¹ Ang Jisu Khristoni mola tangnaisa, Jakobni takhuk Joda abono sui ho-o. Ang Kaitor bai ringjak nai rokno abo no sui ho-o, bok Apha Kaitor bai hamjak-o, Jisu Khristo bai larokwi tongjak -o. ² Nok kwbangma khlaiwi maya nang jak kha, kwbangma khlaiwi kha kachang rwjak thwng, kwbangma khlawi hamjakwi tongjak thwng. ³ Khajani takhukrok chwng jotonw mwthangjak mani kokno ang nokno suinai kwbangma khlaiwi musu-o, aiphuru Kaitor waisa baino bini borok rokno rwmani a paitokma kokno laroknani bagwi chobak khlai di hinwi sui thai hinwi ang wansok-o. ⁴ Kaitorno kiriya kainwi kaitham borok chini bising-o phoroksa khlaiwi hapai kaha, bok sak tongthoklai twi tongwi manani bagwi chini Kaitor kha khamsa sa kokno kothe khlai wi sao, bok Jisu Khristono bw gose-a, bo simi se Subrai. bok majra khlai jakmani a-bo ageo bw Bibil dai-o sajak kha. ⁵ Subrai twma khlaiwi Isreal rokno Ijip hani phiyok kha, olo khlai paitokya rokno skwmo kha, nok aborokno sagwi manphano ang nokno kha klkhlaiwi rwnani nai-o. ⁶ Suarirokni baksa no bw naiwi naidi bok tong toi tongya wi sakni tong thai nw khibiwi thang ka, bok hatola ni manangma dai-o klaiya sorni bodok bai khajakwi tong-o, Kaitor aro bokno sal kwbangma ni bagwi tong kha. ⁷ Sodom bai Gomra aro kore kora town-o bw nai khowi naidi. Aro tongnai rok suarirok bw tong kha bok khan ka khan ki ong kha, twmwi hinba chla bai chla tongmung sitra tonglai kha, beno phonok wi mwkchwk khlaiwi rwnani bagwi bokno thwya jati khlaiwi hor bai thwngjak rwkha. ⁸ Omtwi khlai wi no borok rokbw bokni bwshakno susuk-o kokkhlai nai omtwi hai emang nok-o, bok Kaitorni phran no sak naya, bok kochok hao chwngsasa tongnai rokno hamya sao. ⁹ Suarirokni gara Mikail suda omtwi hai saya. Mosi ni mangno swbo manai obono twi wi switan bai kok banglai wi walai tong phuru mmikaili kok hamya sa wi switanno majra khlairok kha. Omtwi hai saya wi Subrai nono hintok hinwi se sa-o. ¹⁰ Aborokro kkhlai siyawi hamya sao. Bok wok tokrok hai simani abo bok pairok-o. ¹¹ Bok bwswk hamya sitra bok kain hinmani a laama no hinka. Bok rang manani bagwi balam hai no samung chaya-o sakno9 tisawi rokha. Bok kora hai no kok khanaya ongwi abo hai khlaiwi milai rok kha. ¹² Nok bai baksa borok lachiya khlai numani chamani abo tisumu hai. borok sakni gam simi se nai-o.borok ongkha watwi way nobar bai sibchaui tlanjak chumui hai. Borok bwthai thaina jora phiwi bw suda bwthai thaya bwphang hai, hwichajak bwphang hai bok twijak. ¹³ Bok twijlangni twi fena hai bokni lachima chingsa samungrokni bagwi fena kwswng hai. ¹⁴ Adom ni simsi pirid kaisa ni borok Enok age bw bokni bagwi arai khlai wi kok diarirok saka, naidi, Subrai bini siyari kwthar chisai kwbangma no twbwi wi phai nai, ¹⁵ omo hai bw joto borok rokni buj thangnai, Kaitorno kiriya sumchuk khlai nai rok joto samung hamya khlai mani, a Kaitorno kiriya rok, Kaitorno joto kwbangma kok hamya samani omoni bagwi majra rwjak kha. ¹⁶ Aborok rok beno chaya sagwi mang tong-o bok sak motok laiwi tong-o bok kok gara sao , bok bokni samung charw naini bagwi bini yakungno rwng-o ¹⁷ Khajani takhukrok chini Subrai Jisu Khristoni chonghor rok nokno swkang-o samani rokno kha kawi naidi. ¹⁸ Bok nokno arai khlaiwi saka, a sal painani ani phuru nokno mininai borokrok phai nw, bok Kaitorno kiriya-wi sak mwtwkwi tonglai nai. ¹⁹ Omo rwi rokno kaklai pholai khlai nai rok bok sak muchukwi tongnairok bok Phola Kwtharno maya. ²⁰ Khajani takokrok nok paitok mani a kok kwthar bai sak sakno rak rw-wi tongdi. Phola kwwtharni phran bai suriwi tongdi. ²¹ Chini Subrai Jisu Khristo hamjak wi nokno mwthang phai nani sal no naising-tw twi Kaitor bai hamjak lai-wi tongdi. ²² Bwkha sewk sewk ongnai rokno maya khlai di. ²³ borokrono horni se-wi mwthangdi. Aro baks kiri tw-twi maya khlaidi bok sak mwtok-wi tongma bai bokni rinw nai slidi. ²⁴ Nokno klai nai yakni phiyokwi rwmanai, nokno majra kwrwi khlai-wi tong thok rw-wi chwng sasa ong-wi tong thani bas rw-wi manai. ²⁵ Chini Subrai Jisu Khristoni bising twi chwngno mwthangnai a kaisa saso Kaitor, bo thangnai salni simi tabokni a-sal, sal kusung kusungno chwng sasa ongthong, gara ongthong, kwplai ongthong, bwkhrok ongthong. Amen