¹ Neliloleshe kabili ne kumona umwana wa mbelele kaimakene palupili lwa Sayoni. Ali na bantu amsausande umwanda umo nemakumi ane naane peulu abakwete ishina lyakwe ne shina lyaba wishi pampumi yakwe. ² Nalyumfwile shiwi ukufuma mwiulu ilyalefwika kwati kupota kwa menda ayengi ne kilulumo. Ikilulumo naufwile kayli kwati wakulishe ifyombesha. ³ Balimbile ulwimbo lwa bukumo kuntanshi yetebe lya bufumu na kuntashi ya fya myeo fine ne ba bakulu. Takulipo neli umo uwinga sambilila ulu lwimbo kana fye benkabo amasausande umwanda umo ne makumi ane naane abashitilwe ukufuma pa kyalo. ⁴ Aba ebo tabaliko weshepo ne banakanshi, pantu balilisungile ukufuma kubulalelale. Aba ebakonka umwana wa mbelele konse ko alukuya. Aba ebapulushiwe ukufuma mukati ka mutundu wamuntu kwati fyansomo kuli Lesa na kumwana wambele. ⁵ Tamwasangilepo ubufi mukanwa kabo; tabakwetepo akankowesha. ⁶ Penka nali bwene malaika ali kupupuka mwiulu, ali ne mashiwi ayaweme aya muyayaya aya kushimika kuli babo abekala pa kyalo-ku kyalo kyonse umutundu ululimi, ne bantu. ⁷ Kaita ne shiwi ilikulu ati, ''chineni Lesa ne kumupela ubuleme. Pakuti impindi yakupingula yaisa. mupepeni, uyo uwapangile lyiulu ne kyalo, ne fishiba netuntumputumpu twa menda.'' ⁸ Malaika umbi-uwabubili-kakonkapo, ne kulabila ati, ''Apona, apona,Babiloni umukulu, uwalengele imitundu yonse ukunwa ifisunga fya bukenkemishi bwakwe.'' ⁹ Malaika umbi - uwabutatu - kabakonka, ne klabila mwishiwi ilikulu ati,'' Nga kya kwebati umuntu apepe kinama ne kipasha kyakwe ne kupoka akeshibilo pampumi yakwe neli pa kuboko kwakwe, ¹⁰ naye akanwa ko ifisunga ifyo bukali bwa ba Lesa, ifisunga ifyo tafibikilwemo fimbi muli kapu wabukali bwakwe. Umuntu onse ukanwamo akakyu shiwa no mulililo ne mabwe pa menso aba malaika abaswetelele aba ba Lesa na ku menso a mwana wa mbelele. ¹¹ Ikyushi kufuma kukukyushiwa kwaba kukaleya mwiulu umuyayaya, kabili tabatushapo akasuba ne bushiku - aba abakupepa ikinama ne kipasha kyakiko, kabili bonse abakapoka akeshibilo keshina lyakwe. ¹² Pano epali ukutekanya kwa balungeme abakwa Lesa, balya abasunga amafunde aba Lesa ne kuketekela muli ba Yesu.'' ¹³ Nalyumfwile ishina ukufuma mwiulu ililelabila ati, ''Ulembe ati:'' Balishukilwe abafwila muli baShikulu.'' Umupashi ati, ''Ikine'' pa kwebati bengatusha ku mililmo yabo, pakuti imilimo yabo ikabakonka. ¹⁴ Penka nali bwene, kabili kwali ikumbi lya kutuba. Newaikelepo pa nkumbi ali kwati mwana wa muntu. Ali ne muchinya wa golide pa mutwe wakwe na mumaboko akwe ikikwakwa ikitwile. ¹⁵ Kabili malaika umbi alifumine mwitempele ne kwita ne shiwi ne kwita ne shiwi ilikulu kuli ulya uwikele pe nkumbi ati: ''Toleni ikikwakwa kyenu ne kutapa ukukesa. Pantu inshita ya kukesa yafika pakuti ifya kukesa ifya mu kyalo kya panshi fyapye kale.'' ¹⁶ Penka uyo uwaikale pe kumbi kaposa ikikwakwa pa kyalo, napo pa kyalo pali keselwe. ¹⁷ Umbi malaika kaisa ukufuma mwi tempele mwiulu naye ali ne kukwakwa ikitwile. ¹⁸ Kabili naumbi malaika kaisa ukufuma pa kyakoshilapo ifinuka bwino, uwakwete ne bukulu pa mulilo. Alichite ne shiwi ilikulu kuli ulya uwali ne kikwakwa ikitwile ati, ''Pinta ikikwakwa kyobe ikitwile ne kubunganya ifisepi kufuma ku mfaina ya kyalo, pakuti ifisepo fyabo fyapya pano.'' ¹⁹ 'Naye malaika kaposa kikwakwa kyakwe pa kyalo ne kukesa ifisepo fya maina ya kyalo. Ne kuposa mulusanso ulukulu ulwa bukali bwa ba Lesa. ²⁰ Penka ulusanso lwalinyantawilepo posonde ya mushi, ne mulopa walifumine mulusanso lyakufika na kunkobeko yaba kafwalo, amasstalyo (1,600) Isausande limo ne myanda isanu nalimo.