^{1 2} Jezu lentla ni Jericó zo atlavesa posón. 2 Nalá tinha uã homen ku ka xama Zaqueu, ku sá xefe di kobladó di impostu ku sa liku. ^{3 4} ê ta ka tenta pya kênguê sá Jizu, maji ê na ta consegui pia ni liba di yô gengê, punda ê na sá longo fá. 4 Antó, Zaqueu kolé ni ê di povo ê subi nyã alvuri pé pó pya Jizu, pundo Jizu tava quase vala di luguê sé. ^{5 6 7} Ola Jizu xiga ni luguê sé, pia liba zó flá iné: "Zaqueu, desê plesa bunda ozé un mesé fika ni kê bó". 6 Entó, ê desé ku plesa zó lesebé Jizu ku yó di alegria. 7 Ola ngê pia kua sé, fika adimiradu, zó fla: " Ê bá visita uã homem pekadó". ^{8 9 10} Zaqueu lanta zó fla da Sun: " Sumu, metagi di tudo likeza mu un ga ba da pobli zó xi un gana quaquali ngê ni quaqualiqua, un ga ba devolver quatlu veze maxi". 9 Jizu fadê: " Ozé tlavason xiga ni kê sé, punda ele tambeté sá mina di Ablon. 10 Punda mina desu bi pé pó buca ku tlava ngê ku sa pledidu. ^{11 12} Iné tava ka tendê wua sé, Jizu na munja di fla fá. zó fla uã parábola, punda tava ka ploxima di Jerusalém punda yô gengê tava ka konta kuma leno di Dêsu ka plasé lapidu. 12 Ê flá: " Uã cetu homen nobre bé ni uma telá distanti pé pó toma pose di uã lenu zó bi dê. ^{13 14 15} Ê sama dexi di seluvu Dê, zó dê dexi mina mina zó flá: ´Fé negoxô anté olá kungabi´. 14 Maji iné palenti Dê fika ku odgi Dê zó manda uã delagason ni tlaxi dê: ´Nó na mesê ku omen sé ka lena ni liba nón fá.´15 Anton ê fó coroadu kuma Alê, ê vota zó ordéna ku ka sama iné seluvu ku Ê dê ine gelu, pé pó sébé quantu ku iné ganha ni negóxi ku iné fé. ^{16 17} Plimê bi ni wê dê zó fla: ´Sumu, mina Bô lendê maxi dexi mina´, 17 Ê kuji:´Bua só, seluvu buadu. Punda bó fó fieli ni poko, bó télá autóridaji ni liba di dêxi poson´. ^{18 19} Segundo bi zó flá: ´Sumu, mina Sun lendê xinku poson´. 19 Zó nobre fa dê: ´Bó ka bi té autoridaji ni liba di xinko Poson´. ^{20 21} Zó bi otló flá: Sumu, toma mina Sun ku guada segulu niã lenso, punda un tava ku mendu di Sun punda sun sá omen justo. Tu ka tila kua bó na guadafá,, na koiê fáné planta. ^{22 23} Zó nobre fadê: ´plovia di di palavla bó un ga julga bó, seluvu mau. bó sébé kuma un sá uã homen justu, ku ka tila kuã ku un na guada fá ka koiê kuã ku na ximia fá. 23 Ka manda bó ná pé gélu mu ni banku fá? Axén, ola un ga bi, ugá lecebé ku julu. ^{24 25} Zó flá nguê ku tava nala: ´Tila dê mina zó da ngê ku té dexi mina´. 25 Iné flá: ´Sumu, ê tê dexi mina zá´. ^{26 27} Ami gá flá nansê:´gê ku té, maxi ka bi sá dadu maxi, maxi isé ku na tefá, anté isé ku ê té ka bi sá tiladu. 27 Iné inimigo mú, ku na tava mesé ku léná ni liba diné fá, bi ku iné nai zó cotá ine kabesa ni wê mu. ²⁸ Ola Ê fla tudu kua sé, Ê segui viagem ni wê dinén, subli ba Jerusalém. ^{29 30 31} Olá Ê xiga petu di Betfagé ku Betânia uã kuã dá, petu di uã monti ku sá xamadu di Oliveiras, Ê manda dosu di discipulu dê, 30 Zó flá: " Bé ni povoadu maxi petu. olá bó ka lentla, bó ka bê uã jumentu maladu ku niwã nguê antaó naxi monta ni liba dê fá. Dezamalé bi kuê damu. 31 Xi quaquali nguê punta: ´punda kuwã manda bó desamalé?´Flá: ´Sumu plesiza dê". ^{32 33 34 35 36} Isê ku fó mandadu bé jumentu piquina mo Sumu tava ka flá. 33 ê tava ka dezamalé, dono flé: " ka manda bó ska dezamalá jumentu?" Sumu plesiza dê." 35 Iné bi kuê da Jizu, pé lopas ku otló kua ni liba dê zó pé Jizu ni liba dê . 36 Tava ka andá pikina pikina, iné nguê tava pé ni són mantu, fia. ^{37 38} Ola inén tava ploximu ni dexida di Monte di Oliveiras, Tudu ngê ku disipulu tava ka gógó ka kanta da Desu ni voze altu punda qua ku ê fé, 38 fla: " Bendito sá Lé ku ka bi ni nomi di Sun. Paji ni osé ku glóia ni alturas!" ^{39 40} Uã dosu fariseus ni omé di tudu ngên fla da Ele: " Mesé, lependé iné disipulu bó". 40 Jizu kuji, zó flá:" Un gá flá nansé, se iné ka boka, budu ka bi fla!" ^{41 42} Olá Jizu ploxima di poson, pia Ê solá, zó flá: 42 " Xe ozé nansé ka konsé kwa ku da nansê paji! Maji miolé iné quasé sa oculto ni wê di nansê. ^{43 44} Punda ni liba bó ka bi djá ku inimigo bó ka bi kostrui trincheiras ni vota di bó, zó serka bó, zó plendé bó ni tudo luguê.44 Zó ka bé ku bó, da mina bó dentlu di bó. Na ka dessa niwã budu ni liba di budu punda bó na plesebé tempu ku bó fó visitadu". ^{45 46} Jizu lentla ni templu, komça ka kolé tudu ngê ku tava nala ka bendê kuã, 46 Zó flá iné:" Sa sklitu: ´Kê Mu ka bi sama ké di lason´, maji nansê fé dê uwã covil di ladlon". ^{47 48} Jesus tava ka xina tudu ja ni templu. Maji iné xefi di sacerdotes, ku iné escribas ku iné líderes di povo tava ka gola maté. 48 Na Bele fá, maji, uwã modo di maté, pundo tudu nguê tava ka tendê kua ku Ele tava ka fla buadu.