¹ Ipọlu, ukpọle ọkpa bhi eni ebholo ni Ijesu zẹle, bhi ẹkẹ iho nọn ọsi osẹnobulua bi itimoti ni obhio imanlẹn. ² Re gi ẹbholo ne khiale ne mọn urẹobhọ bhi kiristi ne ribhi kokose. Ẹseọhẹ bi ọfure nọn ni eji osẹnobulua nan aba ne ibha dia. ³ Iman hi mun ekhuẹmẹn ji osẹnobulua nin aba nọn Ebealẹn manlẹn, jesu kiristi, imanlẹn hi yẹ nin erọnmọn gi ibha ẹghelerebhe. ⁴ Imanlẹn ki hin urẹọbhọ ni ibha ha mọnlẹn bhi Ijesu kiristi bi ahoemonegbe nin ibha ha mọnlẹn ga ebholo nin esi osenobulua nekhale rebhe. ⁵ Ebezẹle ni ibha da ha mọn ọni agoẹmoegbe nan hi ramunde ighodalo nin ibha ha mọnlẹn rẹ tẹ eguale okhunlun. Ibha hi ka hin ẹmọnlẹn ọnin ighodalo nan bhi ẹkẹ ẹmọnlẹn ẹmọnata nọn kin uhomunjie esili. ⁶ Nọn bulu bha re ọnin uhomunujie esili ki hẹ min ikpẹ ha wanlare bhi ẹkẹ agbọn rebhe. Iriọ ọ yẹ ha lu bhi Ibha rẹ ni ọni ukpedẹ ni Ibha họnlẹn yẹ lue ẹminlin rẹ Di ẹseọhọ nọn ọsi osenobulua bhi ẹmọnata. ⁷ Ọnan hi ọni uhọnmujiesili ni Ibha luẹ bhi obọ nọn ọsi Epafras, nọn yẹ kin ukpọle ọkpa bhi ẹwẹ imanlẹn nin egbọmandia nọn kin egbọmandia nọn mọn urẹọbhọ bhi kiristi nọn rẹ mudia ni manlẹn. ⁸ Epafras ki ri ahoẹmoegbe nọn osebha bhi ẹkẹ orion man imanlẹn ⁹ Ramunde ọnan rẹ ni ukpẹdẹ ni iman họn ọnan, iman bha kie gbi obọ bhi erọnmọn ni iman ha nan ji ibha. Iman he ni erọnmọn ni bha ha mọn ẹwanlẹn ni ibha ha rlẹn iho nọn ọsọle bi ilẹnemilin bhi ẹkẹ oriọn. ¹⁰ Iman hẹ ni erọnmọn ni ibha ha rẹ ha khin okhian non gbale bi eji ọre ti Osẹnobulua bhọ iman hẹ ni erọnmọn bi eji Ibha ha da min ikpẹ bhi emin esili rebhe bi eji ibha ha wanlanre bhi ilẹn eminlin nọn ọsi osẹnobulua. ¹¹ Iman hi ni erọnmọn ghe ni ibha muzeze bhi eminlin rebhe bhi ẹkẹ ahu nọn ọsi oriri nọn ọsọle ni Ibha ha rẹ na bhi ẹkẹ eghọnghon, iyenegbe, bi iziegbe. ¹² Iman hi ni erọnmọn bi eji ibha ha da mun ekhuẹmẹn ji Aba bhi ẹkẹ eghọnghọn nọn rebha kin ukpọle bhi eni ẹbholo ne khiale ne esọle ne ha li uku bhi ẹfua. ¹³ Ọi ki himin imanlẹn si bhi ẹkẹ ahu ebiuki re ne iman diọ bhi ẹguale nọn ọsi ọmọn nọn ọsọlenọn ole hoẹmọnlẹn. ¹⁴ Uji egbe ọni iman da min efan non ni aranlẹn nọn osole vae bi urẹhuman nọn ọsi emin ebe. ¹⁵ Ọle hi ukhọmin nọn ọsi Osẹnobulua nan hi daghe, ọmọn Ihẹnhẹn non osi ebamanlẹn rebhe. ¹⁶ Bhi uki egbe nọn osọle ada min eminlin rebhe, ene ribhi eguae okhunlun, ene ribhi otọ, enan daghe bi enan hi daghe. ọribhi ojukhuo, ahu, Ikhariọba, la ahu na re ri ebholo khan, ọle ha rẹ min emilin rebhe, ọle ayẹ manlẹn nan. ¹⁷ ọle ka ha ribhọ ọkuẹsẹ amin emilin soso, ukegbe ọle yẹ ku eminlin rebhe gbe. ¹⁸ ọle hi uhọmon nọn ọsi egbe, nọn kin otuẹ ọle hi omuke, ọmọn ọhenhen bhi ẹkẹ ene yulu, ramunde ọnan, ọle mun ọdiọn bhi eminlin rebhe. ¹⁹ Osenobulua ghonghonmin ghe uvuomin nọn ọsọle hẹ ribhi ọle. ²⁰ Nọn yẹ rẹ han eminlin rebhe ji egbe nọn ọsọle bhi uki egbe ọnọn ọnọn ọmọn. uki dranlẹn nọn ha ribhi oranugghughe (Cross) ofure na vae. Osẹnobulua da han eminlin rebhe ji egbe nọn ọsọle, ebe ribhi otọ la eberibhi ẹguae okhulun. ²¹ Ẹghele esọ, ibha he yi eriọbhe bhi eji Osẹnobulua ye, Ibha da yẹ ha yi eyilan bhi ọkhọle bi bhi emin ebe ni ibha ha lu. ²² ọkpankinọn, ejakiyenan, ọi ki ri egbe non ọsọle han bha re, ramunde uu. ọi lu ọnan nọn rẹ ri ibha man bi ene khiale, ne hi mọn uregbe, na yẹ khua okhunlun gbera ekhọle Isira ọle. ²³ Si aha miẹn bha si bhi urẹọbhọ re, mudia zeze, uwẹ bha sibhi ighodalo nin ọsi ọni uhọnmọn ujie esili ni uwẹ họnlẹn, ọnan hi ọni uhonmon ujie ni imẹn ni Ipọlu da kin ọgbọmandia. ²⁴ Ejiayenan, Imẹn hi ghọnghọn bhi oya ni imẹn le ni Ihba, ọda ha ri imẹn bhe egbe oni eminlin nin nọn yulu bhi Iloya nonsi Ikiristi ramunde egbe non ọsọle no otuẹ ²⁵ Ramunde oni otuenan imẹn da yi ogbọmandia rẹ ji Ibha, ramunde eminlin oga nọn ni ọbọ nọn osi Osẹnobulua vae, na mun ni imẹn ramunde Ibha bi ehi ha da mun ẹmonlẹn osenobulu se. ²⁶ ọnan hi olo na re rẹko rẹ ha vade min abiẹ vade ọkpakinọn na ki zi ọle egbe dagbare ni ebho nekhiale ne esi osẹnobulua. ²⁷ Ele Osẹnobulua ẹfe nọn ọsi oriri nọn osi ọni olo nan bhi ẹwẹle eni ebhọlọ ne hi yi Ijesu, (Gentilies) ne kin Kiristi nọn ribhi Ibha, Ighodalo nọn osi oriri. ²⁸ Iman hi rọle man, bhulu Ibha ude, yẹ ha luẹ ẹbholo rebhe ele bhi ẹkẹ ẹwanlẹn bi eji imanlẹn ha da sabọ rẹ Ibha man ọkpa ọkpa ọkpa bi ene wanlanre bhi kiristi. ²⁹ ọnan nọn, nọ rẹmẹn ha li oya yẹ ha wenan kaka bi eji ahu nọn ọsọle nọn ha ribhi imẹn rẹ ha wẹnan bhi ẹkẹ ahu.