¹ Daién nánsê ká bi bilá imítadô di Dêçu, mó di miná dê di Klósón. ² Antawó ni amôlê, mó Klistu amá nón kú êlê mé tándá plá nón, mó duã flêsê kú kanástlá kú se bwádu dá Dêçú. ³ Ê ná ká pô sén ni ômê nansê nê pôjá ménsón di sêxu sê lispêu ô kwá kwáli kwá súzu ô wê xá, mó ê sá plópi dá Sántu. ⁴ Á na toká flá klonvesón pódle fá, klóvesón dâdô fá ô dá kébla kú ná toká fá, kú ná sá plópi fá, ni vêji di kwásé asón di glása tóká sén. ⁵ Axén ê sá sétu kú niuã, ngê kú sêxu sê lispêtu, kwá súzu wê xá, kú sá indôli, ná tê kwá kwali léda ni lênu di Clistu kú Dê cú fá. ⁶ Ná Désa niuã nguê ngáná nánsê kú fála vón vón fá. Plôvia di inén kwásé, léva di di Dêçú ká bi xiê ni mina kú ná ká vléga fá. ⁷ Só só só ná tóma pátxi kú inén fá ⁸ Só só só móla sálá nansê fô do kúlu, máji miólé nánsê sá kánja ni sumú. Anion ndá mó di miná di kanjá. ⁹ (Púnda flutu di kanjá ká tá ni túdu bondáji, justisá ku vêdê). ¹⁰ "Góló sêbê túdu óla kwá kú sá buádu dá súm. ¹¹ Na tê niuã patxi kú óbla kú ká da flútu di stléva fá, máji léplóvé. ¹² Pundá kwá fédu plêlê ni stléguédu sá vlégonha múntu antê ê ká bisá bétu. ¹³ Túdu kwá ólá ê sá pêdu plô kánjá ê bi sá bétu. ¹⁴ Pundá túdu kwá kú ká sá bétu sá kánjá. Êlê mánda kú a ká flá: "kódá, bô kúská dúmini, lántá ni ômê di motxi, Clistu ká lúji ni bô" ¹⁵ Só só só tómá tómá ténsón ni módu di ndá ná mó di ínen vón-vón fá, máji mó sêbêdô. ¹⁶ Plivini témpu, púndá d'já sá bwádu fá. ¹⁷ Ná sá dôdô fá, máji gôlô sêbê kwá kúsá vónté sumú. ¹⁸ Pá nansê na bébéda kú vin fá, pundá ê ká dukúnú nánsê. Ninvêji di kwásé, sá xá di xplitu sántu. ¹⁹ Plá uã ku ôtlô kú sálúmu, kú hinu kú vúngu xplitual; ká kontá ká lóvá kú túdu klósón nansê dá sûmú. ²⁰ Dá glása sémplé ni túdu kwá dá Dêçu pé nón ni nómi súm nón Clistu Jisú; ²¹ Nánsê ká sújêtá hómé nánsê mó ni sumú. ²² Mualá, sújêtá hómé nánsê mó ni sumú. ²³ Pundá hómé sá káglêsá di muálá mó témbété Clistu sá kabêsa di glêsá, Êlê só sá stlávadô di klôpô. ²⁴ Máji, axén mó glêsá sá sújêtu ni Clistu ántón inén mualá témbété tóká sá sújêtu dá hómé dinén ni túdu kwá. ²⁵ Hómé, amá muálá nánsê mó Clistu ámá glêsá kú êlê mé tánda pla êlê. ²⁶ Ê fê pê pôji bilé sánta, ê pulifiké plômê di lábá dáwá plô pálávlá. ²⁷ Di módu pê, pô pleséntá Plêlê mé uã glêsa glôliôsu, sê méká né tóná nê kwá kú ká kó fá, máji sánta i sê léplensón. ²⁸ Di módu sé mé, inén hómé tóká amá muálá mó klôpô dê mé. Ninguê xi kú ká ámá múalá ká ámá êlê mé. ²⁹ Punda niuã ngê ná ká kôntle ubuê dê mé fá. Ni vêji disé, dé kúmé sêbê dê mó Clistu Témbété ká sêbê di glêsa. ³⁰ Púndá nón sá ménblú di Klópô Dê. ³¹ "Plô básu di lázón sê, hómé ká bí désá pé dê kú mén dê bá zuntá kú muálá dê, kú inén dôsú ká bí bilá uã káni tã." ³² Isé sá uã mistéli glánji, máji us ká flá ni Clistu kú glêsá. ³³ Só só só kádá uã nánsê témbété tóká ámá múalá dê plôpi mó êlê mé, kú múalá tóká lispêtá hómé dê.