¹ Mâ mondu mob'â bulukâ ne âmmi âgâgâ niâh, Mâ, oluru berego bulukâgo ângwi Khriśōo ri chândire ri âryinâōâ, ângwi mâ mod'i oluru ându kig•ârâ ri âkku ându e-owy ri nâne niâh ânyo: ² Olowtâ Orri ri ânyukwâ b'âh rikâki ri billuleb'âru wo eleni âmmi ri rimmeh ri bubu, iingâtâ ehb'u ehśu ânddehb'â towekâki niki—ko~bwo oggo âmmi nowowe, kombo ko~bwo âmmi niid'eko ri id'eko wo, ehśu ându Orri ri âmmi nob'âzo nini—diinjâ ri miilongwe ni-ku kombo od'iâ śe. ³ Noondu owe ehśu oppi nikiku epeh kânâ âmmi nikâ eleki dii. Kombo, olowtâ âuwru ânyukwâ b'âh rikä ni ânyo. ⁴ Kiru eyâ billulego ri ośśye ke-owy ehd'ey, eleh ându âmmi nâ-iy ri âkku ri lokulu itellâ kânâ d'okunâ ne wo. ⁵ Leâhōynâ niâh ~bâg•, âmmi âgoo kehd'ikâki, iikwetâ âgoo oπeb'áki ni ânyo. Âmmi liibiπi, âōohtâ âmmi ri ruw ōomud'o śe ânyo âzze noongâ ehb'u ne âmmi ri ruw ni. Ko~bwo Orri kocheh dii'berenâōâ ne, kombo kokwe quii mud'o ne ni ânyo. ⁶ Iliâ wo iib'âtâ âmmi ri ruw ōomud'o ânyo Orri ri dei nâmbâ ri bubu kiru ânyi oggo lâgo kob'â âmmi id'ud'ungâ lâ-ounâ râ wo. ⁷ Iibbutâ âmmi nid'ew lâgo dii ânyo ko~bwo lâgo kimmeh ri âmmi ne. ⁸ Noondu onnu nokohku, âōeâhhtâ ōo. Âmmi ri ehrego lotemberego ne kâwâlâ kilog•á ri kede ehśu ehbee ânddu ri nini, kunddeh ri ngâ âllâ ne osile. ⁹ Eddehtâ ōo lâgo śe. Olowtâ âmbâru âmmi ri regeny niâh. Âmmi noonone oddo âmmi ri âdâdii ombbâzo milili niâh ne nehbee ri chândirekâ ne ânyo ~bâg•. ¹⁰ Kuśe ichândi ri âmmi ne buná wo lâ-ou kehd'iru, quii ri Orri liibiπi , oluru ungwe âmmi âwiry âśee âkkuzo Khriśōo niâh ne râ, ându kokwe âmmi nolow kulu wo, kid'id'iko ri âmmi ne, kizy ri âmmi ne, âzze kipipilâ ri âmmi ne. ¹¹ Âtâtâ ázze lâgo ni nyonyo âzze nyonyo wo. Pirg•ânyâ. ¹² Mâ meyeye ri Śilvânu ne ehśu âdig•â regenynâōâ nini, ângwi Mâ miwro âmmi ni richochowokâ śe lâgo śe. Mâ mob'â âmmi ne id'ud'ungâ ângwi Mâ moryi âmmni ni oddo ngâ Mâ ri iwro kânâne Orri ri quii ōoki. Eddehtâ âwi niâh ânyo. ¹³ Mod'izinâ oluru Bybylo niâh ne, oluru epeh kânâ âmmi ro kud'ukud'u ne, kimoπo ri âmmi ne. Âzze Mârâko, mâ ri ngwâgo, kimoπo ri âmmi ne. ¹⁴ Imoπotâ ruw riyie ri onju śe. Oggo moπo kolow âmmi od'ub'â Khriśōo râkâki ni wo.