¹ Zuda, seluvi di klistu Jizu manu tiagu, ine ku a sama, amadu ni Desu, pe sósó liklidu plô klistu Jizu. ² Mixikoji, paji ku amôle ka klece ni ome nanse. ³ Ine manu ola u tava ka vugu di xkleve kwa dji-xtlavason ku non te, û bê kuma ê sa maxi bwadu Zuda nanse luta plovia da fé, ku û vê a da santu. ⁴ Punda ê te ome ku findji lentla ni ome nance ku mintxila Ine ome sê kondenason dine sa xklevido txiolaza; ine ome suzu ku dona glasa Desu ni kwa ku nateka fa bila zeta sumu Jizu uniku mese non. ⁵ Miole uga lembla nance, dji kwa xi ku nance sebe za. Sun xtlava ûa pôvo txiladu ni tela di Egitu, maji ixi ku nakele fá sun mata. ⁶ Ine anzu té ku na mundja ni luge di podê d'ine fá, magi lega kamia ku inen tava ne, Desu pe ine plezu û a pé ni basu kulu xka gwada julgamentu di dja glandji ⁷ Ni moda seme, sodôma e gomôra ku ine poson se maxi petu d'ine, ku lentla, prostituison lêlê uwa vonte ku sa kontla natuleza, ine sufli punison de fôgo eterno; pla xivli modu exemplu. ⁸ Moda seme, ine omese dana ubuê dine ni sonu dine zeta autoridade bila pla mali kontla anzu doce. ^{9 10 11} Nê dkanju migeli, olâ ê tava ni demanda ku djabu plovia ubuê di muze, ê na bili boka vôlô ô kondena djabu fa, ê pasa fla; Desu ka leplende bô. Maji ine ome se ka vôdô kwa ku na sêbê fa. Mo bisu ku na ka pensa fa kwa ine ka bê mo demanda sa ixi ku ska dana ina. Jwadi ne ku skanda ni stlada cain, plôvia fontadu djêlu ine skanda ni nada balaon, ine pledê olhio lizu de Core. ¹² Ni fesa nansê di amolê a ka kô. ¹³ Basa sê vlegonha d'omali ugladji xa di fusa, mo stlela vugunu vangana, da ine sa gwadadu uwa kulu ndin ku na tê kaba fá. ¹⁴ Da ine omese, enoke ku sa sete ne jelason di adon, plovê fla; pia ô, Sun skabi dexe mili santu Sun. ¹⁵ Dé fe zugamentu ni liba di tudu ngê, pla musa tudu pekadô tudu tlade di pekadu d'ine, ku ine pe sê plôcedê. Ku tudu mali ku ine fla kontla Desu. ¹⁶ Ine ome se ka jumga pasa, ka fla pala dotlô, sendo pê liba vonte pecadu, se vlegonha, bê todô, ka ba liba ngê ku tlapasa pla ine nganha kwa. ¹⁷ Maji nansê ine manu, lembla palavla ku apostulu di sun clistu Jizu ta fada nansê. ¹⁸ Ine fla; Ni fim di mundu ka bi placê ngê sê plôcedê ku ka bi fe kwa kloson mande. ¹⁹ Ine ome se kabi pê demanda; ine ka jôgô ku kwa de mundu se suplitu santu. ²⁰ Maji nansê ine manu, zuda otlô klecê ni santu ape bila fla lason suplitu santu. ²¹ Loklê ni amolê Dêsu, bila guada mixikoji di klistu Jizu sun non pala semple ni vida. ²² Ine nge ku tê duvida tê pena d'ine. ²³ Ôtlô stlove txiline ni fôgo i da ku ôtlô tê mixikoji, maki toma kuidadu zeta antê modu d'ine. ²⁴ Antom, Ise ku ka pôje tê nansê londji di kiê, bila pê nansê tlaxi gloria dê sê kwakwali defitu, ku iê di gostô. ²⁵ Uniku Desu salvadô no plovia klistu Jizu sun no, a da gloria, magestadi, dominiu, podê ni nostempu, miyole pala semple. Amem.