¹ Deuxu tabedỹỹnana riixawidỹỹnyreki heka Jonasi sõemy iwoxi roburobure. ² Tii Deuxu-ò rarybere iòraru-ki: Kia heka tuhyy rahõtinyre tuu biwinykremy, waDeuxu, diarỹ wasu-ki raremyhỹu, kai wadee tarybete kotyhymy , ka-ò anakremy. Tai heka Társi hãwa-ò nanahenyde. Diarỹ heka araeryre Deuxu wihikỹ atximyhỹte, inymy teàlàmyhỹte, kia irehemy iny teraòmyhỹte, kia sõemy inymy terinanymy atximyhỹte. Diarỹ heka reeryre abededỹỹnana huduna, kia iny mahãdu tai irutaõmy rexiwitxiranymyhỹrenyre. ³ Aõkerỹbo Deuxu biwarubunyke. Diarỹ heka arurukemy watximyhỹre, warumy watximyhỹre-ribi, kiemy dori aõ wawidỹỹõna aõhe bede rutỹỹnykeki. ⁴ Tai tahe Deuxu Jonasi-ò rỹỹraxikre: Tai aõbo adee awimy mabekre kia wese-ki? ⁵ Jonasi cidade-ribi ròhònyre, kia tahe rirawyònyre kia Ninive txuòlònaweribi-ò runyre. Tai tii taixiwòtenamy heto ixidee riwinyre bederade iru-di, kia ta ihãremy ròraòmy ratximyhỹ aõhebo hãwa rutỹỹnykemy rariòmyhỹ. ⁶ Kia iheto iixiwòtena bederade iru bedetòtee rirubudỹỹnyreu, Deuxu alòbròna tamy wymy riumydỹỹnyre, kia alòbròna iru ubròrò-ki Jonasi tai ratxikremy. Kia tamy tuu riwinyre tai ibedesatyhymy ratxikremy. ⁷ Ka Deuxu tahe tamy ijare riteònylere! Biurasòtyhymy tahe ijare alòbròna raruti-ki rahylòirenyre, kia rarubumy rarehyy tahe rurure. ⁸ Tai ta txuu ratòteereu, Deuxu yhy tòtee nihikỹ riteònyre, kia heka bijiu-ribi nade; kia txu tòtee nihikỹ Jonasi rati rihetenyre, kia rõhõtibremy roimyhỹ, rurukremy rexitòenyre! Tii rarybere, “Rubu heka awityhyre kawese-ribi.” ⁹ Deuxu Jonasi-ò rỹỹraxire: Kai heka òbitimy awoxi roburobureri, alòbròna rururakile aõbo? Kohe, Jonasi rirawyònyre, “diarỹ òbitimy wawoxi roburobureri, kiemy dori arurukemy watximyhỹre!” ¹⁰ Taita Deuxu rarybere: “Kai heka ixi-di sohojile tawobrumyhỹte, aõherekibo tahe ahãwaludu mahãdu rexihurenyre, kia raaõmysỹdỹỹnyõhyyre aõ ixidee rimyrenykemy, tii tahe tiu alòbròna-ribi iòlòõna iòhòtyhylemy rarubumyhỹke! ¹¹ Aõherekibo tahe kai hãwa nihikỹ-di arawobruõkremy tarybete, Ninive hãwa wesena, 120000-my iny sõe bedeluru-ki rỹirenykremy, ibutumy tairòdureny-wana.