¹ Biiya gá, que chi gunu guenda nacha'hui nezalú binni para si guya ca laatu, pacaa que zapadiou gasti xti biuxhose nu ni nu iba'. ² Ngue runi ora gudilu ti guna la?, que gunidiou ridxi nezalútu casi runi ca ni nacha'hui peru cadi dxandí laca ndani yu'du ne lu calle, ti gusisaca binni laca pur ni bidica. Gabeca lii, ngue si nga laani. ³ Peru ora gudilú ti guna la?, que gudidiou lugar que nalu ladu viga ca gana xhi cayuni nalu ladu ndiga. ⁴ Ne zaca guna xtiu bidini ra naga'chi'. Ne Bixhose nu ni ruya ra naga'chi' saguixhe lii ni bini lu que. ⁵ ne ora gini ne lu Diuxi la? que gacadiou casi ca binni ni na nacha'hui peru cadi de dxandi laca. Pur ti laca nadxica gusuhuaca ne guinineca Diuxi ndani yu'du o uria calle, ti saca guya ca binni ca laca. De dxandi gabelii, laca ma biaxha cabe pur ni binica'be. ⁶ Peru lii, ora guinine lu Diuxi, guyu ndani yoo. Bitegu puerta, ne gunine Bixhoso ni nuu ra naga'chi'. Ne bixhoso ni ruya ra naga'chi' saguixhe lii. ⁷ Ne ora guinine lu Diuxi, cadi guinilu laca ngueca casi runi ca gentil, pur ti laca'be rini iqué cabe xhi gaca ni guna diagacabe pur ti rini cabe xtale. ⁸ Nga runi, que gacadiou casi lacabe, pur ti Bixhozo runi bia' ni li caquiñe luu ante que lii guinabadidxalu. ⁹ Nga runi, gunine Diuxi sicarí: "Bixhozedu ni nu iba', nandxo' gaca laalu. Gueda nda runi mandar xtilu, ¹⁰ gaca ni lii nalu, ndani guidxilayú casi ca iba'. ¹¹ Bidi ladu gueeta tidi nedu dxi. ¹² Bixhía ca ni nusabidu, casi ca ladu ruxhiadu ca ni nusabi ladu. ¹³ cadi gudidiou guiabadu lu ni guquinde ladu, ne bilaa ladu de lu na binidxaba. ¹⁴ Pa lii guxhialu xtondá ca binni la?, Bixhozo ni nu iba' laca suxhia' xtondá luu. ¹⁵ Peru pa lii que guxhialu xtondá ca ni ruche ne lii, Bixhozo laca que suxhiadi ca xtondá lu. ¹⁶ Ne ora, guianu sin goolo, que guluidiu de que nagundulú, casi runi ca ni na de dxandi laa peru ca di dxandi laca, pur ti laca ruchaca luca ti guya binni que que cayoca . De dxandi gabe lii, que lacabe ma biaxha cabe pur ni binicabe. ¹⁷ Peru lii, ora que goolo, bicha aceite iqué lu ne gudibi lu. ¹⁸ Saca que suluilu binni de que que cayolo, si nu que Bixhozo siou ni nuu ra nagachi'. Ne Bixhozo, ni ruya ra nagachi', saguixhe lii pur ni bini lu. ¹⁹ Que cuchahui diou ni risaca ndani guidxilayú di para lii, ra polilla ne moho ruxhuxhe, ra ca gubana' ma rasi riuca ne riba'naca. ²⁰ laaga, bitopalu ni risaca iba' para lii, ra polilla ne moho que suxhuxhe, ne ra ca gubana que siudica ne cuana ca. ²¹ Pur ti ra nu ni risaca xtiu, racaca siu ladxidolo. ²² Ne bizalú ca nga biani ruza'ni xti cuerpu ca. Huaxha, pa bizalu lu ca nachahuini la?, guidubi naca cuerpu xtiu ca dxa tipani de biani. ²³ Peru pa bizalu lu ca que nachahuini ni la?, guidubi naca cuerpu xtiu ca dxa tipani de guendanacahui'. Huaxha, pa biani nu luguialu ca de guendanacahuini' la? ¿Pabia naroba guendanacahui' ca ya?. ²⁴ Guiruti zanda gusisaca chupa señor, pur ti zandaca gaca nanaladxi tobi ca ne ganadxibe xtobi ca, o susisacabe tobi ne xtobi ca co'. Lii que zanda di gusisaca lu Diuxi ne ca bixhichi' risaca ca. ²⁵ Huaxha naa rabe lí, que ica' iqué lu pur guenda'nabani xtiu, xhi goolo o xhi gueelu o de cuerpu xtiu, xhi gaculu. ¿Pur ti cadi jma nga guenda'nabani que guendaroo la?, ne cuerpu ca jma que larii la?. ²⁶ Biiya ca mani ripapa lu bi' ca. Qué riguu ca biní ne que ribee ca guela, nin'ca qué ruchá ca troja, peru Bixhoze tu ni nuu ibá' rudii ni go ca'. ¿Ñe cadi jma risaca tu jma que laaca'me la? ²⁷ ¿Tu de laatu runi nuu ca xizaa zanda uguu ca xti xhupa late gande nu xcayu iza jma lu guendanabani xti que biá nexhe ibani ya? ²⁸ ¿Ne xiñee nuu tu xizaa de ni gacu tu ya? La guiní ique tu de ca liriu ndani ca layú ca, ximodo rigaa cani. Laacani que runi cani dxiiña, ne que riguiba ca xhaba ca. ²⁹ Ne necape za cá naa zabe lii, nin Salomón de lu biá bisaca la? que nuzuchahui casi ca laca ni. ³⁰ Pa Diuxi ruzuchahui ca yaga gui'xhi, ni nuu yanna dxi, ixhi ma bi ruugu ca ne ri lá ca luu beele, ¿caxhape Diuxi que uzuchaui laatu binni ni huaxhie runi cre ca?. ³¹ Ne cadi chuu tu xizaa ne na tu: '¿xhi goodo?' o, '¿xi guidee du?' o, '¿xi gacu du?' ³² Purti guiraa ndi ruyubi ca binni ni que runi cre cani; ti Bixhozo ni nuu ibá' la? na'na de que caquiñe cabe cani. ³³ Peru niru biyubi guenda runi mandar ne guenda nachahui xti Diuxi ne de guiraa ndi la? zeda ni para lii. ³⁴ Xisi la? , cadi chuu diou xizaa de ni chi gaca ixí', purti ixí' ru nga chi guihuini xi chi gaca. Guiraa ca dxi ca napa cani guenda nagaana xti cani.