¹ Punda kua sé iném mano, ora da non pá palavla di Sumu pô xiga ni tudo luguê pê pô sê glorificadu, axi cuma ê sá no omé di nansê, ² pá non pô sá livli di iném nguê maluvadu, punda ná sá tudu ungê ku ka tê afé. ³ Maxi Sumu non é sá fieli, êle só ku kada nansê foça ê ka livla guada nansê di numigu. ⁴ Non tê cunfiansa ni Sumu ni kua ku ka toca nansê, ni kua ku nansê fê i ni kua ku nansê ixka fé i ni kua ku non fadá nansê pá nansê fé. ⁵ Sumu ká pô guia kloson nansê ni amolê Dê, pá nansê pô tá ni perseveransa di Klixtu. ⁶ Punda kua sê inem mano, non ixka ordena ni nomi di Jizu Klixtu, pá nansê sepala di inem mano ku ka vivê pliguisosu, ku na kanda ni tladison ku nansê lesebê di non. ⁷ Punda nansê tá sebidu ku nansê tê ku vivie mon nôn. Non ná vivê no omê di nansê ku pliguisa fá, ⁸ ê na tê niuâ ja ku non Kumé, kumé unguê sê paga. Maxi non tlabá notxi ku djá ku tudu fosa non, pá non ná fika pesadu da nansê fá. ⁹ Na sá punda non na tê autoridadi fó, maxi non fê kua sê pá non pô stlivi di ezemplu da nansê, punda axém nansê ka imitá non. ¹⁰ Olá non tava ku nansê, non flá kua sê: "Xi ê tê uwã kê ku na mesê tlaba fá, é na ká kumê tembété fa". ¹¹ Punda non tendê ku ê tê ungê no omê nansê ku na mesê tlaba fá; maxi inem unguê sê sá intrometidu. ¹² Anton non ixka ordena nansê ni nome Sumu Jizu Klixtu, pá iném inguê sê bá tlaba pa inem pô kumé, kumé di tlaba di iném. ¹³ Anton nansê, mano, ná fika kansadu di fê bem fá. ¹⁴ Xi unguê na obedesê palavla ku non ixka flá ni kata sê, nansê ká pê di patxi, pê oô xintxi vlegonha. ¹⁵ Maxi ná piê kuma numigu nansê fô. Maxi dê konsê kuma manu ku nance tê. ¹⁶ Sumu non ku sá Desú de paji ka dá nansê paji tudu já, di iô manela. Sumu ka sá ku nansê. ¹⁷ Saudason mum sá kua sé, Ami Paulu ká isklevê ku mom mu mê, ê sá xinali ni tudu kata mu. Ê sá axi kun iska isklevê. ¹⁸ kê glasa Sumu Jizu klixtu ka tá ni tudu nansê.