¹ Yahuza pidere u Yesu Almasihu kobina u Yakubu. Makana aya nanmani unon nizagi ni Kashiri picu uwur, na sam yan abaru u Yesu Kristi. ² U jinkai na kumina kudugan na umani uwana uyin. ³ A yanna mani inyi au kokari uma nyakara ini a bara mayaska mawur na duk. Mu wani mi u dole imbashini abara Ubangaskiya unna dugi aya zob Kashiri. Ni de tak ba mapiri. ⁴ Adon ama mentey a deshen dogo a kanisa ana mayyakara maceske ayeni aman goro. Ayazani matini. A yaska kan Alheri a Kashiri managaza, ana dumeni abere a piyu zonzo na piciu wa yer, Yesu Almasihu. ⁵ In mani mamin ganini ko na magu iman yakate ukusumi magu Kashiri, kayaskan adon ama yishi ma ama wunza ayami a zob ana Kashiri. ⁶ Malaiuku mami ma za de kicibru kikur uiko ba abis kin kaci na zomzi kawor magus Kashiri ka gusa yeni ama yama kani unon majin abara a katuk kamata yini ayi na. ⁷ Sodom na gomorah na ubiga umi u maron yeni aya mi a naka she aci ayeni ana musa na najini azob abere a guddu yeni kukusu uma duntune ayami ari an ura. ⁸ Kene ayami ana yisha amura asuyi sha ulalata a napum. Ayeni ana yezer agomo kuma abasha ukusu za dugan ka ya de mamina madugan. ⁹ Amma malaiku piyu bagki u malaika akapakanna iyisha madazana na bere a saidan ukan kuyaza kumusa itabanyi ma bari ukusu za dugan ko na cun abaran kene igu Kashiri kade mayaynabu. ¹⁰ Aya gagna ana peg ne managaza makobini aka kusu na yeni ajuma yita. Ayami ade kumina ku manaza ayami adaza aci ayeni u hallaka kenan. ¹¹ Kidere key yami yine zob ujina u kayinu ayami acikshi unon ibag iyeni ba amu amagu azu kuriba asada riyay ukusu za dugan magu azuk uriba, ajigi unon manigi mayi na makora. ¹² Mun munu ama jikshi manisan unon makonu sura mayin a nikobina asu rerene azani ukunya azani usoro arizih ana ci ayeni uta yeni. Ayami ayiu haloko nazik ayi ururu uza de mani unna ufunu. Una fukutu ayami anaci na repere nabik ba made nono narok itugaibar ikitashi tunani yaygar ni kaci mi. ¹³ Ayemi ayina urakumi ukumana u narara a takan shi ni yeni unon maza mu kunya uyeni. Ayami ayi a shishi aci a zabatara, ayami ayi na ku wuri kumi kuna wurru ayami maka da ramuya. ¹⁴ Ahnuhu piyu kushere makana Kadamu ima bere ukusu uza ma wana uyeni agu, ¹⁵ yita Kashiri kade matumu ade aya zob kani natek agbaki magu icekshen u hukumci na duk ayami i sokoto aya za matini, unon utuma unna iyisha uza uni matini na abere aza dugan na a dibaggak inna abaran game nayi. ¹⁶ Ayan gabna a magaskini abere acaza aya pok urentu uni una dura na caza ami anatassa ma shiri na ma zobbo maci na ma tas zamauteu agu uriba. ¹⁷ Yin ayana mani iye aberenna a kuni a Yesu pigaskan uwur ama barini tun kazono. ¹⁸ Yeni abaranni agu a natuk na kaman garin a dema zuga a yana yisha kibata ayami anyisha madene mayizi amaza yisha abere ashiri. ¹⁹ Aya mi ayu duniya azani uruhu. ²⁰ Ama yin nama ni sugin acia yin unon ubangiskiya uyin na u darajah isu yisha adua unon u ruhu. ²¹ Detin acia yin u kauna u Kashiri asusuk sa ujinkai ubiciu wa yar iyi Yesu Almasihu umi una bende nifataru ni harabada. ²² Yishin ijinkai kayimi a yisha isuksa a gaska adon a dema riyyi unon ura. ²³ Adon anu u kauna n ijinkai na kuzara kuni pum iziri yeni ko mariga mapum a yeni na makusu mayini a kazanta. ²⁴ Makana ka piyam ide u iko iyaizini mi amaciri ikuma dene ayar kazono umani umayi nawur. ²⁵ Makana ka Kashiri pigaskan uwur a baru Yesu Almasihu piciu uwur udaukaka na kicipru na mulki nu iko uwana uwur kapakami mina namadara mu ya. Amin.