¹ Bhọ si keke,ifio, osẹ je man bhiẹ bi tamaẹn bhe lin osi Ijesu nebianlẹnmẹn. Be jurẹ ka rẹ min ọbhọ ọhọle uwedẹ ni man karẹ gbu uhi eba rẹ khian yẹ bi eba rẹ lu ebẹ yẹ Osenobula. Bhọ onan akian bhọ ẹkẹ ọwedẹn, beju wẹ ka re lu gbera. ² Uwẹ lẹn mi uli ni man gbe ri bha bhẹ ẹkẹ Ijesu nebianlẹnman. ³ O nan iho Osenobula, ukpehia, bi sie gbe ki bhi ino khuo nowẹ re. ⁴ Ibha ki lẹnmi bi ji bha re mudian yẹ bhẹ ẹkẹ hiale bhọ ọhọ. ⁵ Ejọ ọkhola nan sẹ ha yulu bhe emilin be ji Ijẹnta dia ne bha lẹn Osenobula. ⁶ Eji oria gbọ ọbọ ra bi ẹluebemẹn ji obhiẹ bhe ẹkẹ eneminan. Ebianlenman ọ nọ khioya nọ bhe mi re bhe, eba kika tamanenọ bi ebarẹzere. ⁷ Osẹnobula bha tie man bhi iton okpa ki nọ ọ tie man bhi uhiami. ⁸ Bhẹ ẹkẹ nan, Oria nọ họnan bhe horia okpa ki nọ Osenobula ọhele no ri ahu nọ khiale jẹ. ⁹ Rẹ da hi Iwẹmọnlen osi ibhio, ọ bha yẹ dia nan re khe taman ẹn, uwẹ tobọẹ ki ka lẹn Osenobula ki ka man wẹ ele eba rẹ wẹmon egbe yẹ. ¹⁰ Ge ne ge ne, uwẹ lu ọnan da ghe ibhio rebhe ne bhi otọi Imasidonan. Okpa ki nọ man tamanẹn, ibhiọ, lu gbera eju ka lu sẹ. ¹¹ Man sẹ yẹ tamanẹn nuguanọ nu rẹ henlẹn uyẹnmi nọ mọn ọkhua, de elo lo re bhi ebuwọlu rebhe, arabọ nan sẹ awenna, be ji man ka rẹ gbe whi riẹ. ¹² Akhan bhu uwedẹ nọ gbale bho dalo bhi ene ri bho olele be ja damiẹn u bha bha ri bhi emi nan guanọ. ¹³ Man holo ni man kie enebhalen, ibhio, rẹ da bhe ene wẹ, nu wẹ hẹ yẹ ha ri bhi ikiẹgbe be ji ene kele hin, ne mon ikhua elohe. ¹⁴ Be ji man rẹobhọ Ijesu yumi bi ọda khe rọkpanọ, irọ Osenobula khian re ke ne vae khe khe bi Ijesu ene ria ne welo bhe ẹkẹ ole. ¹⁵ O nan man taman ẹn bhe ẹkẹ monlẹn ọ, se bialẹnman, man ne yẹnlen na zọbọ re dahe uke vae ọse bian lẹnmani eda kpa nọ ọkuẹsẹ ene nowẹ awẹ. ¹⁶ Obhọ na ebianlẹn man tobọle dọ no ohulun vae. Odi vae bhẹ ẹkẹ urie so bhu ukpuru,bi unu ọse Ehi nọ ko hunnẹ, bi unu ọso Osenobula, bhe na ene yulu bhẹ ẹkẹ Ikristi eki ka kpanọ. ¹⁷ Bhe nan man neyenlen, nan fiọ bho otọ e ki kugbe de ba ele bhẹ ẹkẹ ohenlen dọ mi ebialẹnman bhẹ ẹkẹ ẹhoho. Bhẹ ẹkẹ onu wedẹ nan bhẹ ẹhe re bhe ole ba ebialẹn manlen. ¹⁸ Be jọ kidario, bha ha re nẹ monlẹn nan hu mu egbe bha ọhọle core.