¹ Ni óla sé uã data ngê inén tava zuntadu nai, ka da ni liba dôtlô. komesa ka flá, inen dixipulu dê plumê:" kuidadu ku flómentu dinen falizeu, ku sa finjidu. ^{2 3} Maji nada xi na sé ta padu ku na ka bi sa betu fá i nada xi kôndidu ku na ka bi sa kônxidu fá. 3 Atón kwa ku nansê tava flá ni ólha ni klêntu ké ka bi flé ni liba ké. ^{4 5} Maji uã ga flá nansê, inen migu mu, na tê mendu inén sé ku ka mata klôpô maji zó inén na ka pô fé nada xi fá. 5 Maji uã flá nansê kengê nansê toka tê méndu. Mendu ixi ku, ola ê ka mata ê bila tê pôdê di lansa pê n fénu. yxi, Isé sé nansê toka tê mendu. ^{6 7} Na ka bêndê dôsu padê kampu plô xintósón fá? Axén mé Dêsu na ka kêsê di nyão dinen fá. 7 Antê kabelu mé di kabesa nansê sa kontadu. Na mendu fá. Mansê ka valê maxi dokê padê kampu. ^{8 9 10} U ga fla nansê ku tudu ixi ku ka konfesa ami ni wê dinén omé. mina domé témbété ka bi konfesa ni wê dinen anzu di Dêsu, 9 maji ixi ku ka néga ami ni wê dinen omé, ka bi sa negadu ni wê dinen anzu di Dêsu. 10 Isé ku ka fla uã palavla kontla mina dómé, isé ka bi sá podadu, maji ixi ku ka flá mali kontla Suplitu Santu, isé ê na ka bi tê pedon fá. ^{11 12} Ola a ka bé ku nansê wê dinén mesé ku govenadô na fugu kwa a ka fla fa dêfêndê ô kwa a ka kuji fá. 12 Punda Suplitu Santu ka bi xina nansê ni óla sé kwa ku nansê toka flá. ^{13 14 15} Anton ningê di povo fadé:" Mesé, fada manu mu pê patxi likêza ku ami." 14 Jizu kujiê: Omé, kêngê fému juxi ô mediadô di nansê? 15 Só só só ê fada pôvô: ton kuidadu ku tudu ganansia ku ka yê nansê punda vida di nungê na ka dêpêndê di bén ku ê tê fá. ^{16 17 18 19} Antón Jizu konta inén uã vésu: kampu de uã omé liku da montxi muntu 17 Anton ê pensa: Ami na tê kamya di lôklê tudu kôlheita mu fá. kokwa uga bi fé? 18 Ê flá: Isé kwa uga bi fé uã ga bi blaga alimanzé mu u ga bi fé ôtlô maxi glanji pan pô lôklê tudu inén ukué ku ôtlô bén. 19 U ga bi flá alima mu:" Alima, yô ben bôtê gwadadu pla yô dánu kánsa soségadu, kumé, bêbê légelá bô. ^{20 21} Maji Dêsu fadé: Dôdô! Noitxi sé a bi piji alima bô kwa ku bô tê plivinidu kêngê ka bi fika ku tudu kwa sé? 21 axén sa ngê ku ka lôklê da êlê mé ê na sa liku ku Dêsu fá. ^{22 23} Jizu flá inén dixipulu dê:" plutantu U ga flá nansê nansê nansê ka bi bixi. 23 Punda vida sá maxi dokê kumé i klôpô sa maxi do kê bixi. ^{24 25 26} Pia korvu Inén na ka ximya nê inén na ka koyê fá. Inén na tê dispensa nê selêru fá, maji Dêsu ka da inén kumé. Kantu maxi nansê. 25 Kali nansê ku, plô sa kióla, ka pô klesenta uã kôvadu vida dê? 26 Antón xi nansê na sa kapaji di fé nê kwa txokó fa, ka manda nansê ka vugu ku ôtlô? ^{27 28} Pia liriu mó inén ka klêsê. Inén na ka tlaba nê fia. Andejimé u ga fla nansê ku nê Salumon mé ni tudu gloya dê, ê bixi mé di uã dinén 28 X i axén Dêsu ka bixi aliba di kampu ku ozé sén amanhã sa zugadu ni fonó, Ê ka bi bixi nansê maxi, inén omé di pokô afé. ^{29 30} Na buka kwa kumé ô kwa bêbê fá, na ta kiola kiola fá. 30 Punda tudu, nasón di mundu, inen ka buka inén kwa sé pé pô sêbê ku nansê ska plixiza di kwa sé. ^{31 32} Maji buka Lênu dê inén kwa sé ka bi sa klesentadu 32 Na tê méndu fá, lebanhu txoké, maji ê sa vonté di pé dá nansê lênu. ^{33 34} Bendê ben nabsê dá inén póbli. Fé saka da nansê ku na ka bila vé fá, likêza ku na ka kabafa ninen ósé, anji inen ladrón na ka xiga nê fêluza na ka kaba kuê fá. 34 Punda anji likêza nansê ka sa, nê témbété klósón nansê ka bi sa nê. ^{35 36} Désa lôpa nansê plésu ku xintu plontu pa stlivi desa inen kanja ka lêdê. 36 Sa me inen ngê ku ska guada mésé dê di bi fô Lésa di kazamentu, da óla ku ê ka xiga batê, inen ka bili potó mê da ola. ^{37 38} Ben sa selivi sé ku a bê inen ka gwada óla sun ka bi. Vêdê vêdê mé uã ga flá nansê ku ê ka bi mala inen lôpa dê lôngô ni xintu, ê ka fé inen tasón kumé , ê ka bi stlivi inen. 38 Xi Sun fora dóla ô mua nôtxi ê ka bê inen plantu, antón inen selivi sé ka bi sa bén. ^{39 40} Lémbla témbeté xi Sun di ké ka sêbê óla ku ladlón ska bi, ê na ka désa kebla ké dê fá. 40 Nansê témbété ka sá plivinidu, punda nansê na sêbê óla ku mina domé ska bi fá". ^{41 42 43 44} Pédu flá:" Sumuê, sa ska konta vésu sé dá nón tanga ê natan ô témbété da inén tudaxi? 42 Sumu flá:" Kê admistradô fieli sabiu ku sun dê desé toma lê konta dinen kliadu di dá kumé ni óla setu? 43 Selivi sé sa ben ku Sun dê ka bêlê ka fé isé óla ku ê ka bi, 44 Vêdê vêdê mé uã ga flá nansê ku ê ka bi desé toma konta di tudu bendê. ^{45 46} Magi xi selivi sé fla ni klósón dê: Sun mu ka tada di bi xi ê komesa ka batê ninen selivi ka kume, ka bêbê, ka bébéda, 46 Sun di selivi sé ska bi ni uã dja ku ê na ka gwada fá, ni uã óla ku ê na sêbê fá, ê ka bi kastigé ka pê ni uã lukê ku inen ku na ka kêlê fá. ^{47 48} Selivi sé ku ta sêbê di vonté di Sun dê ê na plivini ô fé kwa vontê dê fá, ê ka bi sa kastigadu ku yô pankada. 48 Maji ixi ku na tava sêbê fá maji fé kwa ku toka kastigu, ka bi sa kastigadu ku pôkô pankada ixi ku a da montxi a ka bi pijiê uã data ixi ku a da montxi, muntu maxi a ka bi pijiê. ^{49 50} U bi lansa fôgô ni tela mó uã mêsê ku ê ka sa lêdidu sá. 50 Maji u tê uã butismo kun ga bi sa butxizadu nê mó u sa ngustiadu antê ê ka bi kumpli. ^{51 52 53} Nansê kunda kun bi ku paji ni téla? U ga flá inon, u bi ku divizón. 52 Di miolé ba wê xinku kabi sa ni uã ké divididu, tlexi ngê kontla dôsu i dôsu kóntla tlêxi. 53 Inén ka bi sa divididu, fé kóntla mosu , mosu kóntla pé, mén kóntla mina, mina kóntla mén, stlóga kontla nóra nóra kontla stoglá. ^{54 55 56} Jizu témbété tava ka flá, óla nansê ka bê uã nuven ka bi di oesti, mêdaóla nansê ka flá: Ê ka bi sêbê, ê ka bi sêbê, ê ka sêbê. 55 Ola ventu di sul ka sopla, nansê ka fla: ka bi akontese uã kalalo mo di brasa, zo ka akontese. 56 Finjidu, nanse sebê sepala sinali di tela ku ose, kuma nanse na sebe sepala kwa ku eskada ni tempu di hozé? ^{57 58 59} Kua manda nansê na ka julga kua ku sa justu da nansê mê? 58 Ola bó ka bé ku adversário bó ni wê di magistradu, esforsa pa bó pó resolver demanda ku ele ni kamiã, páê na pó ê ku bofa da juiz, zó juiz ka manda bó da guada de kaja zo guada di kaja ka pé bó ni kaja. 59 Un ga fla bó di niã modu bó ka bi shé dala antiji bó na paga tudu gelu.