¹ Iny hududu Ninive hãwa tamy aõbinamy reakre. Bisỹnybenyke iny mahãdu atenatirenyti-di itxeredumy. Sodadu mahãdu-ò byrybenyke kiata ijesemy rexiywinyrenykre. ² Deuxu Tyhyhykỹ ixyby kidiòkesedỹỹnykre Israel iny mahãdu aõwiwihikỹ; kia ixyby iny mahãdu hãwa hãwa komy juhu ratxirenyre wese kia iòludu mahãdu ibutemy iaõnaõnareny riwymyhỹrenyre kiata ihãwahãkỹreny ririmyhỹrenyre iwese bedederade iruru sõmosõmo ihoõmy rỹimyhỹre wesemy. ³ Sodadu mahãdu iòludureny retyymyhỹrenyre wyhy itxena sòhòkỹreny-di, kia ityyreny tule isòlerenyre. Tii boho rexiywiywinyrenyre Ninive-ò aõbinamy rekoarenykremy. Iitytireny heòty heka rarỹsỹnymyhỹre heòty wesemy, kia awaru mahãdu tahe ywimy ratxiõhyymyhỹrenyre. ⁴ Wouna ityti heòty mahãdu iijarateremy raòrunymyhỹrenyre ryòreaòrea-di. Kia heka heòtyloo wesemy reamyhỹre, kiata biudelaa wesemy rekoamyhỹrenyre. ⁵ Sodadu mahãdu wedu òludu tarybe riwahinyre taõdadureny-ò; tii boho raòrunymyhỹrenyre hãwa adohou huariòhòkỹle kia rekoamyhỹrenyreu urile wii ritorutorunymyhỹrenyre. Tii boho adohou huari ridemyhỹrenyre tamy rexiwòrenykremy. ⁶ Biraynybenyke bero ijò ijò kia iaõmysỹdỹỹreny heto-ki aõnaõna binahakỹ ratximyhỹre. ⁷ Iỹnyxiwereny ritxoo heka riwyrenyra, kia ityhydỹỹdu mahãdureny tahe iherenymy robumy roirenyre; tii boho rawesiruràmyhỹreny bòtòehekỹ wesemy kiata tabretireny ritehenymyhỹre bede riryryrenymy. ⁸ Ninive iny mahãdu rexiwòrenyre iwese bee iwory-ribi rahenymyhỹre wesemy. “Bexitxuhunybenyke! Bexitxuhunybenyke!” Inyõ rirajuare, ka inyõ tahe ixiwòtelau rexitxyhunyõhyyre. ⁹ Mana rỹsỹ òtaòta bimybenyke! Mana rỹsỹhỹkỹ biwybenyke! Hãwa heka sõemy tỹximy roireri aõnaõna tyhyna-di, kia sõemy aõnaõna wiwihikỹ-di rỹirenyreri. ¹⁰ Ninive: rexihure, bederomyrelere, inyhomy aõkõ! Itelesoreny sõemy brebureny-di; Itiòhureny ramytàtàrenymy, iòsỹnyre rỹrenyrenymy; ibutumy irururenyhomy aõkõ rekoarenyre. ¹¹ Aõbo tahe hãwa rutỹỹnyre kia leaõ hãluu ijõwesemy roimyhỹre? Tai heka leão riòre boho rỹsỹna rirỹsỹnyhỹrenyre; leão boho tariòre boho-wana rexirarudewiwimy ratximyhỹrenyre, kia inyõ ribrebunyrenyõ hyymyhỹrenyre. ¹² Leão aõtxile iròdu rirubunymyhỹre kiata tahãwyy-wana tariòre boho-wana wimy, riwirareamyhỹre; ihãluu ijòreny tỹximy roimyhỹre iròdu iròdu rubu-di. ¹³ Deuxu Tyhyhykỹ, ibutumy taruruteredi, rarybere mỹỹ Ninive iny mahãdu-ò: — Diarỹ aòludurenymy watxireri. Arisõkre aitytireny heòty wouna, kia asodadureny wouna-ki rururenykre. Ariwykre ibutumy aõbo kai boho tewòtenyte iny witxirareny-ribi, kia tiu ixyby ahãwareny iòlò deòdu raõtyhy iwitxira hãwa hãwa bede bede-ò.