¹ Apa pama ca so, a ca a zara mɛ yan. Pɛnmɛ mumurɔ le ji ye apa sa, a za a da kule naya yilena. ² Apa nafolo la ɲɔnra. Apa wurɔ yala kume zɛn yala yan. ³ ɲɔnra zuga apa pee la na ni apa sanɔ la yilena, na ɲɔnrɔ la ji da sɛrɛ na apa yilena o kumuapa yara nama o zɔɔ dama pisan. A ce a naforo la da yan so were zɔara wura so. ⁴ Wali dari ca lema kaa a wula la won, ɲa apa yen naya wɛn ma, na wɛn la pasari apa yilena. Lema ka apa ɲa la, naya pasara kule ye weri cira ci E ci o zara san. ⁵ Apa ji pama jiri yii kɔrɔnɛ tan ta la bɛn, o ce a sa sago bisa ma la won. Apa bri a bɛlɛ mɔn tɛ gwan wura. ⁶ Apa ce zeri cɛnsɔ san a gɔ, o yen weri cirɛ apa san ma. ⁷ Na yilena e ɲi bio, a da muɲu sani Eci la ji ko. Sumu naa, gagari ci n bani tan ta la yii jo yala cana la lakala, ni nde muɲu murɔ da fo o na jɔmini fala la na ni o kɔasan na. ⁸ Apa mu da muɲu bɛ a kɔrɔga a bɛlɛ bi, naa E ci kuiri were da kuisi. ⁹ Apa ba ɲii tan jɔn na ɲama da san ma, e ɲi bio, yele zeri ba apa mɔ ma. Sumu ciri cira la na, o ko zangalɔ lebere la len. ¹⁰ Mɛ ɲi bio, ton bi lema da jɔn E ci la yilena, a lise naya ɲi ana pɛnmɛ na na ni ana muɲu na. ¹¹ Sumu na, lema nde ɲɛtan bra la muɲu, epe ni ɲimi ni naya ke juba bio. Apa nuga Zɔbu muɲu na cuma. E ci la da le Zɔbu na kɔansa na, apa ɲini na mu, nayilena E ci hina la na n'o cana la zɔn fo kɔrɔnɛ. ¹² Naa lakala dan, mɛ ɲi bio, apa ba a sa da kali fiyeu. Apa ba a sa da kali vɔn na ba, wala tan tala na ba. Apa ba kali buru pɔyi da. Anhan da ni anhan na, apa ayi da ni ayi na, yele zagi la ba zari apa bɛn ma. ¹³ Apa lo dari ko piyɔn wa? A ziri va. Apa la dari bɛlɛ ko ɲɔmɔ wa? Na da mawali ɲɛrɛ ce wa. ¹⁴ Apa lo dari ko kɔrɔ ba wa? na kome karan ja won nɔ cala na, naya ziri vamara o na ana ce nuan cana o san E ci la yilena. ¹⁵ Vazira le da ni lanaya na, na je lɔrɔ ci la cɛnɛɲɛ, E ci la jo zɔgɔ. No da ma gɔsɔ, ni ji da yafɔ o san. ¹⁶ Nayilena, a ɲama a magɔsɔ yala dana, a ziri vamara da san, yele apa da cɛnɛɲɛ. Lo cɛnsɔ vamara zira mumurɔ, ko banbani na, pan yen na won fo kɔrɔnɛ. ¹⁷ Elie tari ke epa bɔɲɔn lo, o ziri vamara o banba naa san ni ja ba ko ba. Ja yen ko tan tala bɛn bele cɔɔ na ni kari nɔrɔ. ¹⁸ Na dan o ziri vamara sema, jɔa kuan, tan tala ce bi. ¹⁹ Mɛ ɲi bio, ni apa dari n lege o jɔn cɛn cen na, ni lo buru n jugu na o dana, ²⁰ apa ɲinu ni le jugu magɔsɔ ci biten o lurɔ o legere cen na bɛn, na ji lo ten kirisi cimɛ na san, o pi ma gɔsɔ jaani jaani ɲi.