¹ Libano iijòtobònareny biraybenyke kia heòty-di aòwòrureny arihukre. ² Mahinybenykre alòbròboho kia dori òwòru ibutu-my rejuxuna kua òrarude wihikȳibutu-my rexihura mahinybenyke Basȳhõrõ ijoi kia dori bedeyxe tyhykȳkia reàrora. ³ Deuxu rybedu mahãdu rawesiruranyrenyre tule rahinyrenyre kia bedero wihikȳrexihure ribi halòehekỹ tahe raõhitxinyreri Jordaõ bedeyxe bero dori rihurenyre-ki. ⁴ — Deuxu, Wadeuxu wadee rarybere: — Deuxu rybedu-my matxike kia budoeni bimyke tiiboho doi rururenykre. ⁵ Kia budoeni ridymyhȳre tahe aõhe rutȳȳnyke ihoõre tiubo rururenykeu tahe budoeni dedi ijobo rȳike-my rarybereri. Aõherewe Wadeuxu! Inyboho ratyhynyrenyra. Tii tyhyle kia budoeni-di itxeredu tyhyle ijõdire ruxetòena tamy. ⁶ Tule jiarȳijoõre ruxetòena Israeli mahãdu-ò jiarȳariwahinykre ibutumy kia awdureny-ò tule ahãwãreny Iòlò. Kaa heka riwykre abede-ò, jiarȳtahe maõ aditaõkre irurureny ribi jiarȳDeuxu tuu rarybereri. ⁷ Tai tahe, jiarȳtuu ralore budoeni dydumy tule idi ijohodu-my kia ariywinymyhȳke-my kia irubuna koki. Inatxi tahe remyre bordaõ ijõ reninire “Awihikȳmy” ijotahe kia-my reninire “Butuhukȳmy” tahe ranyre budoeni-di itxeredu tyhymy. ⁸ Sohoji ahãdudile tahe inataõ txu-dile budoeni-di itxedu rehure, waki tahe aõ ariywinykre ijoõre ibinahãkȳmy wadee roire. ⁹ Tahe jiarȳrarybere tamyreny. — Jiarȳhe adireny itxeredu-my aõkõ watxikre burubenykre kia bituebenykre! Awi-my bituebenykre ibutu-my bexihubenykre. ¹⁰ Iribi tahe remyre kia heka inire Bastaõ awihikȳreàròre aõhebo kia Deuxu reàròre bedeyryna wese tahe tule kia riwinyre aliȳsa ibutu dee. ¹¹ Tai tahe aliȳsa kiau tyhyle releõhyyre taihe budoenini-di aõmysȳdȳȳdu tyhy wadile retehe-my rȳimyhȳ, rieryrenyre timybo Deuxu rarybereri iyrenyribile kia rewinywãhãremy. ¹² Tahe tamy rarybere: — Tiiboho awi-my ratxirenyreri wana iny, riwaõwynyre waaõsȳdȳȳòwy da aõkõre aõbo riwaòwynyõkre aõbo. ¹³ Deuxu wadee rarybere: Biyrubunyke kia iubeweri Deuxu dohodȳȳna heto-ò remyre iubeweri-òwydȳȳna awityhyre tiiboho tai awimy raharenyre kia wamy reàlàrenyre tahe Deuxu dohodȳȳna heto-ò reyrubunyre. ¹⁴ Iribi rebòhònyre iinatxina bastaõ, iny heka “uniaõ” rare kia bedeeryna rexihu-my aõkõ roire wese heka releõhyyre ibutuhukȳseriòre mahãdu tai rȳire kia Juda tule Israeli mahãdu. ¹⁵ Ixyby tyhyle, Deuxu rarybere wadee: — Wiji tahe ariwinykre deuxu rybedu tyyriti kia ijõ awiõre. ¹⁶ Ijõ (obs:arisnykre) sohoji budoeni-di itxeredu-my wabudoeni-di retekre-my tii tahe nohõtire-my aõkõ budoeni-di retehekre tiiboho iòhãrutyhy ratxirenyreri, riijeõkre ijõ riõkre wana tule riynyke tamy ihoõre ijõ rasakeki, tule ijõ titxibo ele risakeki riywinyke iohoõre iribirenyòty, tii tahe heka idereny rirokre tibo idenihikȳtyhy tii timy ririõtyhy hyna wese. ¹⁷ Budoeni-di itxedu binahãkȳtotxi ririõhykymyhȳre ixina-my ririmyhȳre! Iaxiò aõbo ibina-my da irue aõbo rutȳȳnyra irue-ki aõbo (obs:rawotmora) maydese webese-di aõbo (obs:rawotmora)! Tebo raratyõhykyreri tule irue ratàra.