¹ Adati kwaiwo, ''chadidi niti kwaimwepo,alipo pano adayima naife pano lelo asingazogumane naimpfa anati awana umambo wamulungu uchibwela nampfamvu.'' ² Ntsiku zitanthatu zazhula, Yesu adatola Petro, Jakopo naYohani nkukwila nawo mphili, itali alioka mwemo adasandusiwa.patsogolo pawo. ³ Bzvakubvala bzvake bzvidasanduka kukhala bzvakupenya, pomwe bzvidachena, kuti palibe munthu angachenese nguwo kufika pamwepo. ⁴ Pamwepo Eliya na Moses adaoneka achimbalongosola na Yesu, ⁵ Petro adati kuna Yesu, ''mbusa, bzvabwino kukala pano, tsapano tiikonze bzvikumbi, chibodzi chanu, chinango chaMoses na chinango chaEliya,'' ⁶ (Apo akadamalidwa, namafala tangwe adaphatiwa na matha.) ⁸ Padawa nantambo tunzi wache udawangwanila mukati mwanthambowo muda, bubula fala, ''Uyu mwana mulubwana wangu wandikondesesa,mutetekeleni.'' ⁷ Mwavhulumuku ,kuzawana palibe wankaona wale koma Yesu basi. ⁹ Paakapolika mphili, mule adawuza kuti alewe kuwantu bzvaaona paakana mwana mulubwana wa muntu alamusiwa kuchoka kuimpfa ¹⁰ .Adati chete koma achimbalewa kateketeke, ''kumuka kuwakufa ''bzvichilewa nyi. ¹¹ Adabvunza Yesu, ''ndawayanyi Anyakunemba anilewa kuti Eliya achatoma kubwela?'' ¹² Adati kuna iwo, ''Eliya anfanla kutsogola kuti akhazikise bzvintu bzvense, ko adanembelanyi kuti mwana Mulubwana wa munthu achashupika mubzvintu bzvijinji pomwe nakuitiwa wapezipezi? ¹³ tsapano ndiniti kwaimwepo Eliya adatobwela,koma adachita chili chense kwaali ninga bzvabzvida nembelewa padzulu pake.'' ¹⁴ Padawela kuwa Anyakufundila wake,adaona gunyenye lidaazungunuka, Anyakunemba achimbayitilana makani nawo. ¹⁵ Padaaona Yesu , gunyenye lense lidadabwisika ndoopaadatamangila kwaiye kukamupata bensa. ¹⁶ Adabzvunza anyakufundila wake, ''mulikuyitilanyi makani yanyi nawo?'' ¹⁷ Munango muntu adachoka mugunyenye adati,''Mbusa, ndabwela na mwana mulumbwana wangu kwamuli,ana Mzimu unimutazisa kulewalewa. ¹⁸ Puunipata unimugwesela pansi achimbabula pohnubvu kumulomo achimba kukuta mano yake nakuoma tupi lake ndawuza wakufundila wanu kuti amuchose koma amutazilila.'' ¹⁹ Adatayila Yesu ''mutundu wakusaya kukhulupilila,kwantawe itali tani kuti ndiwe naimwepo?mubweleseni kuno,'' ²⁰ Adapasa Yesu mukomana ule. muzimu ule paudawona Yesu,Adamungwesela pansi naphobvu kumulomo. ²¹ Yesu adabvunza payi wake,'' kwenthawe itali tani achimbachita tenepo.'' Payi wake adati,'' kuchokela paun'no wake,'' ²² Umbamungwesela pamoto ntawe zinango mmadzi uchiyesa kumupha. peno mukwanisa ndibzveleninsisi pomwe titandizeni.'' ²³ Yesu adati kwaiwo,'' kanamuchikwanisa'? bzvense bzvikwanisiwa kuna wentse anikulupilila.'' ²⁴ Pamwepo payi wamwana adakuwilila, ''Kulupilila! tandizani wakusaya kukhulupilila!'' ²⁵ Yesu padawona gunyenye ichimutamangila adayuulaila nzimu wakuipa ule,'' Iwe mzimu wakusaya kulewalewa nakusaya kubzva ndimkuuza choka pamwana uyu leka kuzapita mwaali pomwe.'' ²⁶ Adakuwilila pomwe nakupfulukuta pan'ono mwakutenepo adabula.Mwana mulumbwana akoneka ngati ule wakufa, nakutenepo azinji adati'' wamwalila .'' ²⁷ Koma Yesu adampata janja kumusimudza iye mkuima. ²⁸ Yesu adapita munyumba, Anyakufundila adamubzvunza mwakabisila,''natangwe la nyi alibe kumuchosa.'' ²⁹ Adati kwaiwo, ''Mushowo uyu wamuzimu wa kuipa unichokalini, ko ufuna kumpempela.'' ³⁰ Adachokapo adzhula namu Galileya., iye akafuna lini kuti wantu azadziwe kwaal1i, ³¹ Pakuti akafundisa wakufundila wake adati kwaali,'' mwana mulumbwana wa munthu achapelekewa manja mwawakutawa achizamupha kwamala nsiku zitatu zazhula achalamuka pomwe,'' ³² Koma alibe kubvesesa fala limwelo nakutenepo akagopa kumubvunza. ³³ TSopano adapita na muCapeneume. paadapita munyumba adabvunza,''Mukulongosola na bzvanyi pamukafamba?'' ³⁴ Adalamba adalamba adanyamala pakuti akali kushupana nankani yakuti ndimbani nkulu pana wense. ³⁵ Achikala pansi, adati kuna wakufundila wake kumi na awili pano mumfuna kukala waku yamba, ''mufanila kuita wakumalizila pomwe kuwantu wense.'' ³⁶ Adatola kamwana kadiki mkukaihka pakati, pawo adakatakula pamanja adati kwaali, '' ³⁷ Iye anitambila wana awa mudzina langu ; anitambilambo inembo . Iyembo anitambila inepo anitambila lini ine ko adandituma.'' ³⁸ Yowani adati,''Mbusa tidaona munango munthu akatamangisa, madimoni mudzina lanu. koma tidawayimisa, pakuti amfamba lini pabodzi.'' ³⁹ Koma Yesu adatayila,'' Musawalambiza pakuti palibe angapate, basa likulu mudzina langu mwakutenepo achidzalewa bzvakukuyipa padzulu pangu. ⁴⁰ Tsopano uyo apikisana lini na imfe ngwathu. ⁴¹ Umweyo ankupasani komichi ya madzi kuti mumwe nakufuna kwadzina langu pakuti ndimwe wa kristu. chadidi ninti kwauli abzvasaya lini mpuko yake. ⁴² Uyo amkudwisa adiki awabzvinga kale nkhasa munthu umweyo atole mpheyo abzvimangilile mkhosi, abzvitusile munyanja. ⁴³ Peno nijanja ikutazisa, igwate upite ulibe janja muntima, pana kuti upite mumoto usingamale unamanja mawili. ⁴⁴ Manembo yakale pomwe ya bzvino yalibe kunembewa tenepo pamwe na bzvipande bzvensebzvi. ⁴⁵ Peno nimwendo wako uchikutazisa,bzvingakale mushe kupita ulichilema panakupita mugeena ⁴⁶ unabvzense . ⁴⁷ Peno maso yako yalikukutazisa yachose bzvikale bwino kuti upite umambo wa mulungu una diso libodzi panakupisiwa mugehena. ⁴⁸ Kumweko konye zizingafe na moto usinga dzime. ⁴⁹ Munthu wense kumweko achakakonzewa na moto. ⁵⁰ Munyu ndiwabwino koma ukamala mphambvu ungaukonze tani kuti usewense pomwe?iwani munyu pakati ngapawe penyu namutendele pakati panu.