¹ Mɛ zaki, Vamara ni E ci yezu kirisa bɔrɛ, ni bɛbi so vari so Israyɛli juya la foo ni ɲii la na lema ka san sɔ. Apa ni hɛrɛ. ² Mɛ ɲi bio, ni pɛmɛ jaani ni pa ana, apa da na jati ni bɛlɛ ɲɔma na, ³ apa ɲinu ni muɲu lurɔ apa lanaya la tan bra la piɛn won ⁴ Apa jɔn bra muɲu la dɔ o wali la pusurɔ ɲe, yele apa ɲi pusurɔ a da kɔgɔ, pa ga apa sa. ⁵ Ni haciri yala nga lo le ci na ci ziro vamara yan o ji nɛ nana na ce vamara nɛ pɛ o da bu, ana ɲemere yile ba. ⁶ Na a ziro naa ni lanaya na, a ba da siga siga fiyeu, nayilena len nde siga siga, na lurɛ tami mini o ɲaɲi ya. wamɛ mere le o wa tan lakala won. ⁷ Na lo sifa na kɔni ba da tasi ni wa ji yii nɔ E ci yan ba. ⁸ Bɛlɛ bi ɲii ci ya, ko sabatini o cen na pɔyi ya. ⁹ E ɲi bi pantan da ɲagali o tan tura na. ¹⁰ Pama ci mu da ɲagali o se cuse la bɛn, nayilena o ji kɔrɔ dama gari puni. ¹¹ Ni wɛn ni lura ni tan loni mumurɔ na, gala kɔri o puni zara tan, o cana la cin cana la ji ɲɛni. Pan ci la ji dɔn dɔn mɔnɔ o tamɔ o ma deri yala na. ¹² Pɛmɛ ji ku lo le san, na ke juba bi ya, naa ce ni o cɛnsɔ ni na pɛmɛ yan, vamara na sayɔya pa ciri banfula layiru le ana na, o jina na. ¹³ Ni lo ni bisira magɔsɔ dapɔn, na ba ɲamu ni vamara bisirɔ ba, nayilena vamara gulɔ o bisirɛ pɔyi yan. O bisira lo pɔyi magɔsɔ pɔyi yan. ¹⁴ La la lakala ten ten nde bisirɛ magɔsɔ dapɔn, no pama o se nege gɔsɔ yan o da marsa. ¹⁵ Ni lege la tura po, o lurɔ magɔsɔ. Ni magɔsɔ la ciseni o lurɔ cimɛ. ¹⁶ Mɛ ɲi bio ɲɔmɔ ya, a ba ligi ba. ¹⁷ Yii cana lema nɛy epa na nani pɛ yii ɲi pusurɔ, naa lakala ji ko o lurɔ vɔn na.o ji cusu o lura pola lura vamara yan. Vamara lamsara ba, mɛna lamisa sa to yan ba. ¹⁸ o lurɛ epa cɛn jɔn na pan won o mɔnɔ o se bɛlɛ yilena, yele epa da cɔn na ca darɛ na o yi varɔ la sɛrɛ. ¹⁹ Apa ɲini so, mɛ ɲi bio ɲɔma ya, ni la la lakala ca a zara pɛpɛ na, naa ce a ba jɔn da pɛpɛ na ba, a bɛlɛ ba fɛnri pɛpɛ na ba. ²⁰ Naa ce zolon bɛlɛ fɛnrɔ gulɔ o da vamara bɛlɛ yile won ma ba. ²¹ Na yilena, a jɔan gwɔsɛ yala lakala ɲi tan, na ni gɔsɛri tɔmala lakala. jɔn na le ko kulɔ ana bɛlɛ bi won, a sian na na ni se cu'se na, na ji gulɔ o da apa kirisi. ²² Apa da ni vamara jɔn dari ca na, a ba da o nɔga ca bɛku na ba, a ba a sa vulɔ ba. ²³ Naa ce lo len nɔgɔ vamara jɔn, n'o vari o mɛni na ya ba, o yen dama lo len n sumu o sa dubalen won. ²⁴ O se suma dapɔn, o jaa , o tari yen ɲa le ɲɔ nɔ o yiri ji bri na won. ²⁵ Naa ce sariya ɲi pusurɔ, hɔrɔnya tɔn kɔnɛ, ni lo len ni sumɛ naa na ni haciri ciri yana o tamu na bɛn ni o haciri ye bra ni o jɔn na ba, naa o vari o mɔnɔ na na, na ci ke juba bi o ma dari yala na. ²⁶ Ni lo dari ndo se Vamara cen veri ci na, naa ce o mɔrɔ o ɲi ma, na ce o de o se tunu, o vamara cen vero la bɛku ya. ²⁷ Vamara cen veri cin cana gwɛsɛ bali vamara sa tan, na ke so na, o wa lurɔ kan biyala kan bara cimɛ ca la na ana pɛnmɛ won maya la na. na ni dunuɲa la won gɔsɛ mayala won lakala won lakala na.