¹ Ndime Paulusi, Silvanus, ne Timoteya, kunkereke zaMatesalonika kaNyambe Shwetu ne Nfumwetu Jeso Kereste. ² Ekaanya ne mpore kuzwa kwa Nyambe Shwetu ne Nfumwetu Jeso Kereste. ³ Muswanezi okuha ovuitumero kwa Nyambe kenu, vakwangu. Ko kulitumera, kakuli entumero yenu inaho ikura hawa, ne lato lyozumwi kwenu limishumine mwenshe. ⁴ Eswe tweveni ndiswe tuaamba koku likumusa kuamana nenwe mukati kenkereke za Nyambe. Tuaamba kemyozyo mire yenu ne ntumero muku shanda kwenu. Tuaamba kokulikalilwa kwenu keshando. ⁵ Eci ncisupo cenkaturo irukite ya Nyambe. Manimani azo ngokutiye muwane okufuma mu muvuso wa Nyambe owo ni mwa shandira. ⁶ Kakuli kurukite Nyambe hasi vooza okulikalilirwa kwavo kava mikalize, ⁷ amihe empumulo kwavo kavamikalize neswe. Ara panga vulyaho mukuvonahara ko Nfumu Jeso kuzwa kwiwiru ne mangiroi mu maanta akwe. ⁸ Mwindimi zo muliro ahe enkoto kwavo kavazyi Nyambe navo vataviriri nku ntava ze cirumeri zo Nfumu Jeso. ⁹ Vara shanda mweyo nkoto yo kusinywa kushamani kuzwa mumensho a Nfumu no kuzwa mwinkanya ya maanta akwe. ¹⁰ Ara panga vulyaho shaka nakezye kelina zyuva nara tembwa kuvantu vakwe noku taverwa kwavo vonshe avo vazumina. Kovupaki bwetu ni bwazuminwa. ¹¹ Kaveka lyo yuzwira havuso okumiraperera. Turapera ye Nyambe mihinde kovuremu kokukuwa kwenu. Turapera ye a zuzirize entakazo zenu ndotu ne misevezi yenu ye ntumero ka maanta. ¹² Turapera ezi zintu kutaye ezina lyo Nfumu Jeso limbekwe kenu. Turapera ye mulumbekwe kakwe, kevaka lye cishemo ca Nyambe wetu no Nfumu Jeso Kereste.