nbtt-igb-x-etuno_2th_text

Irẹsụ 1

¹ Ẹmi Ipọọrụ, Isivanọsi, ọnri Itimoti, tụshi ichọọchi ana yi Itẹsaroniani, ini Oshomoshi ana vi Adaa ọnri Ananyiyi Ijesu Ikristi. ² Ọiza-ọfẹ ọsi vi ayawụ ọnri ẹngwọrọ fidi Oshomoshi ana vi Adayi ọnri Ananyiyi Ijesu Ikristi. ³ Ọọ vọrọ ki ya kụ Oshomoshi aavọ ini ẹfitụrẹfi yụ wụ nin, ẹẹnyara mi. Fụvọki ọnọ sẹrẹ, fụvọki ọdọwụ awụ nin ọọfụ kokoro ọnri osisi ọzọnyọnya, ọ dinẹ̣ inakaakana awụ nini. ⁴ Ẹyi nyẹmbẹ vaa na shẹngwụ sha aa karẹyi awu nin inakaakana ichọọchi Oshomoshi ana yi izọ. Yaa karẹyi inọpati ayọnẹtẹ, ọnri ụyaọọri bo ọnụ sẹngwụdọ ini ọdọwụ nini. Yaa ka inọpati oseyi gẹ̣rụya ọnụ sẹngwudọ nini. ⁵ Ọnọni vi ọtẹrẹwa ishọji ọiza Oshomoshi. Ọvarẹsụ ọnọviki, a vaa zaụka bẹrẹ ẹnẹni ijọva Oshomoshi vayani, fụvi ụyọọri ọnụ sẹngwụdọ. ⁶ Isa ọiza ọnọ vi ka Oshomoshi, ọ mụya ri ẹnẹna sụya rụ wụ nini. ⁷ Ọnri ka ọọ mẹ fẹrẹ yi, fini ẹnẹna sụya ri bẹrẹ̣ yi. Ọ vaa mẹ ọnọni ini ọsẹngwụzụ Ananyiyi Ijesu fụri negụshi, bẹrẹ angẹni nin ini ụkata aani. ⁸ Inira ana ri vio-vio, ono vee si si aatọ yi ẹnẹna zi yẹ Oshomoshi, ọnri ẹnọnọ vi kẹ varama ka irenụbe-ọiza Ananyiyi Ijesu. ⁹ Ẹvaa rụya odidụ poro-pooro, fini ọvidi Ananyiyi ọnri uga ụkata aani. ¹⁰ Ọvaa mọnọni, ọ vẹ ini ọkụshi ọni aza vaa sụga ọnri ini oshishozeyi ẹnẹna dọọwụ boo. Fụvọki iveenụ ayi yụ wụ, wa dọwụ. ¹¹ Fuvi ọnọni, ya tụozụrenụ yụ wụ ini ẹfitụrẹfi. Yaa tụozụrenụ ki Oshomoshi ayi ọva zaụka ini ọshishi ọnọ shụ wụ. Yaa tụozụrenụ ka ọva mi osisi aani bo ini ọiza ọnri ụkọrọ ọdọwụ bo ọnri ụkata. ¹² Yaa tụozụrenụ isẹnẹni fụvi dụ wa zụ sụga yi irẹsha Ananyiyi Ijesu. Yaa tụozụrenụ kọ vaa sụga yụ wụ nin, fụvi ọiza-ọfẹ Oshomoshi ayi ọnri Ananyiyi Ijesu Ikristi.