2 Ahamiẹn uhuọmujie nọnu - unuẹhi vae kiẹn ẹmọata nan degbeyẹn, adamiẹmin emiebe rebhe bi akaehọ loya nọnkhẹkọle. 3 Bakirẹmiẹnyẹ iman sabọ nẹgbe, iman rẹlogbe-ẹnin nọn kpọnọ sẹriọ? ọna họ ẹnẹnin nebealẹman ka rẹman nọnyẹ munsẹ rẹje enẹbhonin nehọnlẹn. 4 Bhọ ọnẹghe yẹ, osẹnobula da ri iyama sọ ọsaliọbhọ, ọhaninlo bi emin kẹkẹ nọnra-ahulu, bi ọrenan nọn ha ghale bhọ ọsa-ahue ehimin nọkhiale beji iho nọnsọle bhanbhalẹn. 5 Ramude ọiyẹhi osenobula muọ-ọnagbọna novadẹ elebhobọ, niman temọnlẹn. 6 Nọnrẹdiariọ, ọria damọe-ejọdatale, "Họbhọ ọria nuwẹ da ria-ẹmọnlẹn? La ọmiọn ọkpea, nuwẹ gbẹ ẹloghe? 7 Uwe shiọ-ọria keotọ bheji ẹhi ye; uwẹ da mu - ukpani ejele ọso - oriri bi ọghọ yọle. Uwẹ darọle agbẹloghe iwena obọnọnbẹ. 8 Uwẹ da mue-eminrebhe ọle bhẹ ẹleramẹn". Ramude, rẹjọle osẹnobula mue-emin rebhe ọle bho-obọ. 9 ọkpakinọn, iman daghọle na sikẹ otọ nẹ-ẹhi bhu - ukpomie - ẹghe khere. Beja miẹn IJesun, namu-ukparu ejele nan bi oriri bi ọghọ ramude oya nọnlele biu uyumin nọn yulu, bejadamiẹmin bhẹkẹ ẹsẹọhẹ nọnso-osẹnobula ọki - domin uu rẹjo ọrebhe. 10 Ramude ọikiebe gbale rẹji osẹnobula, ramude eminrebhe ribhọ rejole bi uko-obo nọnsọle, nọnrẹ rọ-ọmọn nebunbun vae bhẹkẹ oriri. ọidianalẹn nọnrẹ kin ọmukalo bhẹ-enin nọngbale nọnnẹkẹ iloya nọnsọle vae. 11 Họnọ ọkpọriakhia bi enakpekhia uwedẹ ọkpa enebhe navae. Ramude ọna ẹkhọle iluọle nọrẹ tie ele ibhio. 12 ọitale "Imẹn dẹtẹ-ẹmọn-ehin nọnsẹ ma ibhiomẹn. Imẹn dẹrẹ sui-ilolo bhẹkẹ osikokore". 13 Gboyẹ, "Imẹn dẹ degbe yẹọnlẹn". Gboyẹ, "ghe, enamẹn ye bi enimẹn nosenobula nemẹn". 14 Bejoki ihariọ, bena-miẹmin enimọn gha bhẹkẹ Ikpakpaegbe bi aranlẹn, ọiye gha bha - enemin nekẹle, bejadamiẹn bhẹ ẹkẹ uu ọki sabọ ria ọnọrianin nọn mọn ọna-ahu ọsu - uu, nọnkin ojuu. 15 ọnaidiariọ benọ ọda fanọn ọrerbhe kua rẹje enẹbholo namiẹn ramude uu, edayẹn bhẹkẹ igbon. 16 Ramude ẹmọata ọnakhin ghe ọiyẹhi ọmiẹkpa, ọkpainọn uhin nọnsi Ebraham (abraham). 17 Benọkidiario, ọikhẹke nọnrẹ diabi ibhiọle bhu-uwedẹrebhe, bejadamiẹn ọki kiọn ọnọmnọẹn Itohan bi ojohẹnlẹn nọnlunọnsẹn rẹji emin nọnso osẹnobula, bejadamiẹn ọki muo orẹhuman bue-enebho. 18 Ramude Ijesun tobọle kaloya adayẹ dọmọnlẹn ọlo sabọ rẹkpa enebholo nanyẹ dọmẹn.