¹ Deuxu Ibutumy Tabedeery nihikỹ-di rarybere: — Kia txuu rehemynymy rareri ibutumy iny rexityhytyhynymyhỹrenyre mahãdu kia ibutumy iny bina mahãdureny roorenykre horeru wesemy heòty-ò. Kua txuu tii boho roorenykre kia tahe ibutumy rexihurenykre. ² Ka kai boho tahe walau taberumyhỹtenyte, wahedỹỹnana rarỹsỹnyhỹkỹkre txu wesemy, umytuedỹỹna tarahetoti-ki kidiwykre. Kai boho mawayrytòbenykre bedesamy uhuariki. ³ Kua txuu diarỹ reywinyreri, kai boho biriranybenykre iny binbina mahãdu tyrereny kia tii boho ry ỹnysi weselemy. ⁴ —Õhõtireny rea wadeòdu Moiseisi rybe wahidỹỹna, kia ibutumy warybe wahidỹỹna kia wadohodỹỹna kia diarỹ tamy rewahinyre Sinai hãwalò-ki ibutumy Israel iny mahãdu rityhynyrenykremy. ⁵ Ka, komy kua txu binahäkỹ kedehemynykre koki, diarỹ Deuxu Tyhyhykỹ, adeereny aditeònykre warybedỹỹdu Elia. ⁶ Tii riwinykre tyby mahãdu kia iriòre mahãdu widee rawoixirenykremy kia diarỹ arirarytxynyõkremy bede hãwa hãwa kia arihumy ibututyhymy.