¹ Ọdiọn nọ gbe ebe ji igaọsi ni maman rẹkẹ ata huẹmọnlẹn. ² Ọnan buẹmọnlẹn mẹ nerọmọn nemin rebhe mẹn niẹn negbe dan en bejọ re dan ọkhọle nọsẹ. ³ Mẹ mama ghonghon beni ibhion do re ta man mẹn ẹbu re akhian ye bh'ẹk'ẹmonata. ⁴ Me mọn eghonghon ọbhebhe mọ gbeza ọna ni re hon ibhahan me bhian bhẹkẹ emon ata. ⁵ Onan huẹmọnlẹn, urẹbhọ wẹ rẹ lu eminlin ni ibhio bi eriobhe. ⁶ Ne rọrẹli ihumonegbe nọsẹ ahisi ra otue. Ulu nọsẹn nu re zẹle urie bhuwede nọ ye Osenobulua. ⁷ Ramude eni si Ijesu, nerẹdagbare ebha mi en'i mọn urẹbhọ emhin(Gentile). ⁸ Ọkhẹke nan rẹ min ele bhegbe nan rẹko a wẹna bhẹkẹ ọmọn ata. ⁹ Mẹ gben ebe jotue okpa nọn Diotrephes, non mu egbọle ka lo bha mien man bhegbe. ¹⁰ Mẹ ha vae mẹn rẹ man bha ebọlu, ọtanọta nọn bhagba da manlẹn. Ọnin bha yẹ khọnle, ọsẹyẹ ya gbọbokhian ni ene vae,ọye kin idobolo ji ene la gbọbokhian nele, ọse yẹ khuele si bhotue rẹ. ¹¹ Ọnan humẹmọnlẹn, ẹ regbe ta emin ebe, a regbe ta ebe mẹn. Ọmọn lu emin esili ọle ọs'sẹnobulua, elumin ebe bha sẹ min osẹnobulua. ¹² Dẹmitrius ọmin ọsẹli iluminnosẹn bhuru ẹbhe rebhe bi ẹmhọnata tobole. man re ye r ¹³ mẹn mọn emin ne bunbun ni la gbẹn jiẹ, i bha gwanọ niri ugbẹn gben jie. ¹⁴ Ọkpa nọ, mẹ rẹ bhọ ma kẹ min egbe ẹlolo na koko niyẹnlẹn. ¹⁵ Ọfure n'edia. Emoe jotuẹ. Jotue ẹmoẹ man ne ri bheni ọkpọkpa.