¹ Ageni hamjakma borok kaini daiwo koktang swikha, jeno ang kubwi khalaiwi hamjak o. ² Oh hamjakma, surio, twma hin nini phola gam phaising thangnai twi,joto nw lagwi nwng kuchuk kathwng gam kwrwng ongthwng. ³ Twma hin ang kabang gam manjak kha,takhuk rok phaiwi nini kubui kokno sakha,je nwng kubui khlaiwi tongo. ⁴ Ani bwsarok kubui khlaiwi tongo,emonw kh’na Khlai je suk ong aboni naikhlai kabang suk ani kwrwi. ⁵ O hamjakma, o takhuk rok, twma hin,oborok kuphur rokni bagwi jebo jebo nw khlai tong,amw kwrwngsa paitok jaknai rokni gam samung. ⁶ Bokkathar nuk swkango nini hamjakma kokno lagwi sakha, nwng kaitorni chuknai jati khlaiwi bokno naiwi hodi,aiphu khlai gam khlai nw. ⁷ Twmwi hinba o bumung bai ringkh jakma bai bok akhogwi phai khai,ajihudi rokni daini mwngsa bw taladi. ⁸ Chwng emo hai borok rokno hambai rogwi lanani nango, twma hin kubui chubanai ongma naitwi. ⁹ Ang kathar nukni bagwi kisa suijak, twmwi hinba bokni kaisa okra borok diotriphy chwngno sak nangjakya. ¹⁰ Abo ni bagwi, ang phai khlai, bok joto samung khlainai nw ang bakha larwk nai, twmwi hinba bw chaya kokni bisingtwi chwng nw sak nangya khlaio. Eswk khlai bono bw gam nangjak liya, bw sakni phaiyung rokno bw gose laliya. Arw je borok goseoi lani muchuk, bokno bw mathakgwi larwkgwi kwthar nukni tikhlaiwi holkha. ¹¹ Bakhani kiching, chaya nw ta swrwng di, gam nw swrwng di. Je borok gam samung tang bw kaitor ni borok, je borok chaya samung tang bw kaitor nw siniya. ¹² Joto Diotriphy nw gam hinwi sao, kaitor ni kubui bw abo nw sao. Chwng bw bono gam hinwi sao. Nwngbo sio chwng jebo sa abo kwbui. ¹³ Ani kwbangma kok nono suijaknai tongo, mato kali kwlom nw ang abo nw suini naiya. ¹⁴ Asagwi tongo daktwi nwngbai malai laithai, aiphugw sikang bai sikang chwng kok salai mangnai. ¹⁵ Nini kha hwing ongthwk. Nini kiching rok nono hambai rothwk. Aroni kiching rokno jotono kothe kothe khlaiwi hambai rothwk.