¹ Nakutenepo Yesu adayamba kuwafundisa namifanikiso .Adati, kuna mamuna adabzvala muchelo wamuvhaini, Adafaka matandangawo adatendeledza munda wamuvhaini, Adachela chidindi chakupulila waini, Adamanga dala akaipasa anyakubzala muvhaini .apo adafamba ulendo, ² Na ntawe chaiyo adatuma kapolo kumunda kuna wakubzvala muvhaini kuti akapasiwe bzibeloko bzamuvhaini, ³ Koma adamutakula, ndikumumenya nakumubweleza alibe chintu. ⁴ Pamwepo adatuma kapolo munango, Nakutenepo adamupweteka musoro. ⁵ Adatuma munango pomwe mubodziyo ndikumupha .Wense adawaphata bzibodzibodzi ,achiwamenya nakuwapha. ⁶ Akadasara namuntu wakutuma, wakafuna mwana mulumbwana bodzi. Akali wakumalizila kutuma, Adati achamulemekeza,' ⁷ '' Koma wantu wale anyakulima muvhaini adati ndimwana wake "Uyu ndimwana wake tikamupha umweyu ntaka iniwa yatu. ⁸ Adamupata , ndikumupha akamuponya kunja kwamunda, ⁹ Tsapano, ndichani chizachitika kuna mwechilo wamunda ? Azabwela kuzapwanya nakuupasa munda wamuvhaini anango. ¹⁰ Mudambobvako manembo ? ''Mwala udalambiwa nanyakumanga ,ndiwo udazawa nsolo wakhona . ¹¹ Ibzi bzida choka kunaMambo,bzili bwino mumaso.''' ¹² Mumbuyo mwaibzi akulu waJudha adatsvaga njila yakumanga Yesu pakuti akaleketeka bza nzelu nantangwe yakuti akaleketeka bza mafanikiso , Koma akagopa gunyenye .Adamuleka achiyenda. ¹³ Ndiye adatuma manango mafalisi namaHelodhiyenzi kuti akabve mafala yake. ¹⁴ Padafika adati kwaiye ,'' Mbusa ,tindziwa kuti mulibe bzizinji bzamufna ,pomwe musankulalini wantu, Pomwe mufundisa bza njila yamulungu . Bzili pamulawo kuti tichose msonko kwasiza kana kuti? Tinga pagali kana kuti? ¹⁵ Koma Yesu akadziwa unthila kuwili wawo adati kwaiwo ?'' Ndawayanyi muchindiyesa ? Bwelesani dhinali lacho ndilinyangane. '' ¹⁶ Adapasa ibodzi Yesu. Adati kuna iwo ,'' ndiyayani nkope iliapayi?'' iwo adati ''ndiya Siza'' ¹⁷ Yesu adati Pasani kuna Siza bzaSiza ,bza Mulungu kwaMulungu. ¹⁸ Asaduki, awo aniti kulibe kulamuka kuchoka kuwakufa, adamubvunza, akati, ¹⁹ ''Mbusa, Mozisi adati nembela achiti, ''mbale akafa akasiya nkazi koma alibe mwana, mamunayo bvzabwino kutakula nkazi wankulu wake nkumbelekela wana ²⁰ Pakali nawana wachimuna anomwe, wakuyamba adatola mkazi akamwalila, alibe kusiya mwana, ²¹ Wachiwili adatola nkaziyo, koma alibe kusiya wana, pomwe nkumwalila wachitatu bzvibodzi_bodzibzvo, ²² Mpaka wachinomwe alibe kubeleka naye wana pakumalizila nkaziyo adaza mwalilambo pomwe.'' ²³ Pakulamusiwa kuwakufa panthawe yachimalizilo nkazi azakhala wayani pakuti wentse akali nkaazi wawo.'' ²⁴ Yesu adati, ''Ndimolini mwabzvene mwapoyila pang'no, natangwe lakuti mudziwalini manembo ne mphamvu yaMulungu chaiyo? ²⁵ Paachalamusiwa kuchoka kuwakufa paninga palibe bzvauloozi pakuti azakhala ninga ngilozi zakudzulu. ²⁶ Koma mulibe bzvakulamusiwa kuchokamwaakufa, ko mulibe kumbva mumanembo yaMozisi. pankani yachidzambwa, Mulungu adalewalewa, naye achimbati, ''Ndine Mulungu waAbhulahamu, Mulungu waIsaki, Mulungu waYakopo'? ²⁷ NdiMulungu lini waakufa nee, koma wamoyo, mudapoyila pang'no.'' ²⁸ munango nyakunemba adabwela kuzambva bzvikali kulongosolewa adawona Yesu achimbaapasa mphindulo adabvuudza adati kuna iwo ''ndimulawo uponi ukulu?'' ²⁹ Yesu adati kunaiye, chinthu chikulu mbvesesa , Izilzyeli, Mambo mulungu wathu ndimbodzi. ³⁰ Funa Mulungu eako nantima wako wentse,namphambvu zako zentse,' ³¹ Mulawo wachiwili uniti. Ufanila kufuna mwanzako ninga kubzvifuna kwauubzviita iwepo wekha ,'palibe unango mulawu ukulu kuzhula imweyi.'' ³² Nyakulemba adati, ''Mwachitabwino, Busa! Mudalewa chadidi kuti Mulungu ndimubodzi, palibe munango kunja kwake. ³³ Kumukonda namutima wense nakumubzesesa namphamvu,nakufuna mwanzako kwenekwene kuzhula bzipasu bzintentewa bzense.'' ³⁴ Yesu waona kuti wapasiwa mphindulo, adati kwaiwo, ''Mulilini kutali nauMambo wamulungu,''Pamwepo palibe adamubzunza. ³⁵ Apo Yesu achifundisa munyumba yakupemphelela mulungu adati ndawayanyi anyakunemba achiti Mulungu Ndimwana waDhavhiti? ³⁶ Dhavheti pachake,mumzimu adati, Mambo ndiMambo wangu , ''Khala kujanja rangu ladidi kufika ndaika adani wako pansi panzayo zako.'' ³⁷ Dhavheti pachake abziti.'Mambo,' ndawayanyi kilisitu azakala mwana waDavhiti?'' Gunyenye lichibza kwaali. ³⁸ Pakufundisa kwake Yesu adati,'' Chenjelelani anyakunemba achafamba adabzala bzitali achifuna kumonisiwa. ³⁹ Afuna mimpando yabwino mumasinagogi pomwe nambuto zakulemekezeka pamadyelelelo. ⁴⁰ Animila pamazhanelo achimphemphela mamphelo matali kuti wantu awaone,Wantu amwewa akubzitsvagila kutukwaniwa. ⁴¹ Yesu adakala pafupi natumba ikatusiliwa kobili munyumba yamulungu,'akawona wantu achitusa kobili mutumba.Anyazinji wakudala akatusa kobili izinji . ⁴² Mudziche wakusauka adabwela akathusa tumasheleni tuwili tukayenzana napeni. ⁴³ Adachemela wakufundila wake adati kwawali,'' Chadidi ndiniti kwaimwepo, mudziche wakusauka uyu ndiye wachosa masheni yakuwanda kuzhula wense athusa ⁴⁴ muntswanda yachakupeleka, Nakutenepo mudziche uyu wapeleka bzense, bzakanabzvo bzense.''