¹ Uwẹ nọ mẹn, mutoto bhi ẹseọhẹ no ribhi Ijesu Kristi. ² Eni emin nuwẹ nukegbe mẹn họn, nọn kiẹn ọsali nebubulun, mune enẹbholo numọn urẹọbhọ nea yẹ sabọ man enekẹlele. ³ Debamẹn loya bi ọyokulo esi nọsi Ijesu Kristi. ⁴ Oyokulo iribhọ nọ khio okhọnlen ọki muemin ẹkẹ agbọn bhi ọkhọle bọnọa dasabọ lue iho ọsọ ọnọ jeọlẹ. ⁵ Iriọyẹnọ, oria kha degbọ unẹ, oimi ọbọkokhunẹ sokpan ọidọnẹgbọ bọ enuhi tale. ⁶ Oi khẹke ọzugbo nọmiẹsọn kaka ki kiẹn ọhẹnhẹn nọaka le bhọni ikpiru. ⁷ Ria ebimẹ tale, ramude oni Ebealẹn diri ilẹmin bhi emin rebhe. ⁸ Ye Ijesu kristi re, nọ nikpẹ si Idevidi vae, Nọkpanọ sibhi uu rẹ ọnan ẹmọn Osenobula mẹn. ⁹ Onan zẹle ni mẹn da loya bi ọluemin ebe dọsẹ amumẹn bhi ighan. Okpa kinọ abha muẹ ẹmọn Osenobula bhi ighan. ¹⁰ Bejọkidiariọ imẹn da ziẹgbe emin rebhe rẹje enanzọlẹ,bọna ada miẹ ele kiyẹ mie enin noribhi Ijesu kristi bi ororo ẹdẹdẹmindẹ. ¹¹ Ota ẹkẹata ra: "Sade man da debale uu, iman kiye debale yẹlẹn. ¹² Aha miẹ iman ziẹnegbe, iman diyẹ debale titi. ¹³ Aha miẹ imani mọn isudu,ole sẹyẹ mọn isudu, ramude oi dasabọ siẹn egbọle. ¹⁴ Ayele eneminan re. Sekhale nele bhiyalo Osenobula rẹji igbugan ẹmọn, ọimọn ahianba, okpakinọ igbodan oreji enekaehọ. Emin ukanlẹn eso bi Igiriki agbon oba da tale, sekhale nele bhi iyola ọni Ebianlen. ¹⁵ Luọ ọnọmẹnẹ nọsẹ nurẹ regbeẹ man Osenobula bi ọnazẹle, ọnọ wenan nọimọn ebelẹzẹ nẹkhọle ada aluọle, nọ man ọni ẹmọnlẹn ọsẹ ẹmọata. ¹⁶ Ea ribhi ejada tọto okan nọ totia sibhi uwedẹ Osenobula re. ¹⁷ Ota nọse ele oidia bi emiamen ikhukhue nọlọ ọria. Ewẹle ole Iheminosi bi Ifeletosi. ¹⁸ Nesi bhu uwedẹ emoata re. Ele tale uguakpano kika sunu fo, enin eda ria urẹọbhọ nọse esoa. ¹⁹ Orẹdiariọ, ọnu nọ zezele nọ oso Osenobula oidemudia. Dimọn ebagbẹnlẹnnan: "Oni Ebealẹn ilẹọ ọsọle" bi "Onọiki reakhin nọ so enin Ebealẹn ọario obo sibhi emiebe re." ²⁰ Bhi uwa afe ọiyi ẹkpẹtin oze bi ẹkpẹtin ẹlọmọn kpa ribhọ. Ekpetin eran bi ẹkpẹtin ekẹn sẹye ribho. Eso kiẹn ọsi ọgho nano, eso kiẹn enei mọnghọ. ²¹ Oria ha kpe egbọle khia sibhi unomin nọimẹn re,oki kiẹn ẹkpẹtinnomon ọghọ. Aki reọlọ bhi ijekẹ, oki kiẹn ọnọmẹn ji ebealẹn olẹn, no muegbe iwenan esi rebhe. ²² Nẹgbe sibhi edọmẹn nọsi enusẹn re. Khurẹkhan ilunọsẹn, irẹkẹleọ, ihuẹmonlen,bi ọfure bhi ẹwẹ enetie ebealẹn bhi ẹkẹ ọkhọle nọkhiale. ²³ Ukihe inota su uuki bi ebabhalẹn. Uwẹ lẹnmin enan ri igbugan re. ²⁴ Oguọmadia ọsi ebealẹn ọivan. Okpakino ordiegbere da ọrebhe, ọki sabọ aman emin, bi iziegbe. ²⁵ Odiha bhẹkẹ idegbere aluẹ enenọgbegbe emin. Aimiẹn Osenobula ki reọkhọlẹ ufidenọ nele rẹlẹn ẹmọata. ²⁶ Amiẹn eki iuakhie sibhi akube nọsi ojuu re sade aki muele tobọle bhi iho nọsọle.