¹ عْلَى ڤَاعْ أَلِّي رَاهُمْ تَحْتْ نِيرْ الْعُبُودِيَّة يَحْسْبُوا سْيَادْهُمْ يَسْتَهْلُوا كُلْ إِكْرَامْ، بَاشْ مَا يَتْخَسَرْشْ إِسمْ الله و الْتَّعلِيمْ تَعَهْ. ² و لِّي عَنْدْهُمْ سَادَة مُمْنِينْ، مَا يَسْتَهْزُوشْ بِهُمْ عْلَى خَاطَرْ خُوتْ، لاَزَمْ يَخَدْمُوهُمْ كْثَرْ، عْلَى خَاطَرْ شَارْكَة فَالْفَايْدَة، هُمَا مُومْنِينْ ومَحْبُوبِينْ. عَلَّمْ و أَهْدَرْ هَكْدَا. محبة المال ³ إِذَا كَانْ وَاحَدْ يْعَلَّمْ تَعْلِيمْ أَخَرْ، مَاشِي عْلَى حْسَابْ كْلاَمْ رَبِّنَا يَسُوعْ الْمَسِيحْ الْصْحِيحْ، و الْتَّعْلِيمْ أَلِّي عْلَى حْسَابْ الْتَقْوَى، ⁴ هَدَا رَاهْ تْنَفَخْ و تْكَبَّرْ، و مَا يَعْرَفْ وَالُوا، رَاهْ غِيرْمَهْوُوسْ بَالْمُجَادَلاَتْ و الْمُنَازَعَاتْ الْكَلاَمِيَّة، و مَنْهَا يَخْرَجْ الْحْسَدْ و الْدْوَاسْ و الْتَّجْرِيحْ و الْنِّيَّاتْ أَلِّي مَاشِ مْلِيحَة، ⁵ وڤَاعْ الْدْوَاسْ بِينْ أَلِّي عْقُولْهُمْ فَاسْدَة أَلِّي مَا يَعَرْفُوشْ الْحَقْ، و حَاسْبِينْ الْتَقْوَى تْجَارَة. ⁶ و الْتَقْوَى أَلِّي بْقَنَاعَة رَاهْ تْجَارَة كْبِيرَة. ⁷ حْنَا ڤَاعْ دْخَلْنَا لَلْعَالَمْ ومَا جَابْنَا وَالُوا مْعَنَا، ومَا نَڤَدْرُوشْ نَخَرْجُوا مَنَهْ و نَدُوا شِي مْعَنَا. ⁸ مَادَامْ عَنْنَا قُوتْنَا و لْبَسْنَا نْكُوانُوا فِي قَنَاعَة بَالْشِي أَلِّي عَنْدْنَا. ⁹ و لِّي يَبْغُوا يْوَلِيوْ أَغْنِيَا، رَايْحِينْ أَطِيحُوا فالْتَّجْرِبَة و الْفَخْ و يَدْخْلُوا فِي شَّهَوَات مَاشِي مْلِيحَة كْثِيرَة أَلِّي تْغَّرَقْ الْنَّاسْ فَالْدَمَارْ و الْهَلاَكْ. ¹⁰ عْلَى خَاطَرْ مَحَبَّة الْمَالْ أَصْلْ كُلْ الْشَّرْ، و إِذَا جْرُوا الْبَعْضْ مُورَاهَا، رَاحْ يْبَعْدُوا عَالْإِيمَانْ، و يَجَرْحُوا رْوَاحْهُمْ بَجْرُوحْ كْثِيرَة. الجهاد الحسن ¹¹ أَنْتَ يَا إِنْسَانْ اللهْ أَهْرَبْ مْهَادْ الْشِي، و تَبَعْ الْبِرْ و الْتَّقْوَى و الْإِيمَانْ و الْمَحَبَّة و الْصْبْرْ و الْوَدَاعَة. ¹² جَاهَدْ جِهَادْ الإِيمَانْ الْمْلِيحْ، وأَمْشِي عْلَى حْسَابْ الْحيَاةْ الأَبَدِيَّة أَلِّي لِيهَا تَدْعِيتْ تَانِي، و أَسْتَعْرَفْ بَالإِيمَانْ كِيمَا لاَزَمْ ڤُدَامْ بَزَافْ مَالْشْهُودْ. ¹³ نْوَصِيكْ، ڤُدَامْ الله أَلِّي يْمَّدْ الْحْيَاةْ لْكُلْ شِي، و الْمَسِيحْ يَسُوعْ أَلِّي شْهَدْ ڤُدَامْ بِيلاَطُسْ الْبُنْطِي بَشْهَادَة الْلاَزْمَة، ¹⁴ بَاشْ تَحْرَزْ الْوَصِيَّة بْلاَ عِيبْ و لاَ لُّومْ حَتَّى نْهَارْ يْبَانْ رَبِّنَا يَسُوعْ الْمَسِيحْ عِيْنَانِي. ¹⁵ و هَادْ الْظُّهُورْ الله أَلِّي يْدِرَاهْ فِي الْوَقْتْ الْلاَزَمْ، هُوَ الْسَّيِّدْ الْمُبَارَكْ الْوَاحَدْ، سُلْطَانْ الْسْلاَطَنْ و رَبْ الأَرْبَابْ، ¹⁶ أَلِّي وَحْدَهْ و مَاشِي فَانِي، الْسَّاكَنْ فِي نُورْ وَاحَدْ مَا يَقْدَرْ يَلْحَڤْ لَهْ وأَلِّي مَكَاشْ إِنْسَانْ أَلِّي يَقْدَرْ إِشُوفَهْ. لِهْ الْكَرَامَة و الْقُدْرَة الأَبَدِيَّة. أَمِينْ! ¹⁷ وَصِي أَغْنِيَا هَادْ الْزْمَانْ مَا يَتْكَبْرُوشْ، و مَا يَتَّكْلُوشْ عْلَى الْغْنَى لِّي مَا يْدُومْشْ، بَصَّحْ يَتَّكْلُوا عْلَى الله أَلِّي يْمَّدْ لْنَا كُلْ شِي بْزْيَادَة بَشْ نَتْمَتْعُوا بِه، و ¹⁸ أَيْدِيرُوا الْخِيرْ، و يْكُونُوا أَغْنِيَا بَالأَعْمَالْ الْصَّالْحَة، و يْمَّدُوا بْسَخَاءْ، و يْكُونُوادَايْمَنْ وَاجْدِينْ إِيعَاوْنُوا لُخْرِينْ فِي خِيرَاتْهُمْ. ¹⁹ و هَكْدَا يْدِيرُوا لْرُوحْهْمْ رَاسْ الْمَالْ لَلْمُسْتَقْبَلْ، حَتَّى يَحَكْمُوا فَالْحَيَاة تَعْ الْصَّحْ. ²⁰ يَا تِيمُوثَاوسْ، أَحْرَزْ عْلَى الأَمَانَة أَلِّي تْمَّدَتْ لَكْ. وَخَرْ عالْكْلاَمْ الَّنِسْ الْبَاطَلْ، و الْدْوَاسْ عْلَى لِّي يْسَمُوهْ عِلْمْ كَاذَبْ. ²¹ و إِذَا الْبَعْضْ يْڤُولُوا عَنْدْهُمْ هَادْ الْمَعْرِفَة، رَاهُمْ بَعْدُوا عَالإِيمَانْ. ²² الْنِّعْمَة تْكُونْ مْعَاكْ!