1 Anieru aõmysỹdỹỹnawiõtxi birarenyke, 1 kia tahe bedereherenymy 2 raumynymy rakre. 2 Anieru aõmysỹdỹỹna witxira witxiratxi birarenyke, kiemy dori kai tereryõmyhỹte 3 aõhebo biurasòmy butỹỹnykre. 3 Kia tiu biuwetyy sõemy rỹimyhỹre-wana, kia biu ròamyhỹre. Kia bederade aõtxile tibedetxi resemyhỹre, kia titxibo resemyhỹrekihyyle tahe roimyhỹre. 4 Mobo yhy iribi 4 ritakemy 5 riraòmyhỹre, bede awimy roikemy, kia tiu tai ròbròõtyhy kia tiu aõ iribi riheõtyhy kiehyyle. 5 Deuxu heka ibutumy aõnaõna riwinymyhỹre. Timybo 6 tahe kai bieryõkre, timybo tahe iny itỹmyramy ratxikre hãwyywewoki rỹimyhỹre, iwese tahe tiu aõ aerysyõna aõ Deuxu riwinymyhỹre. 6 Diarỹ rudiu robrore txioromy tule, aõherekibo tahe kai teeryõte txibo alòbrona 7 ibutumy raumynykre, kia tiu ijõ awityhymy wiratyre iumyõna. 7 Timykiwe iny txu juxaramy reàlàmyhỹre, timykiwe iny txu-di awimy retehemyhỹre! 8 Mabedesake bede hãwaki atximyhỹtesamy. Kia arymy 8 tiwese wyramy aõkõ atximyhỹte hãrele, itxi ini õhõti reakre, kia rubu mahãdu sõemy bede rierenykre. Kia heka ibutumy aõnaõna ròhònymyhỹre heka bòdỹỹnalehekỹ rỹira. 9 Jyre mahãdu, awimy atỹmyramy ahãtenytesamy awimy atximybenyke 9 . Aõ ixidewimy 10 aõ biwinymyhỹbenyke, acoraçãorenyheki aõ biwinymyhỹbenyke. Ka aõtxi tainihe õhõtireny reakre: Deuxu heka ibutumy riwirarereakre 11 aõbo tewinyte wahe. 10 Kia aõ nohõtiyrenamy ririõhyykre, kia aõhỹỹmydỹỹnana tule, kiemy dori jyre mahãdu bededỹỹnanareny urihimyòle rỹimyhỹrenyre.