¹ Deuxu rasimy wadee riteòsinyre: Deuxumy rabire sõemy sei riwinyre. Iòlò talòbròna rihere rahure tahe tuu relere asi umy-di. ² Sei tahe alòbròna rihumy rirore rahudi jiarỹ rarybere Deuxu-ò: --Adee tahe arexitòenykre, Deuxu txiolyhyinihe wadeereny mawòtòeke aijoi heka iaõkõre; timybohe aroirekre? ³ Taraky tahe tiki rahorerere, my tahe rirawyònyre: — Kai aõmybo robina tuu releõkre. Heòty-my rarasinyre. ⁴ Deuxu rasimy wadee riteòsinyre iwitxiramy: tuu rabire heòty-di taijoi rahukre-my. Heòty tahe berohokỹ riteredỹỹnyre suu wesemy tule alòbròna rahure. ⁵ Tai tahe jiarỹ rexitòenyre Deuxu dee: — Deuxu ixãwikelyhy! Aijoi heka iaõkõre; timybohe aroirekre? ⁶ Taraky tahe tiki rirahorere my tahe rirawyònyre: — Kiahe tule releõkre. Debòna-my rarasinyre. ⁷ Deuxu rasimy wadee riteòsinyre kawesemy: tiki tahe kokresyna relemyhỹre bire-ki rỹimyhỹ ruruwe ribi-ki, tebònadimy rỹimyhỹ tebò-ki. ⁸ Wadee tahe rỹỹraxire: — Amò aõmybohe tabiteri? — Debònamy! — rerawyònyre. Tii tahe wadee rarybere: — Wijihe ariteòsinykre waijoi dorihe òbitimy aõkõ rariamyhỹre: kokresyna ikòekòe relemyhỹre wesemyhe rỹimyhỹre. Waijoi dee tiu ixyby arawotòeõtyhy. ⁹ Butumy tahe rexihukre ixitòedỹỹna heto Israel su bedemy rỹira, wedu Jeroboaõ iriòre riòreboho butumy arihurenykre. Amò Amazia wana. ¹⁰ Amazia, matuari Betel ludu, Israel wedu-ò rybe riwahinyre Jeroboaõ-ò: — Amò heka bede umy riywinyreri kaa ijoiky ribi aòludumy. Irybe heka iòhãrureri iny hãwareny-ò. ¹¹ Myheka narybemyhỹde: “Jeroboaõ heka rurukre aõbina-ki, Israel mahãdu ròtenamy ralokre iwitxira hãwa-ki”. ¹² Iribi tahe Amazia rarybere Amò-ò: — Karibi bohonykre, ityhydỹỹdu! Boosekre ahãwa-ò Judà taira rybe-di bohonymy mabekre. ¹³ Betel hãwa-ki rybe-di ijoho ixãwikre, kaki dori wedu raxiwemyhỹre, ibutumyt hãwa hãwa tamy wii rotymyhỹre. ¹⁴ Amò rirawyònyre. — Jiarỹ iòwykõlemy rybe-di rahonymyhỹre; Aõ iòwydi ròtarerimy aõkõ. Jiarỹ tahe budoeni alòbròna wedu rare. ¹⁵ Deuxu tahe riwawahinyre ixinamy arakremy ararybekremy irybemy Israel mahãdu-ko. ¹⁶ Tai tahe, bodoholakre Deuxu rybe-ò. Kai, Amazia wadee tarybeta kaki arotohodỹỹkõrekremy Israel mahãdu dee. ¹⁷ Deuxu wanyrỹ tahe adee rarybekre: —“Ahãwyy heka uriurimy rexirahorekre kaa hãwa-ki, ariòreboho hãbu hãwyy heka aõbina-ki butumy rexihurenykre. Ahãwa heka wirareamy resekre hãwa hãwa wana. Kai tahe pagã su-ki burukre. Israel mahãdu tahe ròtenamy rirahukre iwitxira su-ò”.