¹ Yesu adachoka kwaakaliadayenda kuGuta yakwake, naaNyakufundila wake achimutwewela. ² Sabata paidafika , adatanga kufundisa Musinagogi anyazinji adambva adadabwisiwa. Adati , Bzvaalikufundisa adabzviwona kuponi?'' ''Ndinzelu ziponi zaanazo iye?'' ''Bzviponi bzvidabwiso bzvaadayita namanja yake''. ³ Ndinyakusema lini, Mwana waMaliya naMano waJemusi,Yosesi,Yudhasi naSimon? pomwe azinana wake alipano naife?'' adaphatikana nabzvikalewedwa naiye. ⁴ Yesu adati kwaali, Mupolofita anilemekezewa lini muGuta lakwake naWachinatsi wake ,nawa myumba mwake,'' ⁵ Alibe kuwona mpata wakuchita basa linango ,kunja kwakuyikha manja kwaawo angn'no wakuduwala nakuwachiza. ⁶ Adadabwisa padzulu pakusakhulupilila kwawo. Tsapano iye adazapitilila nakufundisa namphimpha zentse ⁷ Adachemela Anyakufundila nkuwatuma awili _awili, nakutenepo adaapasa mphambvu padzulu pamuzimu yakuipa, ⁸ Adawuza kuti asatakule chinango chinthu paulendo wawo, kunja kwampsimbo_neezingwa, chola , pomwe asawe namasheleni mathumba mwawo _ ⁹ Koma abvale shango,koma musabvale mphasa ziwili. ¹⁰ Adati kwaali ''pentse pamupita myumba, kalani mwemo kufika mwachokamo. ¹¹ Kana Guta ikalamba kukutambilani kabanga kukutetekelani, pamuchoka mumbuto imweyo ,kunkhumulani pfumbi yanzayo zanu chizawe chapupu kwaali iwo.'' ¹² Ayenda kawuza wanthu kuti atembenuke. ¹³ Adaachosa madhimoni, akawadzodza wakuduwala azinji namafuta nakuwachiza. ¹⁴ Mambo Helodhi adabzvimbva ,bzva dzina laYesu adakhala wakudziwikana . Anango akambati, ''Yohani Mbabhatidzi walamusiwa kuwakufa, ndosaka akuiyita mabasa yakusayakumbveseseka kutenepa kwaiye''. ¹⁵ Aanago akambati,'' Ndi Eliya.'' koma anango akambati, ''Ndi ,Mpolofita ningambo anango mapolofita yanyhawe yakale.'' ¹⁶ Koma Helodhi paadambva bzvimwebzvi adati,'' Yowani wandidagwata nsolo walamusiwa.'' ¹⁷ pakuti Helodhi adayita kuti Yohani amangiwe ayikiwe mutolingo pankani yahelidiyasi(nkazi wamano wake filipi) pakuti akadamuloola ¹⁸ Johani adati kuna Helodhi ,'' bzvilibe kukonkholoka kuti uloole nkazi wamun'no wako.'' ¹⁹ Koma helodhiyasi adakhala nachizondo nakutenepo akafuna kumpha, koma akakwanisalini, ²⁰ pakuti Helodhi akagopa Yohani, pakuti akadziwa kuti ndiwakulungama pomwe adamuchengeta bwino, akamutetekela chaibvzo koma achiwakalipisa pan'no,koma achimumbvesesa. ²¹ Pakumalizila ntsiku idafika Helodhi adaita feshita yake yakubadwa kwake adayitila madyelelo nAkulu namakomanda yaGalileya. ²² Mwana wachitsikana waHelodhiyasi pachake adabwela kuna iwo achibvina, adakondwelesa alendo wafeshita, Mambo adati kunsikana ,Kumbila chelo chaungafune kwandili tsapano nikupasa.'' ²⁵ Adalumbila mwaali achimbati,'' Chelo chawunikumbila, ine ndikupasa, nikupasa nekati_nakati yaumambo wangu.' ²⁴ ''Adabula panja nkuyenda kuna Amai wake, ''ndingakumbile chani?,'' amamake adati kuna iye, ''nsolo waYohani Mbabatidzi.'' ²³ Nkubwelela kuna Mambo, adakumbila adati , ''ndikufuna pompano, ,nsolo waYohani Mbabatidzi mbenga .'' ²⁶ Nebvzabzvene Mambo adashupika, pamtima,adazakulamba kumpasa chaakadakumbila pakuti akadalumbila pomwe Alendo wafeshta . ²⁷ Mambo adatuma musilikali naKabotele kuti abwele naNsolo waYohani Kabotele adamgwata nsolo mndendemo. ²⁸ Adabwelesa nsolo wacho mbenge nakuupasa kumutsikana nakukapeleka kuna Amai wake. ²⁹ Pamwepo Wakufundila waYohani paadabzvimbva, adabwela kukatakula chitanda chake nakuenanaye kamupendesa kumanda. ³⁰ Apostoli adabwela pabodzi naYesu achiwauza bvzaadafundila. Iye adati kunaiwo . ³¹ ''Tichokeni muno mudambo tiyende tikapumuleko pang'no.'' Wanthu akhabwela nakuyenda ,bzvakuti iye naWakufundila wake akataza kudya. ³² Nakutenepo adapita mbote nawakufundila wake nkuyenda kudambo aliwokha. ³³ Azinji wanthu ,adaawona pamwepo adawadziwa.pamwepo adathamanga pabodzi nanzayo muguta pomwe adawatangila kufika. ³⁴ Padafika kugombekombe , Adawona gunyenye lawanthu adambva ntsisi nawo pakuti akaita ngati mbelele zilibe kabusa. Pamwepo adayamba kuwafundisa bvzinthu bzvizinji. ^{35 36} pakukhali kudoka,Anyakufundila wake adayenda kwaiye adati,'' muno ndimudambo kwadoka kale . Ayendeseni kumuyi wanthu awa kumbuto guta ilipafupi kuti akabzvigulile chakudya chawo wokha'.'' ³⁷ Adatayila adati kwaiwo, ''Apaseni chakudya. ''Adati kunaiwo, ''Tingayende lini kukagula zingwa inkwanilana namazana mawili yamadhinali tiwapase wanthuwa? ³⁸ Adati kuna iwo, '' kuna zingwa ingasi? endani mukayangane '' Adayenda kayangana adawona, adati, ''zingwa zili zishanu nantsomba ziwili'' ^{39 40 41} Adagwezeka wentse wanthu pantsi pauswa mubzvipande_pande . Adakhazika mabungwe yanfika zana ,anango makumi mashanu. Adatakula zingwa zili zishanu pabodzi nantsomba ziwi, Adayangana kudzulu kubzvidalisa, adagwedula zingwa nkupasa Anyakufundila kuti abzvike patsogolo pawanthu. nkugawa ntsomba ziwili zile kuwanthu wentse. ⁴² Wentse adadya akakhuta. ⁴³ Adalokota mafufu yazingwa idasala ,dzvidadzala ntsvanda khumi naziwili, pabodzi natumafufu twantsomba. ⁴⁴ Wanthu akali bzviulu bzvishanu bvzaamuna adadya zingwa. ⁴⁵ Mwakankulumbiza adawuza Wakufundila wake kuti apite mbote atsogole patsogolo pake kuenda kumbali inango kuBetisaidha, pamwepo akawuza gunyenye lawanthu kuti limwazike. ⁴⁶ Padayenda ,iye adakwila mhpili kaphemphela. ⁴⁷ Kudadoka , bote likali pakati paNyanja,iye akali yekha kunja. ⁴⁸ Iye adawona kuti wakufundila wake akushupika nakuchapa , pakuti akaenda kukachoka nachonzi, panthawe ininga yathanthatu iye adayenda kuna iwo achifamba padzulu pamadzi akafuna kuzhula napaakali. ⁴⁹ Paadamuona achifamba padzulu pamadzi adawona ngati ndichipoko, adakuwilila, ⁵⁰ pakuti paadamuona adagopa. pamwepo_ pamwepo adalalewa nawo, ''Limbani mtima, Ndine! musagope!'' ⁵¹ Adapita mbote nawo, nachonzi chida deleka kumenya. adadabwisika kwene -kwene. ⁵² pakuti alibe kumbvesesa ,zingwa ikalewanyi nangwesa mtima yawo ikatowuma. ⁵³ Adayambuka kumbali kunango kwanyanja, nkufika pamtunthu waGenezeleti, ⁵⁴ Padachoka mbote, Wanthu adamudziwa pamwepo, ⁵⁵ adafamba namthunthu wentse , adayamba kubweleselewa wakuduwala pamphasa zawo achiyenda nawo kwaakali. ⁵⁶ pentse Yesu paakapita mbuto zikhala wanthu kana maguta kabanga mudziko akabweleselewa anyakuduwala mumisika akakumbila kuphata nguwo yake pakuti wenthu wentse akamphata akachila.