¹ Pamwepo yesu adapitha muSinagogi pakali namamuna akali najanja yakupunduka . ² Pamwepo wanthu anango adamunyanganisisa kuti akamuthandize nyakulemala umweyu,pakuti ikhali ntsiku yasabata ntsiku imweyo pomwe akafuna kuti amupase mulandu . ³ Yesu adati kumamuna wakupunduka janja, '''Simuka umile pakati pawanthu wense.'' ⁴ Adati kuwanthu, ''Bzvili pamulawo kuti ndithandize wanthu ntsiku sabata pomwe kana kupweteka; kana khupha?'' Palibe adamudaila pamwepo , adangonyangana wanthu amwewo . ⁵ Yesu adanyangana pamwepo nachiya,ndipo adaphatikana achiwona mitima yakuuma,Adati kumamunayo,''Tamula janja lako,Umweyo, kutambanuza,Pamwepo janja lidachita bwino , kutamuka. ⁶ Pamwepo afalisi adachoka kafulumiza kukakonza na'''Helodhiyasi'' kuti angamumange nakumupha . ⁷ Yesu anyakufundila wake adayenda kunyanja, pamwepo wantu azinji adamuteyela kuchoka Galilia, ⁸ Judhiya.nainango kuchoka Jelusalema,Idumiya nambuto zajolodhani nazidapoleza Tile na Sidhoni, wense padabva bzense bzvikaitiwa adabwelelambo kwa Yesu . ⁹ Adawuza anyakufundila, kuti anyangane mwadiya un'ono amemezele mwemo pakuti wantu akadawanda pakalibe mbuto. ¹⁰ Adachilisa azinji ,wense akadabatikana adawatandiza nakuwapata adachilisiwa pamwepo . ¹¹ Pense mzimu wakuipa paukaona Yesu ,ikagwa pansi kulila ichichokelatu, inati '''Ndiwe mwana wamulungu ¹² ,'' Adaikomekeza kuti ilekekudziwa nabzvake . ¹³ Pamwepo adaenda kupili ,adachemelambo anango akafuna pomwe adabwela kwaiye . ¹⁴ Yesu adasankulaa anyakufundila kumi nawili [ amwewo adachemela apostola ] kuti abate pabodzi naye .Pomwe nakuwatuma kuti alalikile mafala yake, ¹⁵ kuti akalenamphamvu yakutamangisa mizimu yakuipa . ¹⁶ Adachemela kumi nawili ; Saimoni pomwe adatumiza dzina Petulo . ¹⁷ Jemusi mwana waZebhedhiya najoni mano wajemusi awo adatumiza dzina '' Bhonejesi ''kutandauza mwana wampeni . ¹⁸ Andileya ,Philipi ,Bbhatilonomiyo ,Mateyo,Tomasi ,Jemusi,mwana wa Alufasi ,Tedhiyasi ,Samiyoni waZeloti , ¹⁹ Judhasi Isikalioti umweyo adzamugulisa . ²⁰ Pamwepo adayenda kumuyi, wantu azinji adabwelalambo pomwe kwaiye, alibekudya zingwa; ²¹ Famidya yake idabva bzvimwebzvo akachita, adapita kamutola. Adati nzelu zake zataika musolo mwake. ²² Akalembela adachoka kuJelusalema adati,'' wapatiwa Bhelizabhuli ''Mkhulu wamadhimoni adatamangisa madhimoni.'' ²³ Yesu adachemela kuti awauze bzvafanikiso,'' Satani angachose satani ²⁴ Penoumambo udamwazana, umambo umwewo unimilalini. ²⁵ Peno nyumba idapesana pachayene nyumba imweyo inimilani payoka . ²⁶ Satani akabzvimukila yeka pomwe, nakupesana, bzimalalini bzvoka. ²⁷ Palibe angapite munyumba yawampamvu nakuba bzvintu alibe kumanga wampamvu nakuba bzvintu bzvense. ²⁸ Bzadidi nditi, bzakuipa bzamwana wamulumbwana wamuntu bzizalekelewa na bzense bzadataza, nabzadalewalewa, ²⁹ Umweyo azanyoza mzimu wabwino azalekelelewalini ,Azachita mulandu umoyo wakusaya kumala, ³⁰ Yesu adalewa dzvomwedzvi pakuti wantu adati,'' anamzimu wakuipa.'' ³¹ Pamwepo amayi na bale wake adabwela kumila panja. Adatuma,kumuchemela kuti abwele. ³² Gunyenye ikadamuunganila adati,'' amayi nabale wanu alikukufunani panja. ³³ Adawadaila, Mbaponi amayi nabalewangu? ³⁴ Ada nyanganisisa adamuunganila wense adati ,'' Imwepo mulipano ndimwe amayi nabale wangu ³⁵ .Awo ambabvumila mafala yaMulungu,ndiwo abale wangu, nazisisi ,namayi wangu.''