1 norok ni bisingo boroni walaima,bulaima phai? Nokni bising o tongthok chathok abw tama bwsak bisingni akholwi phaikhiya? 2 Nok khabai tongthok o mato manya. Nok bwrok buthawok aro muchuwok mato jebono nai abwno manya. Nok walai laio bulai laio asoibo nokni mungsa tongya, tomwi hinba kaitorni daio biya. 3 Nok biywi bw manya, Tama hinba nok chaya wansukma bai biywi tong o, twmwi hinba nokni tongthok chathwk mochukma khalaini mochuwok. 4 Paitokya borwkrok! Nok tama siya, songsaro kiching khalai klai bw kaitorni chaya ?oboni bagwi kaisachwk swngcharbai kiching wongni muchukhlai , bo saksani kaitor bai ari wongmani klaio. 5 nok tama bakha ka kathar kokno misa hinnwi sakha tama hin phula kathar jebo chungno kaitor chungno kha rukha,bw chini bisingtwi lobjak nani mochungwi tongo? 6 Mato kaitorni khairokma bokni naikholai kabang. Aboni bagwi elenbak o swijakjak, ‘kaitor thamchi kanai rokno bini bagwi kaitor kebeng unggwi tongo, mato kha khan sa khalai tongnai rokno khawi rowgo.” 7 Aboni bagai kaitorni tolao tongdi. Soitanni kebeng ungdi esokhalai bo nokni daini khawi ma thangnai. 8 kaitorni oro thangdi , esokhalai bo nokni oro phainai. Songchuk khalai nai rok saksakno kathar khalai di. Bwkha baknwi borokrok nokni kha no kathar khalaidi. 9 kha baidi aro karadi . mini mani naikholai kha daio tektok manjakdi aro sokni naikholai kha baidi. 10 kaitorni sikhang o bokhrok thudi, asokhalai bo nono kochuk khalai oi tisanai. 11 Takurok nok kaisa bai kaisa chaya tasalaidi. Je borok thakuni kebeng khalai oi kok sa o takukno chaya khalainani rotoknai takuk , o takuk bo raidano kebeng khalai oi baraio . 12 keba kaisachoi tonggo raida ronai aro majra khalaioi ronai. Bo mathang mao aro ses khalai pairo mao. Nung sorolai je nini koreni borokrok no chaya khalai nani rothok oi tongo? 13 Nokni bising o kaisa bai kaisa salai laio , tini bai khana chung amuk town o bisa thangoi katalai nai aro bebari thongoi rang kabang ma joraknai. 14 mato khana tama ungno nok bono siya. Nokni langma tama bo? Nokni langma lai siyari jomtwi, kisisani bagwi se tongo asokhalai milaiwi thango. 15 aboni naikholai ei kok no sani nang o,”subraini mochungtwi se chung lakma tonggwi tongo aro obono khali nai amono khali nai hinnwi sago” 16 tabuk khalai nok bwkung chugwi kok gara sago, abotwi khalai kok gara samani ungkhadwi chaya. 17 asokhalai nungjak kha, kam gam siwoi bo tanya khalai bo sumsuk khali wo .