumọni". ¹⁶ Ibọ ni whọnọnọ, ugu uyẹmi zọ ẹgi ilọ, ẹni zọza ẹguẹbẹ ẹnẹ ẹgua wẹja ada. ibọnẹ hẹ egbẹzakpa vẹna, ne ri ke ẹhẹ efiu unu shẹ zẹ ugbọ ibọhi ẹsọọ ẹnia miẹyẹ. ¹⁷ Amanọ, wawa mẹ duguẹja, wa zana ẹguẹ na wẹ kaadẹ chaunu ibia ẹyima ọnọyanẹma Ijesu kirisiti. ¹⁸ Ewehewa, "Uvulẹyi amiẹ ibọ ni ria ahaẹ ni yẹli zọzi ẹmia ẹgua wẹja ada. ¹⁹ Enọ ni riẹguẹ ẹkẹmasha, ẹgwẹ ugbọ iyazẹja ẹla yanẹ ẹhogbẹẹ. ²⁰ Amanọ, wawa, ni mẹduguẹja,walẹ ma ẹgbẹwa sọ Uyẹyhọ unufuẹmava, kẹlẹ ka achi ẹqua Ehọnẹfuẹma vhinahi. ²¹ Hẹgbẹwẹ wẹtẹ zọ ugudamẹ wọ Oyhọkọse, ukẹli zizalẹkẹlẹ ukọnọdọ uwa ọnọyanẹma Ijẹsu kirisiti ẹnẹnawa ubgọ pẹrẹ. ²² Yanẹ ukọnọdọ nibọ nẹ yanẹ ẹgwava. ²³ shana ibọjọ uvẹ ja gbẹya nẹ shẹhẹ. Nibọjọ hu uzuva yanẹ ukọnọdọ, ukẹ dugu kẹlẹkẹ ẹmazi ẹnẹ ẹgbẹ ẹmasẹya. ²⁴ Anana nọ ọnyọ nọ hi hwuluwu ẹrikuzẹ, ọkẹlẹ hawu ziza zi ilọ ẹlagbẹdẹ mani, ẹriku yanẹ ẹma kẹlẹkẹ ẹtanah nẹgẹdẹ. ²⁵ Na Oyhọkọsẹ ọgukpa ọnọ shọnama cha ubọ ọnọyanẹma Ijesu kirisiti, ahuma, ẹlakpayẹ, na ni ẹshẹkẹshẹ, ka nana, kẹlẹki ẹshẹnikivo Iriyọ.