2
1
پس خَأیم بدأنید کی شیمی وَسی و ایماندارانی کی «لائودیکیه» میَأن ایسَد، و باقی مسیحیانی کی تا هَسَه مرَه نیده دَأردِ رِه چقدر دوعا کونم.
2
می دوعا اَنه کی همیشه دیلگرم بوبود و محبتِ دورون همدیگرِ مرَه پیوند بوخورد و مُتحد بوبود، و بتَأند اِطمینانِ کامل و فهمِ تمامِ اَمرَه، خدا رازَ، یعنی مسیحَ بشناسد،
3
کی اونِ دورون همۀ گنجایِ حِکمت و مَعرفت مخفیه.
4
اَشَأنَ گویم تا هیچ کس شمرَه دلایلِ فریبنده مرَه گومراهَ نوکونه.
5
چون هر چند جسماً شیمی جَه دورم، ولی می دیل شیمی ورجَه نَهَه، و وختی شیمی نظم و ترتیبَ فأندرم، و اون ایمانِ اُستواری کی مسیحَ دَأریدَ دینم، خوشحالم.
مُقرراتِ اِنسانی جَه آزادَ بوستَأن
6
پس هوطو کی مسیحِ عیسایَ، به عنوانِ خودتانِ خداوند قبول بوکودید، هَسَه هم اونِ دورون رفتار بوکونید.
7
و اونِ دورون ریشه بودووَأنید و بَنا بیبید، و هوطو کی تعلیم بیده دَأرید، ایمانِ میَأن اُستوارْ، و شیمی زندگی، سرشارِ جی شُکرگزاری زیاد بیبه.
8
هوشیار بیبید کسی شمرَه فلسفه هایِ پوچ و ظاهری اَمرَه اَسیر نوکونه، دلایلی کی نه بر مسیحْ، بلکی مردمِ جَه تقلید کودَأنْ، و اُصولِ دونیایی رو اُستواره.
9
بدَأنید کی اُلوهیت و ذاتِ الهی، بطورِ کامل در ایتَه بدنِ انسانی، یعنی مسیحِ دورون ساکنه.
10
پس وختی شومَأن مسیحَ دَأرید، در واقع اونِ اَمرَه تکمیل بید، چون اون بوجُرتر جی همۀ قدرتان و ریاستانه.
11
و شومَأن اونِ اِتحادِ اَمرَه ختنه بیهید، ولی نه ختنه ایی کی دسِ اَمرَه انجام بیگیفته، بلکی اَ ختنه، هون آزاد بوستَأن جی نَفْسِ خواسته یانه، کی بواسطۀ مسیحِه ختنه اَنجام گیره،
12
چون زمانی کی غُسلِ تعمید بیگیفتید، در واقع شیمی طبیعتِ کُهنه و گوناهکار، مسیحِ اَمرَه بمرد و دفن بوبُست، و بازن مسیحِ اَمرَه زنده بوبُستید و ایتَه تازه زندگی یَ شروع بوکودید، همۀ اَشَأنْ، اَنِ وَسی بو کی خدا قدرتَ ایمان دَأشتید، خدایی کی مسیحَ مَردن پسِ رِه زندَه کود.
13
اون زمانی کی خودتانِ گوناهانِ دورون، و شیمی نَفْسِ ختنه نوبوسته دورون بمرده بوئید، خدا شمرَه مسیحِ اَمرَه زندَه کود. اون همۀ اَمی گوناهانَ ببخشه.
14
و اون سندِ مَحکومیتَ، اونِ همۀ قوانینِ اَمرَه کی بر ضدِ اَمَأن بینیویشته بوبُسته بو و بر علیه اَمَأن بو، باطلَ کود و خو صلیبِ رو میخکوب بوکود و جی میَأن اوسَأد.
15
مسیحْ صلیبِ رو همۀ قدرتان و فرومانروایانِ آسمانی یَ خلعِ سِلاح بوکود و اوشَأنِ رو پیروز بوبُست، و اَطو اوشَأنَ همگی ورجَه رُسوا بوکود.
16
پس وَأنألید کسی دربارۀ خوردن یا آشامیدن، یا دربارۀ رعایتِ روزایِ عید، یا ماهِ نو، یا روزِ شنبه، شمرَه محکوم بوکونه.
17
تمامِ اَشَأن اُمورِ آینده سایه بو، ولی اَشَأنِ اَصلْ مسیح دورون پیدا بِه.
18
هیچموقع کسی تحتِ تأثیر قرار نیگیرید کی خودشَ فروتن نیشان دهه و فرشته یانَ عبادت کونه، وَأنألید اَجور شخصْ باعث بیبه مَحکوم بیبید، اون رویاهایِ آسمانی دینه و اَجور چیزانَ علاقه منده، اونِ اَفکارِ نفسانی و خیالایِ باطلْ باعث بوبُسته مَغرور بیبه.
19
اون خو پیوندَه سَرِ مرَه جی دس بدَه دَأره، دوروسته کی همۀ بدنِ اَعضاء، مفاصلِ اَمرَه همدیگرِ مرَه پیوند خورد، ولی سَرِ مرَه رُشد کوند، رُشدی کی خدا جَه سرچشمه گیره.
20
21
پس هَسَه کی مسیحِ اَمرَه نسبتِ به اَ دونیا عقاید بمردید، پس چره جوری زندگی کونید کی خیال بوکون اَ دونیایَ تعلق دَأرید؟ چره اونِ اُصول و قوانینَ گردن نهید؟ اُصولی کی گویه:«اَنَ دس نزن! اونَ لب نزن! تی دسَ اونِ رو ننن!»
22
اشَأنْ همه چیزایی ایسه کی مصرف کونی و تومامَ بِه، و اوشَأنِ اَحکام و تعالیم، همه انسانِ عقایدِ جَه بنا بوبُسته.
23
اَ قوانین مُمکنه ظاهراً خوب و حکیمانه بیبه، چون اوشَأنِ اَنجام دَئَن نیاز دَأره کی عبادتِ داوطلبانه اَنجام بدی و خودتَ فروتن بوکونی و تی بدنَ ریاضت بدی، ولی در واقع نتَأنه شَهوتهایِ نَفْسانی جولویَ بیگیره و هیچ تأثیری اوشَأنِ رو نَئره، و فقط آدمَ مغرور کونه.