¹ Mɛ ɲina bio, apa jaani ba da karan ɲɔ ci na ba, Na yilena apa lema ɲinu apa lema ke karan ɲɔ ca ni ciri ji kɔrɔgɔ epa san. Epa lakala ni legi ma jaani san. ² Lo le legere jɔn na ba, na ci ke lo cɛnsɔ, o gulɔ o mɔn o yara nama lakala ni ɲisan cɛrɛna. ³ Epa n ciri sina ɲisan cɛrɛ yele o de na bɛlɛ yie wo ma. Epa gulɔ n lamasi e yara nama o wa tan lakala won. ⁴ A sumu mini bɛn ɲaɲina mu na. o zɔn foo kɔrɔnɛ, wami mumurɔ ni lesu, na o lamasi ni bele jinjɛn na o ci la bɛlɛ yile nɔ na ⁵ Na yɔrɔ, lo dumula ke o yara nama jin jɛn, na o ɲamu jɔn murɛ o gara o se ɲɔ. sumu pisan jinjɛn, naa o cere pisan tu murɔ san dɛ! ⁶ Dumula ke pisan na, duɲa ko pɔ ni gwɛsɛrɛ na, na ke dumula'a. o jinɔ yen ena yara nama la sɛrɛ, o bini yara nama nɔna lakala. O ciri pisan ena mala lakala san, o ko mero o lurɔ jahanama la won. ⁷ Gan yii ba nasi la lakala, na ni zibola ni yii lema ni vanri tan na, na ni mini won yii yala, naya lakala de kolo na. Na da kolo zolon bio la yan. ⁸ Naa dumula kɔni, lo pɔyi ye gulɔ o dɔ kolo. yii gɔsɔ kolo baliya ke dumula'a. O ko pɔ lo guan baga na. ⁹ Epa nde vamara tando ni dumula lena. Lo le vari vamara si na, epa nde naya dan ni dumala na sema. ¹⁰ Tandu ni dan jɔn ɲii lakala nin lurɔ ɲi biten yan. Mɛ ɲi bio, na dere bɛn ba dɛ! ¹¹ Mini ɲɔmɔ na ni mini cɛmɔ na gulɔ o lurɔ ɲe biten yan wa? ¹² Mɛ ɲi bio, wɔgɔ ɲi o ce Olive bi wa? Rɛzɛn ɲi gulɔ o ce wɔgɔ bi wa? Tami mini gulɔ o bri mini ɲɔmɔ ba. ¹³ Apa won le haciri zɔn, no ɲini ma? Na ci bɔrɔ o dari wali o vara ko cana yan ni sabari na ni haciri ciri ya na. ¹⁴ Naa ni keleya cɛmɔ ni kanra bɛlɛ bi yen apa po won, apa ba a sa ganra a cire manciran ba naa cɛn te na won ma. ¹⁵ Haciri ciriya len cuse no lurɔ vɔn, o wa ni so ka ten ma. so ke tan tari la bɛn haciri ciri ya'a. zolon bi beku ɲino ba, o zina ciri ya. ¹⁶ keleya na ni kanra bɛiɛ bi yen tanle nɔ, ma gɔgɔ la na ni magɔsɔ si la lakla yen bran. ¹⁷ Naa haciri ciriya len koe o lurɔ vɔn, dere, na ko poron, na dapɔn, o hɛrɛ ciriya, o ko zuru wa. No kuiri bɛn ya, o ko pɔ ni hina ni dari wali cana na. O bre lo lo won ba, kole ɲii ɲama to yan ba. ¹⁸ Cɛnsa n ceri bi le, na kulɔ hɛrɛ yan wuiri zɔa ca yan.