1 2 3 1 Ante Jizu bili boka fada pôvô ku inen dixipulu dê, 2 Ê fla: Inen sklibu ku inen falizeu sa tasondu ni ka dela Muzé. 3 Andê jime fe lôkle kwa inen ka manda. Maji, na lêlê inen fa, inen ka fla maji na ka fe fa. 4 5 4 Axem, inen ka pê fadu pizadu di kloga, ligê fê oubla dinen omen. Maji inen me na ka môvê uma dedu di klage fa. 5 Inen ka fe tudu kwa pa ome pya inen, a ka omenta xinta dinen bila sêndê vistidu. 6 7 6 Inen ka gosta di plumê luge ni fesa bila gôgô ku plumê kodêla ni xinagoga. 7 Ka mantxa di poji ni plasa andêjime pa pôvo bila sama inen di mesé. 8 9 10 8 Maji nansê na toka sa samadu de Rabi´ fa punda nansê tê uwa mese tan, nanse tudaxi sa manu. Na sama mina ngê ni toda de pe nansê fou nansê tê uwa Pe tan, ê sa ni oxé. 10 Na bisa samada mesé fa pa nansê uwa Mese ta só sem, Klistu. 11 12 11 Maji ixi ku sa plixizu ni ômê nansê ka bi sa selive nansê. 12 Ngê ka toma petu lala ka bi umilya, njê ka umilya ka bi batê petu. 13 14 15 13 Maji ai di nansê inen skliba ka falizêu, finjidu! Nansê ku fisa sena do se da inen ome. Nansê na lentla nê ska desa ôtlô lentla fo. 14 Ai di nansê inen skliba ku falizêu, finjidu, ku ka splora ke dinen viuva zaó di fe lason lôngô. Andê jime nansê ka bi tê kondenason maxi pizadu. 15 Ai di nansê, inê skliba ku flizêu finjidu! A ka ledja omali ku tela pa fe uwa plozelitu. Ola a ka fe a ka bila dôsu vê mina ufenu dê kê nansê. 16 17 16 Ai di nansê, gya, ku ka fla: Ngê ka zula pô santuariu, ê na valê fa, maji ngê ka jula pô ôlô di santuariu, tê obligason ku zulamentu dê. 17 Cegu sê sintxidu! kwali sa maxi tame, ôlô ô santurio ku ka santifika ôlô? 18 19 18 Ngê ka zula pê atali ê na valê fe. Maji ngê zula pê afleta ku sa mê, ê tê obligason ku zulamentu dê. 19 Cegu! kwali sa maxi tamé, ofleta ô atali ku ka konsagla ofleta? 20 21 22 20 Andê jime ngê ka zula pê atali ka zula dé ku tudu kwa ku sa liba dê. 21 Ngê ka zula pê santuariu, ka zula de ku ngê ku ka tá mê . 22 Ngê ka zula da ose, ka zula pô tlônu Dêsu ku ngê ku sa nê ta sonou. 23 24 23 Ai di nansê, inen skliba ku falizeu, finjidu! A ka da dizimu di otelan di endlo ku kumunhu, maji a desa kwa maxi plixizu di Alê Justisa, mixikoji ku afé. Maji a toka fe inen kwa sé sê desa ôtlô. 24 Inen gya segu, ku kwa muxikitu, maji nguli kamêlu. 26 25 Ai de nansê, inen skliba ku falizeu finjidu! A ka limpa lwa di kopu ku platu, Maji ngletu sa xa di violensia ku ngana. 26 Falizeu segu limpa nglôtu kopu ku platu plumê pa lwa tembete fika limpu. 27 28 27 Ai di nansê skliba ku falizêu fingidu! Nansê sa mo zazigu kayadu ku lwa sa glavi maji nglêntu sa xa suzu ku oso motxi. 28 Di modu se me nansê ka kô justu ni wê ome, maji nglêntu sa xa di fimentu ku mali. 29 30 31 29 Ai di nansê skliba ku falizeu finjidu! A ka fe zazigu gleva da inenlu flofeta zaó pinta tumba dinen justu ben lumadu. 30 Zaó ka fla: xi non ka ta vivu ni dja di inen pe non, non na ka toma patxi di sangi dinen plofeta fa. 31 Andê jime nansê sa sestemunhu kontla nansê me di sa mina dinen se ku mata inen plofeta. 32 33 32 Nansê kompleta mindjida enen pe nansê . 33 Koblo, lasa koblo, kuma a skapa kondenason di nfenu. 34 35 36 34 Anta ó pya, ami manda inen plofeta da nansê sebêdô inen skliba. uwa dosu a mata bila kla sifika, ôtlô a dá sôtxi ni xinagoga nansê bila plixigi ni poson ba poson, 35 Tudu sangi justu blokadu pê tala ka bi kyê liba nansê, djina sangi abelu, justu, antê Zakaria, mosu Barakias ku a mata zuntu santuario ku atali. 36 Vedemé nga fla nansê: Tudu inen kwa se ska bi liba zelason se." 37 38 39 37 Jeluzasém, Jeluzalém, ku matainen plofeta bila zuga ku budu inen xi ku a manda da bô! Kantu vê ami ta mêsê zunta inen mina bô, mo nganha ka junta pinta dê ni basu aza, maji bô na mêsê fa! 38 Pya ké nansê ka sa mo kample azetô. 39 Nga fada nansê, myolé a na ka bem fa antê a ka bi fla: Benditu ise ku ska bi ni nomi Sum.