¹ Juda, omwika wa Jeso Kereste, no mwanci wa Jakovo, avo vakuwitwe, va shakiwa kwa Nyambe Tata, avo vavikirwe Jeso Kereste: ² Ecishemo ne mpore ne rato zi mihingihire. ³ Enwe vashakiwa, aho kandipanga koku shiirirwa okumiñorera ko kuhazwa oko tushanganine, hape ndisimiñorera ye murwire entumero yo natuha lyonke kwavo vonshe vazumina. ⁴ Kakuli vamwi vantu vakizikite mukati kenu, Avo vantu mbavo ni va waninwa kare okunyanswa. Kali mbantu vava raperi avo vangekete cishemo ca Nyambe wetu kucizora ovushahi, mi vakana Omukuru no Nfumu, Jeso Kereste. ⁵ Hanu ndi shiirirwa oku mihupulisa-nihaike muzwire okuzyiva-ye Nyambe naahaza vantu kuzwa mwivu lya Egepita, kono kuzwho na sinya avo kali niva zumina. ⁶ Nemangiloyi ao kali vika amazyimo awo omurao. kono kwavo ni va siya ezivaka zamaro avo ovutokwa-Nyambe naava vika muma wenge ao kaamani. mwififi, kulindira ezyuva nene lye nkaturo. ⁷ Kufwana mbwe ndi Sodoma ne Gomora ne mireneñi eyo kaivamburukite, eyo kavalivikite vo veni muvushahi no kuhungururwa nku ntakazo ezo zaazya mutwi. Niva sundizwa ko mutara kwavo va ⁸ shsnda ke nkoto yo mulilo kaumani. Kenjira iswana, Kezo eziroto ni va sirafaza emiviri yavo. Ni vakana omurawo, mi kavaamba ko kushwahura kuaamana navo vena kaanya. ⁹ Kono ne Mikaere onduna wa mangiroi, aho kazeka ne satani kuamana ne citupu ca Mushe, kali namu atura koku shwahura. ¹⁰ Kono namuta ye, ''Nyambe akukalimere!'' Kono avo vantu vareta o kushwahurwa kuamana neco conshe eco kavashuwisisi. Mi vashuwisisa-koku shazeza ezipau kuzyiva komutwi-zizo nzezo ziva sinya. ¹¹ Vumai kwavo! Kakuli ni va yenda munjira ya Kaine, mi niva kavira mukufosa kwa Balam ko vufumu. Niva fwa muvuzokeri bwa Kora. ¹² Avo mbavena va kizikite macwe mumi kiti ye lato lyenu. Va swavite mu mikiti, avo vakilira vo veni. Mazyova ao azya menji, ao ahindiwa ku ruho. Nzikuni zasimwenge zaazya ezicero-zifwite kovire, kucorwa emisi. ¹³ Makepe amakali mu wate, ao ava retera okuswava. Nzintungwezi zinyandaera vulyo, ezo kusiha kwezo kwe fifi kuvikitwe oko kakumani. ¹⁴ Inoke, we yanja ni vovire kuzwa kwa Adama, naa porofita kuamana nezo zintu, aho aamba ye, ''Mutonde! Nyambe akezya no lule lule lwavo vacenete. ¹⁵ A kezya ake apange enkaturo kuvantu vonshe. A kezya ake aatwire ava nyansi vonshe ne zitendantu zavo ezo nivapanga munjira itenzi, onshe namazywi ama kavavu ao niva aamba vatendi ve zivi kokutengeka okumurwisa.'' ¹⁶ Avo mbasi cikaani, entongausi, avo vacirire entakazo ze civi. Vaongweza mukulikumusa, avo, vapanga vamwi, vawane kavo. ¹⁷ kono enwe, vashikiwa, mu zeeze amazywi ao nitwa aamba kuntanzi kava apostola vo Nfumu wetu Jeso Kereste. ¹⁸ Niva misumwina ye, ''munako za mamani-mani kurava nava somi avo niva cirire eminahano yokusarapera kuya kentakazo zavo.'' ¹⁹ Avo vantu vafapanya. Mba shifsi, mi vaazya Ruho. ²⁰ Kono enwe, mulizyake mweveni muntumero icenete hawa, mi murapere mu Ruho Rucenete. ²¹ Muliviki mweveni mwi lato lya Nyambe, mi mulindire ecishemo co Nfumu wetu Jeso Kereste eco cireta vuharo kavu mani. ²² Muve necishemo kwavo vazunzunya. ²³ Muhaze vamwi kokuvazyakwira mumulilo. Kumwinya muve necishemo koku tiiya. Mutoye ezizwato zamasira enyama. ²⁴ Hanu kozyo enke aora kumizwisa kuzi shunshu, mi ami zyimanike avuso bwekanya yakwe, nikwaazya enyanso mi ne ntavo nene, ²⁵ kwa Nyambe enke Omuhazi ka Jeso Kereste Nfumwetu, kuve kaanya, ovurena, ovuvusi, mi na maanta, kutanga kusiku zonshe, ahanu, no ko kushamani. kuve vulyaho.