¹ Uhi, adudu nọn ọsi emin esili nọn vade nọn, ọi hi yi ọni emin esili jẹ je. eni izọ ese ni ohẹnlẹn zọ ukpe ukpe hi da sa bọ ri ene guanọ ne min osẹnobulua kin ene kkpekhia. ² sade họ yi iriọ, isẹn abha mọn re obọ si bhọ re? isen ene g osenobulua mon rẹ kpekhia isukpani, ei da yẹ yele olukhọlọ nọn osele re. ³ ọkpkakinọn, eni izọese kin ebe ha ye ele eminebe ne lulu re ukpe ukpe. ⁴ Ramunde aranlẹn nọn ọsi ẹmena bi ẹbhe hi dda sabọ kpi eminebe kua. ⁵ ẹ ghele ni Jesu rẹ vae bhi ẹkẹ ọni agbọn nan, ọ da yiọle, "Izọese bi urẹnan hi yi ebi ibha guanọ, ọkpakinọn egbe ni ibha manman ni imẹn. ⁶ Bhi ẹkẹ urẹnan nan tuẹa, bi urẹna ọsi eminebe, ọ bha ti ibha bhọ. ⁷ ọle hi mẹn da tale 'ghe, imẹn enan, bi eji gbẹn ọlẹn bhi otọ bhi otọ bhi ẹkẹ ebe na rẹ lu ebi uwẹ guanọ ⁸ ọhẹnhẹn, ọ da tale, "oi yi izọese, la urẹnan, la urẹnan rebhe nan tuea, la urẹnan ọsi eminebe, ni ibha guanọ la. Ibha hi ghọnghọn bhọ" enan hi izọese nan zọọle bi eji uhi tale. ⁹ ẹghele nin, ọ da tale "ghe enan imẹn ye nin imẹn dọ lu ebi uwẹ guanọ" ọ da rẹ eba ha lu ihẹnhẹn kie, bi e jọ ha mun ọnọn zi eva na ki da ha lu. ¹⁰ Ramunde ọni ihoo nin a ki kpe manlẹn khia rehakian bhi ẹke egbe nọn ọsi jesu na kirẹ lu urẹnan. ¹¹ Ukpẹdẹ rebhe ohenlẹn kẹọkẹ rẹ mudia lu iwenan nọ ọsele ji osẹnobulua ọ ha zọ, ọni ese, ogbokie zọ le, izoese nọn hi da sabọ re eminebe kie. ¹² ọkpakinọn, eghele ni kristi ki rẹ zọọ ese nọn ọsi eghele rebhe nọn osi emin ebe, ọ da dotọa bhi obọ obera nọn osi osenobulua. ¹³ ọi mudia khẹ eghele nin evanlẹn ha rẹ kin ukhere nọn ha ne eranmẹn kuọ. ¹⁴ Bhi ukpi izọẹse ọkpa, ọle oda mun eni arẹnan rebhe sẹ. ¹⁵ ahu elimin nọn khiale yẹ si ọsai man imanlẹn ọhẹnhẹn, ọ da yiọle ghe ¹⁶ ọnan hi oni okovẹn nin imẹn bi ele da koko vẹn sa ha ki gbera eni ikpi ẹdẹ nin a, iriọ Eba alẹnmanlẹn tale i ki re uhi mẹn fi ele bhi ọkhọle. I ki yẹ gbẹn ọlẹn bhi ọkhọle nọn ọsele. ¹⁷ ọ da yẹ tale ba le "Eminebe bi irauhi nọn ọsele, imẹn hi yẹ da yelere. ¹⁸ Ramunde, e ji a da min urehulan, re ji enan, ai yẹ zọ ese bhi emin ebe. ¹⁹ Be jiọki dia inian ibhioo, iman manman mọn irudiọ ni imanlẹn ha rẹ na bhi eje khia ne, bhi aranlẹn nọn ọssi jesu. ²⁰ ọni hi ọni uwẹdẹ ọgbon bi iyẹnlẹn non tugiea nin imanlẹn re ni ukpon nan rẹ gue unurolo, nọn kin, ebe nin egbe nọn ọvle vae. ²¹ Ramunde imanlẹn mọn n nọn khua nọn ribhi uwa nọn ọsi osenobulua. ²² Ibha ji imanlẹn ri ọkhọle ẹmọnata sẹbhọ bhi ẹkẹ urẹọbhọ nọn zezele, imanlẹn ki kpi ọkhọle man khia bhi eminebe, yẹ ri amẹn nin itọn hi yẹ khọọa. ²³ Ibha ji imanlẹn yẹ mun irudu ọ nọn ọsẹmanlẹn mọnlẹọn bhi ẹkẹ abha ha bọ akhọmẹn akhọmẹn, ramunde, ọnọn vi ive manlẹn hi si eba ha rẹọ bhi e bọ tale. ²⁴ Ibha ji imanlẹn ria ebi emanlẹn ha rẹ ha ze egbe udu rẹ ji ahoẹmọnegbe bi ilueminọnsẹn. ²⁵ Ibha he ji imanlẹn ha usun ibolomanlẹn re bi eji ebholo eso ki ha luọ Non kirẹ dia iriọ, ibhaha mun egbe udu zeze kaka ẹghele rebhe be eji uwẹ daghe ọni ukpẹdẹ fẹkẹ si vade. ²⁶ A ha mien iman da dọ ha lu eminebe bhi ẹkẹ ilẹnlu, bi eji imanlẹn lẹn ẹmọnta fo, izọese bhi emin ebe yẹ da sabọ ha ribhọ ²⁷ e bọ ki da ha khin, e ba la dọ miẹn di kin ebe ha ri ofẹn nọn kaka le mun ramunde ibhuohiẹn nọn da nale ddagbare bi ekekhọlọ ebe nọn eranlẹn nọn ha tuẹ eyilan nọn ọsi osenobulua a. ²⁸ ọnọn hi rẹ ha khin nọn si okpakpa gbi uhi nọn ọsi imosisi, ni itun-eva la ea si ọsai gbe, uu a ji ọle ele bhi ẹkẹ itohan bha ha ribhọ. ²⁹ Eki oya nọn khọlọ nọn ọnan uwẹ ki riale ghe nan ha rẹ nọn ọria nọn ri idia gbi ẹmonlẹn nọn ọsi ọmọn nọn ọsi osenobulua, nọn ghe okovẹn bi ebebhakhia, aranlẹn non re kpi ọle khia. ọ da ye ri unun ji elimin nọn ọsi ẹseọhẹ? ³⁰ Iman hi lẹn ọnọn tale ghe "Imẹn yan iluhasa, imẹn hi dẹ ha ele osa bhi ebe lulu". Ki rẹ gbera ọnin, "ebealẹn hi dẹ bhulu ohiẹn nọn ọsi ẹbholo nọn osole". ³¹ Eminlnn nọn wa udu nọn nan rẹ deọbhi obọ nọn osi osenobulua nọn yẹnlẹn . ³² ọkkpakinọn yeele ẹghele nin ikhẹ re, ẹghele na rẹ remu uwẹ elolokore, ebi uwẹ yẹn egbe rẹtẹ yẹ bhi ẹkẹ oya. ³³ Ai ri unun ria bha a bhi ẹwẹ ebholo. yẹ ha kpokpo bha, ibha da yẹ nin ebholo ebhebhe ne yẹ dia iriọ ha gha ilolo. ³⁴ Ibha hi yẹ ha mọn itohan ga eni onighan ibha da ri eghongho ji ele muni eminlin ni ibha ha mọnlẹn ibha hi lẹn min ghe ibha tobọbha hi mọn eminlin ẹdẹdẹmẹdẹ na re khẹ ibha. ³⁵ Ramunde ọnan, hei mun irudu ọ nọn ọse fia, nọn mọn elele non kpọnọ le. ³⁶ ọni ẹghelo nn ibha ha rẹ ha mọnlẹn Iyẹn egbe, bi eji aha da miẹn ẹghele ni uwẹ ha ki rẹ lu ebi osẹnobulua guanọ uwẹ ki min elele nọn re ọbhọ ³⁷ Ramunde bhi eghele nọn bha rele gbe ọnọn vade de gene vae bhi ẹkẹ a bha ria eghele a. ³⁸ enekhiale non ọsẹmẹn de yẹnlẹn min bhi urẹobho ọ ha de re ikeke. I da ghọghọn ọbhọghọn. ³⁹ ọkpakinọn imanlẹn hi yi ukpọle bhi ene diọ bhi ikeke ne min oriaa ọkpakinọn ẹwẹ ene ha mọn urẹọbho ne da reọbhi ọkhọle, imanlẹn ye.