1 Ebeahin-igbọn, bhare nin ihbọn ebediale nọnmen bhẹlo ramude uwẹ lẹmin ghe uwe yẹnin mọẹbealẹn bhẹ ẹguaokhun. 2 Wọ mama hane-erọmọn. Muegbeọbhotọ bhẹkẹ ekhuẹmẹn. 3 Bhakugbe ha ne - erọmọn manlẹn, behadamiẹn osẹnobula oki tujie-odẹa nẹ-emọnọnsọle, nọnrẹ to-olo nẹbhi kiristi. Ramude ọna adamumẹn bhi Ighan. 4 Ne-erọmọn beji n ada gbọle - ẹhoa benọkhẹkenimẹn rẹ-tale. 5 Akhian bhẹkẹ ẹwanlẹn rẹje enẹbhonin nẹnbholele, waha hemin - bhẹ ẹghe. 6 Jọ ota nọnsẹọ bhẹ ẹghe rebhe ha mọẹ ẹseọhẹ Jo hayọ ọta nọngbale ẹgherebhe, bejadamiẹn uwẹ ki tẹn ebuwẹa rẹ ewaniẹn nerebheye 7 Rẹje eneminin nerẹ tẹmẹn, tachikọs (Tychicus) aki remubha elo kore. obhio nimẹn hoẹmọnlẹn nọn, egbọmandia n, bi igbọn nọnse ebianlẹnman. 8 Imẹn jọle buẹ ramude ọna, beju uwẹ ada lẹn enẹmọnlẹn ne rẹke imanlẹn, bejoada risuduọ bhọ ọkhọ bha. 9 Imẹn jọ deba onẹsimẹs (Onesimus), Obhioman niman hoẹ nọmọẹn hẹkẹlẹọ nọnkiọn ọkpa bhẹ ẹwẹbha. Edi reminrebhe mubha elokore nọnsunu bhe ena. 10 Aristachos (Aristarchus), ọmuẹmẹn bho onighan, oituẹ bi oimaki (Mark) nobhiaba Ibanabas (Barnabas) nọka ha gbu-uhi nin bha, oa buẹre miọleọ bhegbe; 11 Rẹyẹ sẹbhi Ijesu nan tiọli Jọstọs (Justus). Enaọkpa enimuẹman niman ko-ruẹkugbe ha lui iwena ẹyua osẹnobula kugbe. Ekin Isudu rẹji Imẹn. 12 Ẹpafras (Epaphras) Tuẹẹ ọkpa bha kokhin ọdayẹ kin igbọn nọnsi Ijesu kiristi. ọiwọ zakhuakhua nin bha bhẹkẹ erọmọn, nejuwẹ ada mudia nọnsẹn kin ọnọngbale bhi iho nọns osẹnobula rebhe. 13 Imẹn dẹ sabọ bhudu ghẹ họi mama kaka abọ wena, rẹne enẹbhinin neri bhi laodisia (Laodecea) bi eneribhi Hẹrapolisi (Hierapolis) 14 Iluku (Luke) no-obhioman nọn obo-ebo bi Idemasi (Demas) tuẹ-bha. 15 Tue-eni-Ibhiomhan neri bhi Laodisia (Laodecea) bi Nimfa (Nympha), bi ọno-otuẹ nọnri bhu-uwa. 16 Eghe nan ki rẹ tio-ọnebe nan fo bhẹ ẹwẹbha, jiamiẹn Ibha ẹkẹ otuẹ nẹbhi Laodesia (Laodiceans), uwayẹ jiamiẹn Ibha tiọ ọni laodicea gbẹnre man - ele. 17 Tama Avhipos (Archipus), "Gbẹloghọ ọniwena osẹnobula nuwẹ miẹn bho obọ ebian lẹnman, be nuwẹ ada rọsotọ. 18 ọnotuẹnan n ni Ipọlu (Paul) mẹnrẹgbọnlẹn ye lghan nan rẹ mumgẹn re. Ẹseọhe neẹdia.