¹ Uku ndiko kuyamba kwamafala yaMulungu, yaYesu Kristu Mwana waMulungu. ² Ngati kunembewa kwadzvidaitiwa muna Isaya mpolofita ''Yanganani, ndilikutuma kamtumike wangu kwaimwe, uyo achakukonzelani njila. ³ Fala lamunango, lilikuchemelela mudambo, 'Lichikonzekela njila yaMambo. Kuli kulungamisa njila zake.''' ⁴ Yohani adabwela, achiwombeka mdambo achilalikila uwombeko wakutembenuka kuitila kulekelelewa kwabzvakuipa. ⁵ Dziko lense laJudiya, nawanthu wamu Jelusalema adabwela kwayiye. Adawombekewa mukamadzi kaJolodhani, achiwulula bzakuipa bzawo. ⁶ Yohani akabvala njamba yabvele zangamela nachingwe chakhanda muchuno mwake, pomwe akadya mabombo nawuchi. ⁷ Akalalikila, ''Munango ambwele mbuyo mwangu uyo ana mpambvu kuposa Ine, bzvakutoti nikwanisalini kutsudzula ntsapato zake, nikwanisalini kuzichosa kana kutsudzula. ⁸ Nikuwombekani namadzi koma iye achakuwombekani m'zimu wabwino.'' ⁹ Bzvidachitika munsiku zimwezo Yesu adachoka kuNazaleta mumphimpa yaGaliliya, akawombekewa naYohani mukamadzi kaJolodani. ¹⁰ Apo Yesu achichoka mumadzi, adawona kudzulu kuchifunguka pomwe mzimu uchibuluka padzulu pake ninga njiwa. ¹¹ Fala lidachoka kudzulu, ''Ndiwe Mwana wangu. Ninkondwa naiwe kwene-kwene. ¹² Ndiye Mzimu udamutola ukenda naye mudambo. ¹³ Akali mudambo kwantsiku makumi mayi, achiyeswa naSatan .Akali nanyama zanthengo Ngilozimbo zikamuthandiza. ¹⁴ Apo mumbuyo Yohani wamangwela, wamangiwa Yesu adabwela muGaliliya achilalikila Fala yaMulungu. ¹⁵ Achiti,'' nthawe yakwana Umambo waMulungu wawapafupi tembenukani nakutenda kuFala laMulungu. ¹⁶ Apo achifamba namphepete mwanjila yaGaliliya,adawona Saimoni naEndileya akali wakupha ntsomba. Yesu adabwela akati kwaiwo, ¹⁷ ''Yesu adati kwaiwo , ''Bwelani munditewele ndikuiteni wakumedza wanthu.'' ¹⁸ Nakukulumiza adasiya akombe akamuteela. ¹⁹ Yesu paadapitiliza pan'ono kufamba adawona Jamu mwana waZebedhiya nambale waYohani, ali mumwadiya achikonza akombe. ²⁰ Adaachemela akaasiya Apayi wawo Zebediya ali mumwadiya nanyabasa wawo. ²¹ Ndiye adafika Mukapenaume nantsiku yasabata Yesu adapita Sinagogi achifundisa. ²² Adakankhamuka nakufundisa kwake ,tangwe akhaafundisa ninga munthu ana mphambvu kuzhula Akalembela. ²³ Ndiye pale mamuna akhali namizimu adachemelela, ²⁴ achimbati ukufuna kuti tichite tani naiwe, Yesu waNazaleta?'' ko wabwela kuzatiwononga? Nikudziwa bzvauli ndiwe wakulungama waMulungu!'' ²⁵ Yesu adatukwana dhimoni adati ''Nyamala uchoke mwaiye!'' ²⁶ mzimu wakuyipa ukamugwesela pantsi ukachoka apo achiwongota. ²⁷ Wanthu wentse adakankhamuka, pamwepo akabvunzana, ''Ndichani chonchi? Punziso yamphamvu! anothamangisambo mzimu yakuipa ichimbamutetekela!'' ²⁸ Mpheso padzulu pake zidafika kwentse_kwentse mbuto yaGalileya. ²⁹ Mumbuyo mwakubula kwake muSinagogi, adakapita namunyumba yaSimoni naAndreya ,alina Jemusi na Yowani . ³⁰ Pamwepo , amedzvala waSimoni akadagona achimbva chimpsvine akawuza Yesu nabzvawo. ndiye adabwela, ³¹ Akabwela asimusa janja chimphine chikamala,akatoyamba kupasa chakudya. ³² Usiku umwewo mbuyo mwakudoka kwadzuwa,adamubweleselewa wentse akaduwala kana anamadhimoni. ³³ Guta lentse lidagwezekana pansuwo . ³⁴ Adazapozeka azinji akaduwala namishoo yakusiyasiya_siyana akachosa madhimoni ,koma alibe kubvumila madhimoni kuti yalalewe naye tangwe yakamudziwa. ³⁵ Machibese_bese adalamuka pamwepo kukali namudima ,adayenda kumbuto yayekha kumweko kwaadakaphemphela. ³⁶ Simoni na awo akali naye adamupswaga. ³⁷ Adamuoona adati kwaiye,''Munthu wentse alikukupswagani.'' ³⁸ Iye nkumbati,'' Tipitemboni kunamango maguta, kuchitila kuti ndilalikilembo konko.'' ³⁹ Adapita mugalileya mwentse achilalikila mumaSinagogi yawo achichosa madhimoni.'' ^{40 41 42} Mpheta minyendo zidabwelambo kwaiye akamukumbila ,adapfugama adati kwaiye, ''kana mukafuna mungandichenese .'' Achiphatiwa nashunguYesu adathasamula janja achimbati kwaali,'''nifuna chena.'' Pamwepo mapele yadachoka akachena. ⁴³ Yesu adamutsuula nakumuuza kuti aye. ⁴⁴ Adati kwaiye palibe,''Palibe chaufanila kulea angawe munthu upi bzvake ,koma ndoko ukabzviwonese pamaso paanyatsembe,akapeleke ntsembe zidaleedwa Moses ,ngati umboni kwaiwo.'' ⁴⁵ Koma adayenda nakunyumba adayamba kulewa adatsudzuka nakulalikila fala, kwene_kwene bzvakuti Yesu alibe kuzapita muguta padecha koma adakala kunja kwambuto zakusala. koma wanthu adapitiliza kubwela kwaiye achichoka kwentse_kwentse