5
1
Israel ijoi, bdoholake diarȳ wiù bdèrȳȳ reryryreriò umurèny tule umyrèny arybereri:
2
Israel, iruxera tule tyra Ijodoma wse, rariòwy tule tiu rȳiõkre! Rariòwymy roi tasudiòbiti, iny riwiohenanyõtyhy!
3
Deuxu rarybere: - kia hawaõ habu mahãdu woùmy ritèònykre-wna, cem lemy irumy kdoosèkre; kaa cem my habu rakrewna dèbò ituwèmy kdoosèkre.
4
Deuxu Israel mahãduò tuu rarybere: -wadèè bdòòsè umudi atxikrèmy.
5
urile tahe waitxesekõmykre Betel-ki, tule Gilgal-ki, tulesȳ Berseb-ki, Gilgal mahãdu radykre rotènamy tahawa-rbi irèhèmy, taita Betel hawa ibinamy roikre.
6
Bòòsèbènykè Deuxu-ò tai kaiboho matxibènykre sõwèmy. Kaa bòòsébènyõkrè-wna, tii heòty wsèmy resekre ihukrèmy Israel kia hawa, kia Betel-ki tiu mõõ heòty riturinyõtyhy.
7
Aõwiwi rèlèkolèmy urile ãobinabina tewinytèny tule iny tètyhynykotè.
8
Deuxu riwinyre butumy taina,
Sete-Cabrinha
Tii ruu txumy riraòrèmyhȳre
Txuu ruu-my riraòrèmyhȳre
Tii berohkȳbè-ò ryrymy kia ritxiwimyhȳre sutyrè.
Anihe Deuxu rare.
9
Tii irurusõwè mahãdu rahumyhȳre tule kia iaõwiwirèny.
10
kaibooho tuu tadonymyhȳtènyte òbitimy rybèna mahãdumy tule ityhydȳȳdumy;
11
kiaboho urile ityhykõ-pobri dèbònyhytènyte bdèraty iòwyhkȳmy tamyrèny teijemyhȳte. Taiki kaiboho tiu irèhèmy matxibènykõtyhy ahètòrènywihykȳki tule tiu biõbènyõtyhy kia monaso wihikȳmy parreira lòbròna.
12
Diarȳ sõwèmy rèèry ibinabina tèwinytènytè iharèmy iùtxietyhyre aòranarèny. Kaiboho urile idi tèsinytènyte iny òbiti rȳiradi, inieruó urdèòbymy urile aõ ibina idi tewinytèny tule iny inierukõmy rȳira tètyhynytènyõtè.
13
Tuu rawowydykõmyhȳre mobo irakydimy rȳira bdèsiraù rarybèkõmyhȳre!
14
Biwinybènyhymy ãobo òbiti aõ ibina aõkõ, taiki matxibènykre. Taiki òbitimy marybèbènykre kaa heka Deuxu aõni awnarèny ratxirèri.
15
Aõbo ibina rȳiramy madònyhybèny tule bèrinanymy aõbo awi rȳiramy tule biwinymy awi inymahãdùò taiki ratyhykre kia rybèki. Aõhewna Deuxu rurutere tijoiò itòè ijodire rubu-rbi ihènyre mahãdudèè.
16
kai Deuxu rurutere hyky rarybere: - kia ryikre irà aõdèsèmy butumy hawahawamy, ubèmy sõwèmy iny robumy rȳikre. Tule oworudu rahinykre ihèrènyki.
17
Tule ahinykre butumy kia alòbròna rȳirèri Uva. Kaa tuu rutyynykre diarȳ rèwinyrèrki. Diarȳ, Aõni raryberei.
18
Mobo ruurèri Deuxu txu knakèmy! Aõmybo tahe idi tèsytènyteri kaa txudi? Tkièmy txuu rurunykre.
19
Iwyse hãbu rahènymyhȳre halòè rbi kia tahe Urso txile sȳ rèamyhȳre; yda kõmy aõbo kiamy iny heto-ò ralòkre tai tahe tèbò hèmylala txile reakre kia tahe rirokre.
20
Deuxu txu tahe txumy aõkõkre; iu bdèlurumy butumy kia bdè roikre.
21
Deuxu rarybere taijoiò: - Diarȳ wadèè awiõre aworanabdèhèsirèny tule awiõre wadèè arityhynyke ibdèdȳȳnana;
22
Tamy arèòbyõtyhy iròdu xiwèmy rykomyhyrèò, tule cerea xiwè, tule iròdu idèdimy rȳira tewahinymytenyte xiwèmy.
23
Buhubenyke wiu rbi diarȳ tamy harpa wiuò ijohona riwaojinyreri.
24
kiakõlemy aõ òbiti relemyhyke kia bèòlòna-wysemy aõ òbtimy rȳira iwse bèè ijara tiu ruhukõmyhre.
25
Israel ijoi mahadu, kaiboho aõbo-ryki teteòsite cerea-xiwè inaubiòwa wyra hewomy bdè tya-tya-ki atxitetyte bdèu.
26
Wiji tahe kaiboho idi bètyybénykre Sicute Deuxu -ki tule kia Quium, tkiemy kaiboho tewinytenyte tamy bitynymy boibèkremy. Kaiboho idi betyybènykre kia ityytyby-di
27
Aridykreu rotèna mahadu Damsco-ò. Diarȳ, Deuxu rurutere tuu rarybereri. Israel aõbina rutȳȳnyre