¹ Wanin Yin iyi akarma shibanin asu gbonzo magu ugongono uyin ubaktazi ujara mawanuyin, ² Ukusu icara yin unu bozhi, makusu mayin iruru iman duru akari. ³ Uzinariya na azurpayin yaman disha usasa, usasumi udamawana ushaida uyin, unudama arye inamiyin ura, inisan ukusu icariyin abara natuk akamangarin. ⁴ Yita, ukusu yiwatumzana ushiba-ukusuna iyazi ayalla a babini nakab. Kaso kaya kibuba kakana zaga anato akashiri piya irunduna. ⁵ Izomzonin unyong marentu uya, nayin na gboktunzura abara anatuk amacezee. ⁶ Icesken awuna piyu matini. Azan magu yisan makagara nayin mhi. ⁷ Abara kene nomokin nasugu nayin, akwani, asuksa maka zaya amawanama ma kashiri. Yita, kenna inama imagara ina suksa macira matege akapa kama zagdaza ininaru anakab. Na manomokiyi makasugu ni niyi nasuksa inikashere mani ma zoni nama kacini. ⁸ Yin, nnaini nomokin nasugu nayin. Ashikruga nasugu nayin, abara mawana makashiri mana pati. ⁹ Izu yokrho mucaza, "akwani ana bera kwanai, magu azu ceskeni. Yita piyu matya, iyazyi akarong. ¹⁰ Zyinin madukanzyi, akwani, akasu kakidere na manomoki masugu manabawa, ara ama bera anizagi ni kashiri. ¹¹ Yita, kina yarkya ayalla ajimren ayalibarka, ipoton ujimiri una Ayuba adisan iyo kumina kukashiri kenna kiyi piyi gbaki nshishi naujinkai. ¹² Aworo nkusu napirin, akwani izuna shirhi, na uzo, ko kajes, nakokashe kakusu kama shirhi. Abaramagu kene muwana magu, "madumi" muwana "madumi," nna igurangu "mazadumiya" muwana "mazadumiyu," magu izu bara muwa unyong maceske. ¹³ Adhe aya gullono aka caci kayi? ibere ka kashiri, adhe piya rizaga? ishibsa kushiba kukugomo. ¹⁴ Idhe piyiza gara aka caci kayin? iyarkya madattawa makashiri magisa kashiri. asokotyayi manug uyong nizagi nikashiri. ¹⁵ Kagisa ku ubangaskiya kadama garganya piyi zagara, kshiri kadama cokoyayi nna ideni ibang, kashiri kadama guskuyi ini. ¹⁶ Abara kene, bashin ibang iyin kajangi asu yisha aci ayin kagisa, magu ugarganini. kagisa kapiyu matini kashirutuma nacap. ¹⁷ Kiya apiyar na wur, imagullono nakagisa agu kashiri kaza dogo, kashiri kana dogo kani har kiwa kitar na ipi kutashi. ¹⁸ Iliya ima gisa nza shiri ruma yende mani mashir, mayingzyi mado inunaru. ¹⁹ Yin akwani nna pidong uyin iwuri pidong iyudduyi. ²⁰ Piyanghu iya agu piyi guddun piyibang a ujina, igaskanyi amakye, idama gusa ibang igbaki.