1 2 1 Sxêxi dja vala, Jizu bê ku Pedu, Tiagu ku manu dê Zon, ba uwa ôkê ku inen patadu. 2 Jizu tlanfoma ni wê dinen, kala Dê bila ka luji mo solo, lôpa dê tava ka luji mo kandja. 3 4 3 So ku Muze ku Elias plasê ka fla kwê. 4 Anton Pedu fla Jizu:" Sumu, ê sa bwa non tá nai. Xi a mêsê nga fe tlêxi tenda: Uwa da Sun, uwa da Muze, uwa da Elias." 5 6 7 8 5 Ê ska fla antaó ola uwa nuve kubli inen, uwa vozu ku bi di nuve fla: Ise sa Mosu Mu amadu, Ngê nga gôgo kuê Ê ka fla." 6 Ola inen dixipulu tendê kwa se, inen kyê ku kale ni son zaó xa di mendu. 7 Anton Jizu bi tê inen fla: lanta na tê mendu fa". 8 Ola inen kôlê wê a na bê niwa ngê fa Jizu tã. 9 10 9 Ola inen tava ka dêse di ôkê, Jizu lêkle inen, fla: Na konta vizon da niwa ngê fa Antê Mina Ome ka lesusita ni ômê motxi". 10 Inen dixipulu Dê punte, fla: Kwa manda inen eskliba ka fla kuma Elias toka bi plumê? 11 12 13 11 Jizu kuji fla: Dê setu Elias kabi koseta tudu kwa. 12 Ande jime dga fada nansê: Elias biza, maji inen na sêbê fa, en vêji dese, inen fe kwa ku inen mêsê kwê. Di modu se me, Mina Ome ka ba soflê ni mon dine! 13 Anton inen dixipulu têndê kuma Ê tava ka fla de Zon, Batista. 14 15 16 14 Ola Jizu xiga zuntu pôvô, uwa ome bi da dize da Jizu fade: 15 " Sumu ê, te pena mosu mu, ê ka soflê muntu ka taki. Yô vê ê ka kyê fôgô, ôtlô vê ni awa. 16 Ami bi kwê da inen dixipulu Sun, maji inen Na pô ji kule fa." 17 18 17 Jizu kuji fla:" Kê má gelason disklentxi, antê kê dja nga ta ku nansê ? Antê kê dja nga gwenta nansê? Bi ka anzu da mu" 18 Jezu lêplêndê demono ê xi ni mosu, ê fô kulado ni ola se me. 19 20 21 19 Anton, inen dixipulu ba lê lê Jizu patadu fla: Punda kwa manda non na pô txile fa? 20 Jizu fadine: Plovya pikina afe nansê, vede me nga fada nansê: Xi a tê afe mo pikina ukwe de mostarda, a pô fla ôkê se: Xê nai ba la, Ê ka be. Nada na ka impusive fa. 21 Maji inen kosta demono se na ka xê, xi ô na sa plo lason ku Jizu fa. ( Inen kopya maxi gwado tempo na tê vexikulu). 23 22 Ola inen tava ni Galilêa antó, Jizu fla inen dixipulu dê: A ska bi tanda Mina Ome ni moon dine ome. 23 Inen ka bi mate maji, ni tlêxi dja Ê ka lesusita." Inen dixipulu fika tlisti uwa data. 25 24 Ola inen xiga karfanaum inen kobladô inpostu di dôsu dlakima pozê Pedu, punta: Mese bô na ka paga imposto a? 25 Ê kuji: Yôxi, ê ka page". Maji ola Pedu lentla ké, Jizu antisipa fadê: Kwa bô ka fla? Kêngê inen alê di tela ka kobla taxa ô tlibutu? Di anzu dinen ô stlanjelu? 26 27 26 Pedu fla: Di stlangêlu" Jizu fadé: Anton inen mina dê sa livlidi paga. 27 Maji pa bô na xintxi mali fa, ba omali, lansa azolo plumê pixi ku ba ka pega, tê bilyê boka. Bô ka bê uwa mweda di plata nai. Tome paga koblado impostu da amin ku bô."