¹ Ukufuma fi na limwene bamalaika kabemakene kumakona ane aya kyalo, kabekatishe imyela ine iya kyalo pakuti kubule ukwikala umwele uwakupupa pakyalo, ifishiba, nangu pafichi. ² Nalimwene malaika umbi alefuma kukabanga uwali na kakumwishibilo ka ba Lesa abomi. Alibilikishe kuli ba malaika bane abapelwe amaka ya konauna ikyalo ne ifishiba: ³ ''Mwi onaula ikyalo, ifishiba, ne fichi kana tukabike utwishibilo pa filungi fya bakito ya ba Lesa.'' ⁴ Na lyumfwine inambala yaba lya abapelwe utwakwishibilo: 144,000, abo ababikilwepo utwakwishibilako ukufuma kumitundu yonse iya bena Islaeli: ⁵ amasausande ikumi limo na yabili ukufuma kumukoka wabena Yuda ebapelwe utwakwishilako, amasausande ikumi limo na yabili ukfuma kumukoka wa bena Lubeni, amasausande ikumi limo na yabili ukufuma kumukoka wabena Gadi, ⁶ amasausande ikumi limo na yabili ukufuma ku mukoka wabena Asya, amasausande ikumi limo nayabili ukufuma kumukoka wabena Anafitali, amasausande ikumi limo na yabili ukufuma ku mukoka wabena Manase, ⁷ amsausande ikumi limo na yabili ukufuma kubena Simyona, amasausande ikumi limo na yabili ukufuma kubena Lefa, amasusande ikumi limo na yabili ukufuma kubena Isaka, ⁸ amasausande ikumi limo na yabili ukufuma kubena Zebuluni, amasausande ikumi limo na yabili ukufuma kubena Efesefa, kabili amasausande ikumi limo na yabili ukufuma kubena Benjamina bali notwishibilo. ⁹ Panuma yafifi fintu nali mwene, ibumba lya bantu ilikulu ilya kufilwa ukupenda-abafumine ku fyalo, imikonka, abantu ne mitundu-kabemakene kumenso etebe naku menso amwana wamukoko. balifwele imikasu itubile ne fisako fya lukindu mumabboko yabo, ¹⁰ kabili bali kubilika neshiwi ilikulu ati,'' ukupuluka kube kuli ba Lesa besu, abekele petebe, kabili no mwana wamukoko!'' ¹¹ Kabili bamalaika balimakene bonse ukushinguluka itebe kabili nokushinguluka abakulu ne fintu ifilabi, kabili fyaliponene panshi ubwifuneme ku menso yetebe. Nkulambila ba Lesa, ukulukabila ati, ¹² Nemo! ''Ameni ukutota nokulema, namano, nekutotela, nekukinjika, nabukulu nomakosa fibe kuli ba Lesa umuyayaya! Ameni. ¹³ Penkapo umo uwamubakulu kangipusha, ''aba nibani, abafwele imikasu itubile kabili bafuma pi?'' ¹⁴ Nali mwasukile ati, ''Mwane, mwaishiba,'' kabili bali ngasukile ati, ''Aba ebafuma mu makatasho aya kosele. Ba washa imikansu yabo no kuitubisha mulopa wa mwana wamukoko. ¹⁵ Umulandu wa fifyo, bali pamenso etebe lya ba Lesa, kabili nekulu kulambila akasuba ne bushiku muli tempele kabili abo abekele pe tebe bakafimbapo iyitete pali bo. ¹⁶ Nabo tabakofwe isala libili, nangu kilaka libili. Akasuka nako takaka bakalipele, nekibe nakyo tabakakyufwe. ¹⁷ Pakuti umwana wa mukoko uli pakati ketebe akabatangilila kunsulo ya menshi ya bumi, kabili ba Lesa ba kbashimuno iminsoshi ukufuma mumenso yabo.''