¹ Auba ndume yandi uo mayo aoseshe, ala nga nakukumanishisha panse, no kukufyompa, nga titi kube nangu umo uwingasuula. ² Nga nakubula ukukuleta ku nganda yakwa mayo nobe alafundako icitemwiko. Nga nakunweshako umwangashi uwabamo ifinunka ubusaka. ³ Nimbika wandi pa kuboko kwakwe ku kuso, no kuboko kwakwe ukwa ku kulyo nakunkumbatila. ⁴ Imwe mwebakashana ba mu Yerusalemu, ndemukonkomesha ati, ''Mwibukulushiwa nangu ukusunkanya ukutemwa mpaka ukwine kwaitemenwa. ⁵ Nani ulya aleisa alefuma mu matololo, nabekatana amaboko no jutwikwa wakwe? Nali nakubusha mu tulo mwisamba lya muti umo wafyalilwe, umo noko akufyalile. ⁶ Umbike nge cishibilo mu mutima obe, nge cishibilo pa kuboko kobe, pantu ukutemwana kwa pimpa nge mfwa. Ubufuba bwa citemwiko bwaba nga kumanda; ⁷ Amenshi nangu yafule shani, awe teti yaleshe icitemwiko camusango uyu. Umuntu nangu engaposa ifyuma fyakwe fyonse pakuti anonke icitemwiko, awe kuti aicushafye, no kusulwa fkuti asulilwapofye. ⁸ Nkanshi wesu talakula, namabele tayalakula. tukacita shani kuli nkanshi wesu pali bulya bushiku bakafwaya ukumupa? ⁹ Nga mwishi, ninshi lyena ninshi tukesalapo iciibi icapangwa ne fipampa fya cimuti ca Keda ¹⁰ Ine ndi linga, na mabele yandi e mpungu shaliko, pa menso yakwe nga umo uuleta uuleta ukusekesha kusuma. ¹¹ Solomoni alikwete ibala lya myangashi ku Baali Hamoni. Alipele ibala lya myangashi kuli abo abalelisunga. cila umo na umo bili nokulamuletela indalama sha silifa ikana limo pafisabo fyaliko. ¹² Ibala lya myangashi wandi, ine ne mwine; indalama shobe inkana limo, Solomoni kuti walapokafye indalama shobe inkana limo na bantu abalinda ifisabo fyaliko nabo bene kabalepoka indalama shabo imyanda iibili. ¹³ Iwe we waikala mwibala, abanandi balelolela ukumfw amashwi yobe, leka naine ngumfweko. ¹⁴ Endesha we mutemwikwa wandi, ube nge mpombo nangu nga akabushi akali pa mpili ifinunka ubusaka.