¹ Anton bo sa klupa, bo ku jluga: Punda, ni kwaxi ka bo, bo jluga otlo, bo ska kondena bo me. Punda bo, ku jluga ka fe kwa se me. ² Maji non sêbê kuma jlugamentu di Desu sa plu omé di vede kontla nge ka fe ine kwase me. ³ Maji pensa ni kwase: Xi ka jluga nge ka fe inen kwase, i xi me bame ka fe ine kwase, kuma e ka bi livla ni jlugamentu di Desu?. ⁴ O a zeta likêza di vonte Sun di tolerância Sun ku paxensa dê fa, na sebe kuma vonté sun sa di be ku non lependimentu fá? ⁵ Maji plovia kloson lizu ku fata di lependimentu ni kloson bo, ele manda leva ska zunta ni ba me ni dja di leva, ni dja musa zuntu penada di Desu. ⁶ Ê kada koda ngê mingju da obla dê. ⁷ Inen ngexi ku sa flimi ni obla bwadu, buka gloya, lonla ku na poto fa, e kabi fa vida pla semple ⁸ Maji leva ska bé ku fusar da inen xi nge seku sa wé xa, ku ka fe olia lizu ni vede, maji bili olia da injustisa. ⁹ Desu sa di bi ku tlibulason ku suflimentu de tudu olima ku ka fé mali, plumê da zudê tembete da greza. ¹⁰ Maji gloya, honla ku paji sa di bi da tudu nge ku ka fe bem, tantu zudê mo gregu. ¹¹ Punda Desu na ka koye fa. ¹² Punda tudu ngê fé pekadu sê alê tembete sê ale tudu ngê malê, soso tudu ngê ku fe pekadu pl'ome de alé pl'ome di alê sa di bi sa jlugadu. ¹³ Punda na sa ngê ka tende alê ku sa justu ni wê Desu fá, maji nge ka vive alê soso bi sa justifikadu. ¹⁴ Punda, ola ine jentios, ku na te alê fa, pla natuleza inen fe kwa di alê, inen sa alê pla inen me andêjime sa alê. ¹⁵ Inen Musa kuma obla dinen lekelidu plo alê sa xklevitu ni kloson dinen, kuxensa dinen tembete ská sestemunha kwase ku inen, plopi pensamentu inen tuntu ngê ka defendê mo nge ku ka kuza. ¹⁶ Kwasê sa di bi xa nidja Desu ka bi jlugaa stlezedu di tudu ngê modu fe di nvageli mu pl'ome Klistu Jizu. ¹⁷ Maji xi boka sama zude konsa ni alê fa, bô ka gloya ni Desu. ¹⁸ Nanse konse Vonte Sun, so da palavla di kwa ku sa fina, punda a sa xinadu plo alê. ¹⁹ Xi bô sa konvesidu kuma bo sa ûã giya dinen segu, uã kandja da inen se ku sa ni kulu, ²⁰ ua xinado di blutu, ua mese de dôdô, ku te ni alê modu sêbê de vede, anton kuma kwase ka pô feta modu di vive bo? ²¹ Bo ku ka xina otlo, na ka xina bo me fa? bo ku ka da plegason po na futa, ka futa? ²² Bo ku fla pa a na toma mwala dotlo fa, ka fe kwase? bo ku te odja de ímaje, ka futa ni gleza? ²³ Bo ku ka da gloya ni alê, pl'omé d'alê ka fe olia lizu da Desu? ²⁴ Punda mo ê sa xclevidu: Nomi di Desu plovia di nansê sa mali flado ni ame gentios. ²⁵ Punda sikunsizon, sa, bensa da bo. xi vlega da alê Maji xiba kebla ali, sikunsizon bo bila insikunsizon. ²⁶ Anton, xi, uã incincusiso loklê xinamentu di alê, incircuncizon dê na tê piada fá? ²⁷ Incircunsiso jikiti, xi ê loklê alê, ê na ka pê penade ni kabesaa dê fá. Ku, apezar di sklitula di circuncizon, ê sa kebladô di alê! ²⁸ Punda ê na sa zudê tangata pla bwa fá. ni luwa di kani na sa circuncizo so se tanga na tan fá. ²⁹ Maji zudê so se ni kloson, soso circuncizon sa di kloson ni suplitu, na sa segundu létla fa. vungu ku ê ka txila ni na ka bi di homé fá, maji di Desu.